اعمالٚ رسولأن 24:10 - Gilaki New Testament

¹⁰ بأزون پولس وخت فأرٚسِه کی گب بٚزٚنه. فرمأندأر اونَ ایشأره بٚزِه کی ویریزه و خو جَا دفأع بوکونه. پولس بوگفته: «جنأبٚ فرمأندأر، دأنٚم کی سألیأنٚ سأل ایسه کی شومأن قیضأوتٚ جیگأ دورون نیشتِئید، و یوهودٚ گریفتأریأن فأرٚس فوروس کودأندرید. جٚه اَ موضو می دیل قورصه کی تأنٚم رأحت می جَا دفأع بوکونم.

کیتاب مقدّس به گیلکی (رشتی)

¹⁰ وختی والی پولُسَ ایشاره بوکوده کی گب بزنه، اون اَطویی جواب بده: «دأنم سالیأنٚ درازی ایسه کی شومأن قضاوتٚ قومٚ یهودَ بر عهده دأریدی. پس شادی اَمرأ، جٚه خودم دفاع کونم.

کتاب مقدس به زبان گیلکی - گویش شرقی

¹⁰ وختی فرماندار پولُسِ اشاره بُوده که گب بزنی، پولس ایطوری جواب بده: « دؤنم خیلی سال ایسّه که ایی قوم سر داوری کادرین؛ پس، شادی أمره، می جی دفاع کونم.

کتاب مقدس به زبان گیلکی - گویش رشت و غرب گیلان

¹⁰ وقتی فرماندار، پولُسَ ایشاره بُکود کی گب بزنه پولُس اَطو جواب بدَه: « دانم کی سالیان ساله اَ مردومَ داوری کودن دَریدی؛ پس من ذوق اَمرا می جا دفاع کونم.

اعمالٚ رسولأن 24:10 Iomraidhean Croise

لوقا 12:11

«هو زمأت کی شٚمٚره موحأکمه کودنٚ وأسی، یوهودٚ کنیسه‌یأنٚ میأن و پیله کسأن و حأکیمأنٚ ورجأ ببرد، نیگرأن نیبید کی شیمی دفأع وأسی چی بیگید.

لوقا 12:14

عیسا بٚفرمأسته: «اَی مردأی کی مٚرَه اینتخأب بوکوده کی شیمی میأن قیضأوت و دأوری بوکونم؟»

لوقا 18:2

پس اَطو بٚفرمأسته: «ایتأ شهرٚ دورونی ایتأ قأضی ایسأبو کی نه خودا جَا ترسِئی و نه مردومٚ محل کودی.

اعمالٚ رسولأن 12:17

پطرس ایشأره بوکوده کی آرأم بٚبٚد و نقل بوکوده کی چی بوبوسته و خوداوند چوطو اونَ زندأنٚ جَا بیرون بأوٚرده. پیشتر جٚه شؤئؤنٚم اَشأنٚ جَا بٚخأسته کی یعقوب و البأقی برأرأنَ وأخبدأرَ کونٚد. اونٚ پٚسی بوشؤ ایتأ جیگأ کی اَمنتر بٚبه.

اعمالٚ رسولأن 13:16

پولس خو جَا سٚر ویریشته و دٚسٚ اَمرأ ایشأره بوکوده کی سأکیتَ بد و بوگفته: «اَی ایسرأییلٚ مردأکأن، و اَی شومأن کی یوهودی نیئید و خودایَ پرستیدی، مٚرَه فأندرید.

اعمالٚ رسولأن 18:15

ولی چونکی شیمی جنگ و دعوأ ای سری کلمه‌یأن، آدمأن و شیمی دینٚ وأسی ایسه، شومأن اونَ حل بوکونید. من نه اَ چیزأنَ دوس دأرم و نه دٚخالت کونم.»

اعمالٚ رسولأن 19:33

اَ میأن چنتأ یوهودی، ایسکندرَ بیأفتده و اونَ پیش تأوٚدأده، اونی جَا بٚخأستده کی اَ مأجیرأیَ نقل بوکونه. ایسکندر خو دٚسٚ تکأن دٚئنٚ اَمرأ مردومٚ جَا بٚخأسته کی سأکیتَ بد و حقٚ سعی بٚزِه ایچی بٚگه.

اعمالٚ رسولأن 21:40

وختی کی فرمأنده اونَ وئأشته کی گب بٚزٚنه، پولس پلِکأنأنٚ رو بئیسأ و دٚسٚ اَمرأ مردومَ ایشأره بٚزِه. وختی همٚتأن سأکیتَ بوستٚد، اون عِبری زٚوأنٚ اَمرأ اَشأنَ بوگفته:

اعمالٚ رسولأن 23:24

ایتأ اسبٚم پولسٚ رِه حأضیرَ کونید کی سوأرَ به، و اونَ سأق و سألیم فرمأندأر فِلیکسٚ ورجأ فأرسأنید.»

اعمالٚ رسولأن 26:1

اگریپاس پولسَ بوگفته: «وئألم تی دفأع کودنٚ رِه گب بزنی.» او وخت پولس خو دٚسَ درأزَ کوده، و بینأ کوده خو جَا دفأع کودن و بوگفته:

۱پطرس 3:15

بلکی شیمی خأطر جم بٚبه و خودتأنَ مسیحٚ خوداوندَ بیسپأرید و اگه اینفر شیمی جَا عیلّت اَ اومید و ایمأنَ وأوٚرسِه، حأضیر بیبید کی اَدب و ایحترأمٚ کأمیلٚ اَمرأ اونی جوأبَ بدید.