اعمالٚ رسولأن 27:1 - Gilaki New Testament

¹ آخرپٚسی جوفت و جورَ کودٚد کی اَمٚرَه کشتی اَمرأ اوسه کونٚد ایتالیا. پولس و چنتأ دِه زندأنیَ فأدأده ایتأ افسرَ کی یولیوس نأم دأشتی و ایتأ جٚه امپراتوری گاردٚ افسران بو.

کیتاب مقدّس به گیلکی (رشتی)

¹ وختی قرار بر اَن بوبوسته کی اَمأن جٚه دریا بیشیم ایتالیا، پولُس و چند نفر جٚه زندانیأنٚ دیگرم بأورده بید و ایتأ افسری کی اونٚ نام یولیوس بو بیسپردیدی کی جٚه لشکرٚ گاردٚ قیصر بو.

کتاب مقدس به زبان گیلکی - گویش شرقی

¹ وقتی تصمیم بیتیم که دریا جی ایتالیا بشیم، پولُس و بعضی زندانی أنِ دیگه، یکته افسرِ به ایسم یولیوس، تحویل بَدئن. یولیوس امپراطور روم گردان اجی بو

کتاب مقدس به زبان گیلکی - گویش رشت و غرب گیلان

¹ وقتی تصمیم بیگیفتد کی اَمان بایستی دریا راهِ جا بیشیم ایتالیا، پولُس و چن تا جه زندانیانَ ایتا اَفسر، یولیوس نامَ تحویل بدَه ئید. یولیوس، جه امپراطور رومِ گُردان بو.

اعمالٚ رسولأن 27:1 Iomraidhean Croise

متّی 27:54

او رومی افسر و اونی سروأزأن کی عیسا جَا نیگهبأنی کودنَ عُهده دأشتید، اَ زیمین لرزه و ایتفأقأنٚ جَا وأشٚت بوکودٚد و بوگفتد: «رأس‌رأسِی اَ مردأی خودا پٚسر بو.»

لوقا 23:47

او رومی افسر کی مأموریت دأشتی کی حوکمَ ایجرأ بوکونه، وختی اَنَ بیدِه خودایَ عیبأدت بوکوده و بوگفته: «رأس‌رأسِی اَ مردأی بی‌گونأ بو!»

لوقا 7:2

او شهرٚ دورونی، ایتأ رومی افسر، ایتأ غولأم دأشتی کی خٚیلی اونَ دوس دأشتی، او غولأم مریضٚ بوسته و مٚردأندوبو.

اعمالٚ رسولأن 10:1

قیصریه شهر میأن ایتأ رومی افسر کُرنیلیوس نأم زٚندیگی کودی اون ایتأ هنگٚ فرمأنده بو، کی «ایتألیأیی هنگ» معروف بو.

اعمالٚ رسولأن 10:22

جوأب بٚدأده: «اَمأن جٚه ایتأ رومی افسر ور، کُرنیلیوس نأم بأمؤییم. اون خوروم آدم ایسه و خودا جَا حیسأب بٚره و یوهودیأنٚم اونَ ایحترأم نٚهٚده. ایتأ فٚرٚشته‌یٚم اونَ ظأهیرَ بوسته و بوگفته کی شیمی دونبأل اوسه کونه و شٚمٚره خو خأنه دعوت بوکونه، و شیمی گبأنَ بشتأوه.»

اعمالٚ رسولأن 16:10

پس هطو کی اَ رویأیَ بیدِه، ایطمینأن بٚدأشتیم کی خوداوند اَمٚرَه دؤخأده کی اینجیلٚ پیغأمَ مقدونیه دورونم وأگویا بوکونیم. جٚه اَ خأطر دفأتن بوشؤییم اویَه.

اعمالٚ رسولأن 18:2

او شهر میأن ایتأ یوهودی مردأکٚ اَمرأ کی پونتوسٚ شین بو و آکیلا نأم دأشتی آشینأ بوبوسته. اون خو زنأکٚ اَمرأ کی اونی نأم پریسکیلا بو تأزٚگی ایتالیا جَا بأمؤ بو قرنتس میأن، چونکی کلودیوسٚ قیصر همٚتأ یوهودیأنَ روم جَا بیرونَ کوده بو.

اعمالٚ رسولأن 19:21

تومأمٚ اَ ایتفأقأنٚ پٚسی، پولس جٚه خودا روحٚ ور هیدأیت بوبوسته کی پیشتر جٚه اَنکی بشه اورشلیم، جٚه مقدونیه و اَخائیه رأ دٚوأره. اون گفتی: «اونٚ پٚسی وأستی رومٚم بٚشٚم!»

اعمالٚ رسولأن 21:32

اونم دفأتن خو افسران و سروأزأنٚ اَمرأ بوشؤ جِمئیت ور. مردومٚ چوم کی سروأزأنَ دکفته، پولسٚ زِئن جَا دٚس فأکٚشِئده.

اعمالٚ رسولأن 22:26

او افسر وختی اَنَ بشتأوسته بوشؤ فرمأنده ورجأ و بوگفته: «هیذره دأنی چی کودأندری؟ اَ مردأی رومٚ شین ایسه!»

اعمالٚ رسولأن 23:11

او شب خوداوند پولس ورجأ بٚپأ بئیسأ و اونَ بٚفرمأسته: «پولس، تی دیلَ قورص بٚدأر! هوطو کی اَیَه مردومٚ اَمرأ می جَا گب بزِیی، رومٚ میأنم گب زنی.»

اعمالٚ رسولأن 23:17

پولس ایتأ جٚه پأسبأنأنَ دؤخأده و بوگفته: «اَ جوأنَ فرمأنده ورجأ ببر، چونکی خأیه ایتأ موهیمٚ خٚوٚر اونَ فأدَه.»

اعمالٚ رسولأن 24:23

بأزون، فرمأن بٚدأ پولسَ زندأنی بوکوند ولی او افسر کی مسئول بویَ سفأرش بوکوده کی اونی اَمرأ خُب رفتأر بوکونٚد کی جٚه هر ور آرأمٚش بٚدأره و وئألد اونی ریفِقأن اونَ بیدینٚد و هرچی کی بٚخأسته اونَ فأدٚد.

اعمالٚ رسولأن 25:12

فِستوس خو موشأویرأنَ اَمرأ شؤر بوکوده و اونٚ پٚسی جوأب بٚدأ: «خٚیلی خُب! هسأ کی خأیی قیصر تی شیکأیتَ فأرٚس فوروس بوکونه، اونی ورجأ شی.»

اعمالٚ رسولأن 25:25

ولی من فیکر کونم کی اون کأری نوکوده کی مٚردنٚ سزأوأر بٚبه. هر جور کی بٚبه، اون خو بی‌گونأیی وأسی قیصرَ دٚس بٚدأمن بوبوسته و منم دِه رأیی نأشتیم جغرز اَنکی اونَ قیصرٚ ورجأ اوسه کونم.

اعمالٚ رسولأن 27:11

ولی او افسر کی زندأنیأنَ دأشتی، نأخودا و صأب کشتی گبَ ویشتر محل نٚئی تأ پولسٚ گبَ.

اعمالٚ رسولأن 27:43

ولی یولیوس قوبیل نوکوده چونکی خأستی پولسَ نیجأت بٚدأ. بأزون تومأمٚ اوشأنی کی تأنستید شنأ بوکوندَ فرمأن بٚدأ وأز بوکوند آبٚ میأن و خوشأنَ خوشکی سٚر فأرٚسأنٚد،

اعمالٚ رسولأن 27:6

اویَه اَمی او افسر ایتأ مصری کشتی بیأفته کی اسکندریه جَا اَمؤیی و شؤئؤندوبو ایتالیا. پس اَمٚرَه اونی میأن بینیشأنِه.

اعمالٚ رسولأن 28:1

وختی سألیم فأرٚسِییم دریأکنأرَ، بفأمستیم مالتٚ جزیره میأن ایسأییم. او جزیره مردوم اَمی اَمرأ خٚیلی مهرٚوأن بود و چونکی وأرٚش، اَمؤندوبو و سردَ بوسته، آتش چأکودٚد کی اَمی جَا پذیرأیی بوکوند.

اعمالٚ رسولأن 28:16

وختی فأرٚسِییم روم، پولسَ وئأشتٚده کی هرتأ جیگأ کی خأیه زٚندیگی بوکونه. فقد ایتأ نیگهبأن همیشٚک اونَ پأستی.

عبرأنیأن 13:24

می سلأمَ شیمی همٚتأ رهبرأن و همٚتأ مؤمینأنَ برسأنید. ایتالیا مسیحیأن کی اَیَه می ورجأ ایسأده، شِمِره سلأم رٚسأنده.