اعمالٚ رسولأن 26:17 - Gilaki New Testament

¹⁷ و من تٚرَه می قومٚ ورجأ و بیگأنه قومأن ورجأ حیمأیت کونم. هطویه، خأیم تٚرَه اوشأنی کی یوهودی نییٚد ورجأ اوسه کونم،

کیتاب مقدّس به گیلکی (رشتی)

¹⁷ من ترَ جٚه تی قوم و غیریهودیأنٚ دس حمایت کونم. می تصمیم اَنه کی ترَ غیریهودیأنٚ ورجأ اوسه کونم.

کتاب مقدس به زبان گیلکی - گویش شرقی

¹⁷ مو تَه تی قوم دستَ جی و غیر یهودی أن دستَ جی که تَه اوشونه ورجه سرا دئنم نجات دئنم

کتاب مقدس به زبان گیلکی - گویش رشت و غرب گیلان

¹⁷ من تَره تی مردوم دَس و غیر یهودیانِ دَسِ جا کی، تَره اوشانِ ورجه اوسه کونم نجات دَئَم

اعمالٚ رسولأن 26:17 Iomraidhean Croise

اعمالٚ رسولأن 13:50

او وخت یوهود قومٚ پیله‌ کسأن، دین بدأشته و موحترمٚ زنأکأن و شهر پیله‌ کسأنَ پولس و برنابا ضد اَنتیریک بوکودٚد، و ایتأ دسته جٚه مردوم اَمرأ اَشأنٚ رو فووُستٚد و اوشأنَ جٚه اویَه بیرونَ کودٚد.

اعمالٚ رسولأن 16:39

پس بأمؤده زندأنٚ میأن و خأهیش اَمرأ بوگفتد: «خأهیش کونیم تشریف بٚبٚرید.» و ایحترأمٚ اَمرأ اَشأنَ زندأنٚ جَا بیرون بأوٚردٚد و خأهیش بوکودٚد کی شهر جَا بیرون بٚشٚد.

اعمالٚ رسولأن 17:10

هو شب مسیحیأن پولس، سیلاسَ دفأتن اوسه کودٚد بیریه ور. او شهر دورونم همیشٚکٚ مأنستَن یوهودٚ کنیسه‌ دورون بوشؤده کی اینجیلٚ پیغأمَ وأگویا بوکوند.

اعمالٚ رسولأن 17:14

مسیحیأن دفأتن پولسَ دریأ کنأرٚ ور اوسه کودٚد، ولی سیلاس و تیموتائوس هویه بئیسأده.

اعمالٚ رسولأن 18:10

چونکی من تی اَمرأیٚم و هیکس نتأنه بلأیی تی سٚر بأوٚره. خٚیلیأن اَ شهرٚ میأن می شین ایسٚد.»

اعمالٚ رسولأن 25:3

و پأفیشاری بوکودٚد کی هرچی زوتر اونَ اوسه کونٚد اورشلیم. اوشأنٚ فند اَن بو کی رأ میأن پولسَ بوکوشٚد.

اعمالٚ رسولأن 28:28

«پس خأیم بدأنید کی خودا نیجأت اوشأنی کی یوهودی نوبودٚ رِه اوسه بوبوسته، و اَشأن ایشتأوده.»

اعمالٚ رسولأن 9:15

ولی خوداوند بٚفرمأسته: «بوشو اونچی کی گفتأندرم انجأم بٚدٚن، چونکی اونَ می دٚسٚ کأرٚ رِه اینتخأب بوکودم کی می پیغأمَ قومأن و پأدیشأیأن و هطویم ایسرأییلٚ آدمأنَ فأرٚسأنه.

رومیأن 11:13

اَسه می گب شیمی اَمرأیه کی یوهودی نیئیدی. هوطو کی دأنیدی خودا اوشأنی کی یوهودی نییٚده خیدمتٚ وأسی مٚرَه خو روسول اینتخأب بوکوده و اَ موضو رِه گولأز کونم،

رومیأن 15:16

شومأن کی یوهودی نیئیدی خیدمت کودنٚ رِه عیسا مسیحٚ اوسه کوده ایسٚم، کی اینجیلٚ خورومٚ خٚوٚرَ شٚمٚره فأرسأنم، شٚمٚره ایتأ خوشبو قوربأنی مأنستَن خودایَ پیشکش بوکونم، چونکی شومأن روح‌القدسٚ اَمرأ، اونی رِه قأبیلٚ قوبیل و موقدس بوبوستید.

اوّل تیموتائوس 2:7

و من هنٚ وأسی اینتخأب بوبوستم کی غیرٚیهودیأنٚ رِه وأعیظ و روسول ببم و رأس‌رأسِی ایمأنَ اَشأنَ بأموجم. اَنَ کی گم حِئقت دأره و دورُغ نییٚه.

دوم تیموتائوس 1:11

اَ پیغأمٚ وأگویا کودن و آمؤختٚنٚ وأسی ایسه کی خودا مٚرَه اینتخأب بوکوده کی اونی روسول و پیغأم‌رسأن ببم.

دوم تیموتائوس 3:11

و شأهیدی کی چی زحمتأن و عذأبأنی اینجیلٚ پیغأمٚ وأگویا کودنٚ رِه بٚکٚشئم؛ تٚرَه کی یأده انطأکیه، قونیه و لِستره میأن چی سختیأن و رنجأنی بیدِم. امّا خوداوند مٚرَه جٚه همه اَشأن نیجأت بٚدأ.