اعمالٚ رسولأن 27:2 - Gilaki New Testament

² اَمأن ایتأ کشتی میأن بینیشتیم کی آدرامیتیومٚ جَا بأمؤ بو و چنتأ بندر آسیا میأن وأستی لنگر تأوٚده. پس اَمی سٚفرَ دریأ میأن اونٚ اَمرأ شورو بوکودیم. آریستارخوسٚم، کی مقدونیه میأن تسالونیکی شهرٚ شین بو اَ سٚفرٚ میأن اَمی اَمرأ بأمؤ بو.

کیتاب مقدّس به گیلکی (رشتی)

² کشتی‌یَ کی جٚه منطقه‌یٚ اَدرامیتینوس بو، سوارَ بوستیم کی جٚه بندرأنٚ آسیایی دوأرستی تا فأرسیم ایتالیا. آریستارخوسٚ مقدونی جٚه شهرٚ تَسالونیکی اَ سفرٚ میأن اَمی اَمرأ بو.

کتاب مقدس به زبان گیلکی - گویش شرقی

² پس یکته کشتی که اَدرامیتینی و آسیا ولایت بندرؤن شوئدبو، سوار بویم و راه دکتیم. آریستارخوس مقدونی أم که تِسالونیکی شی بو اَمه أمره ایسا بو.

کتاب مقدس به زبان گیلکی - گویش رشت و غرب گیلان

² پس ایتا کشتی کی اَدرامیتینوس شار جا آمون دبو و آسیا ولایت بندران سو شئون دوبو، سوارَ بوستیم و رادکَفتیم. آریستارخوسِ مقدونیم کی تِسالونیکی شین بو اَمی امرا ایسا بو.

اعمالٚ رسولأن 27:2 Iomraidhean Croise

لوقا 8:22

ایتأ روج عیسا خو شأگردأنَ بٚفرمأسته: «بیشیم دریأچه او طرف.» پس لوتکأیَ سوأرٚ بوستٚد و بوشؤدٚد.

اعمالٚ رسولأن 16:17

او کؤر پولس و اَمی دونبألسر اَمؤیی و فریأدٚ اَمرأ مردومَ گفتی: «اَ مردأکأن موتعأل خودا خیدمتکأرأن ایسٚد و نیجأتٚ رأیَ شِمِره وأگویا کونٚده.»

اعمالٚ رسولأن 17:1

اَشأن آمفیپولیس و آپولونیا شهرأنٚ جَا دٚوأرٚستٚده و فأرٚسِده تسالونیکی میأن. او شهرٚ میأن یوهودیأن ایتأ کنیسه‌ دأشتیدی.

اعمالٚ رسولأن 19:19

ایتأ عیده‌یٚم کی پیشتر جأدو جنبلٚ رِه موشغول بود، خوشأنٚ طلسمأن و نیویشته‌یأنَ بأوٚردٚد و همٚتأنٚ ورجأ بوسوجأنِده. وختی اوشأنَ قیمت بوکودٚد، پنجأه هیزأرتأ نوقره سکه بوستی.

اعمالٚ رسولأن 19:29

ایپچه‌ایپچه مردوم جٚه دؤرٚور جمَ بوستد و پور زمأت نوبوسته کی ایتأ بلوأ شهرٚ میأن بیپیچسته. و همٚتأن هوجوم ببردٚد او شهر تمأشأخأنه ور و پولسٚ همسفرأن گایوس و ارِستَرخوسَ کی مکادونیه شین بود بیگیفتٚده و فأکش فأکش موحأکمه وأسی ببردٚد.

اعمالٚ رسولأن 2:9

اَمأن کی جٚه پأرتأن، مأدأن، ایلامیأن، بین‌النهرینٚ آدمأن، یوهودیه، کپدوکیه، پونتوس، آسیا،

اعمالٚ رسولأن 21:5

آخر هفته وختی وأگردستیم کشتی میأن، تومأمٚ ایمأندأرأن خوشأنی زنأکأن و زأکأنٚ اَمرأ تأ دریأ کنأر اَمی اَمرأ بأمؤده. اویَه همٚتأن کس‌کسٚ اَمرأ دوعأ بوکودیم.

اعمالٚ رسولأن 28:10

جٚه اَ خأطر خٚیلی پیشکشی اَمی ور سرأزیرَ بوسته. اَمی شؤئؤنٚ وختم، هرچی سٚفر رِه لأزیم دأشتیم اَمِرِه بأوٚردٚد کشتی میأن.

اعمالٚ رسولأن 28:12

اَمی رأ میأن سه روج سیراکیوسٚ میأن بئیسأییم.

اعمالٚ رسولأن 28:16

وختی فأرٚسِییم روم، پولسَ وئأشتٚده کی هرتأ جیگأ کی خأیه زٚندیگی بوکونه. فقد ایتأ نیگهبأن همیشٚک اونَ پأستی.

کولسیان 4:10

اَرِستَرخوس کی می اَمرأ زندأنٚ دورون ایسأ و مرقس، برنابا عمو پٚسر، شٚمٚره سلأم دأرٚده. هوطویی کی پیشتر هم سفأرش بوکودم هر زمأت کی مرقس شیمی ورجأ بأمؤ، اونی جَا خُب پذیرأیی بوکونید.

فیلیمون 1:24

می همکأرأن، مرقس، اَرِستَرخوس، دیماس و لوقایٚم سلأم رٚسأنده.