اعمالٚ رسولأن 22:5 - Gilaki New Testament

⁵ پیله کأهین و یوهود پیله شورأ آدمأن شأهید ایسٚد کی حِئقتَ گفتأندرم، چونکی اوشأنی جَا یوهودٚ پیله‌ کسأنٚ رِه کی دمشق میأن ایسأبود ایتأ نأمه فأگیفتٚم کی وئألد مسیحیأنَ بیأفٚم و دٚس دٚوٚسته بأوٚرٚم اورشلیم کی موجأزأت بٚبٚد.

کیتاب مقدّس به گیلکی (رشتی)

⁵ هوطو کی کاهنٚ اعظم و تومامٚ اعضای شورایٚ یهود شاهد ایسیدی کی جٚه اوشأن نامه فیگیفتیم، شوییم دمشق اوشأنٚ برأرأنٚ یهودی ورجأ، کی اویه مردومَ بیگیرم، زندانی بوکونم و بأورم اورشلیم، کی موجازات بیبید.

کتاب مقدس به زبان گیلکی - گویش شرقی

⁵ پیله کاهن و تموم شیخون شوراء تینن ایی جریون گواهی بدئن، چون ایشؤن اجی نؤمه انی برأرؤن به که دمشق دیرون ایسابوئن هیتم تا اوره بوشؤم و ایی ’طریقت‘ اهل دستگیر بکونم و مجازات بِه اورشلیم بأرم.

کتاب مقدس به زبان گیلکی - گویش رشت و غرب گیلان

⁵ پیله کاهن و تمان شورا ریش سفیدان تانیدی اَ جریان ره گُوائی بدید، چونکی اَشانِ جا نامه ئانی براران ره کی دمشق درون ایسابید فیگیفتم، تا اویا بشم و اَ طریقت اهلَ دستگیر بُکونم و مجازات ره اورشلیم باورم.»

اعمالٚ رسولأن 22:5 Iomraidhean Croise

لوقا 22:66

وختی هوا روشنٚ بوسته، شورأ پیله کسأن، کی پیله کأهینأن و دینٚ عألیمأنٚ جَا بود ایتأ جلسه بنأدٚد. اوشأن عیسایَ دؤخأدٚد،

اعمالٚ رسولأن 1:15

ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:

اعمالٚ رسولأن 13:26

«برأرأن، خودا اَ نیجأتَ، اَمأن همٚتأنٚ رِه پیشکش بوکوده. اَ نیجأت هم شیمی شینه کی جٚه ایبرأهیمٚ نتأجید، و هم شیمی شین کی یوهودی نیئید و خودایَ پرستٚش کونید.

اعمالٚ رسولأن 2:29

«جأنٚ دیلٚ برأرأن، ایپچه فیکر بوکونید! اَ گبأنَ اَمی پیله بأبأ داوود خؤرَه نوگفته چونکی اون بٚمٚرده، بیگیلَ بوسته و اونی قبر هنو هَیه اَمی میأن نٚهأ.

اعمالٚ رسولأن 22:1

«می پئرأن و جأن دیلٚ برأرأن، وئألید می دفأع وأسی ایپچه گب بٚزٚنم.»

اعمالٚ رسولأن 23:1

پولس هوطویی کی شورأ آدمأنَ فأندرستی بوگفته: «اَی برأرأن، من همیشٚک خودا ورجأ ایتأ پأکٚ ویجدأنٚ اَمرأ زٚندیگی بوکودم!»

اعمالٚ رسولأن 23:6

او وخت کی پولس بٚفأمٚسته ایتأ عیده جٚه شورأ آدمأن صدوقی ایسٚد و ایتأ دسته‌یٚم فریسی، بولندَ صدا اَمرأ بوگفته: «اَی برأرأن، من فریسی ایسٚم. تومأمٚ می پیله بأبأیأنٚم فریسی بود! و ایمرو اَنٚ وأسی اَیَه موحأکمه بوستأندرم کی مورده‌یأنٚ قیأمتَ ایعتقاد دأرم!»

اعمالٚ رسولأن 26:10

جٚه اَ خأطر، کأهینأنٚ پیله‌ کسأنٚ فرمأنٚ اَمرأ، خٚیلی مسیحیأنَ اورشلیمٚ میأنی زندأنی بوکودم. وختی مرگٚ رِه محکوم بوستیدی، منم اَشأنی ضد گووأ دٚئیم.

اعمالٚ رسولأن 26:11

همٚتأ کنیسه‌یأنٚ میأنی همیشٚک مسیحیأنَ اَذِت آزأر و بٚزٚن بیگیر اَمرأ وأدأشتیم کی مسیحَ کوفر بٚگد. می موخألفت اَندر زیأد بو کی حتّا دؤر دورٚ شهرأنم اوشأنٚ دونبألسر شؤئیم.

اعمالٚ رسولأن 26:12

«ایتأ روج، ایتأ جٚه اَ مأموریتأنٚ میأن کی ایختیأر کأمیلٚ اَمرأ و پیله کأهینأن فرمأنأنٚم می دٚسٚ میأن نٚهأ بو شؤئؤندوبوم دمشقٚ ور.

اعمالٚ رسولأن 28:17

جٚه اَمی اَمؤن رومٚ میأنی سه روجٚ پٚسی، پولس اویَه یوهودٚ پیله‌ کسأنَ جمَ کود و اَشأنَ بوگفته: «اَی برأرأن، اورشلیمٚ یوهودیأن مٚرَه بیگیفتٚده و رومٚ دولتٚ دٚس بیسپأردٚد کی مٚرَه عذأب بٚدٚد، هرچن کی هیکسَ اَذِت آزأر نرسأنه ‌بوم و نه اَمی پیله بأبأیأنٚ رسم و روسومأنَ بی‌حورمتی بوکوده بوم.

اعمالٚ رسولأن 28:21

اَشأن جوأب بٚدأده: «اَمأن تی ضد هیچی نشتأوستیم. نه ایتأ نأمه جٚه یوهودیه دأشتیم و نه خٚوٚری جٚه موسأفٚرأنی کی اورشلیمٚ جَا بأمؤده.

اعمالٚ رسولأن 3:17

«اَی جأنٚ دیلٚ برأرأن، اَنٚم بٚگم کی دأنٚم شومأن و شیمی قومٚ پیله کسأنٚ کردکأر، جٚه نأدأنی بو.

اعمالٚ رسولأن 4:5

فردأیی، پیله کسأن و کأهینأن و دینٚ عألیمأن اورشلیمٚ میأن ایتأ جلسه بٚنأده.

اعمالٚ رسولأن 5:21

پس صُبٚ دٚمٚ رِه موعیظه کودنٚ وأسی بوشؤد معبدٚ میأن! پیله کأهین و اونی پیشکأرأن بأمؤد معبدٚ میأن و تومأمٚ ایسرأییلٚ پیله کسأن و یوهودٚ شورأ آدمأنٚ جَا دعوت بوکودٚد کی ایتأ جلسه بٚنٚد. چن نفرم اوسه کودٚد کی روسولأنَ زندأنٚ جَا بأوٚرٚد و موحأکمه بوکونٚد.

اعمالٚ رسولأن 9:14

و گده پیله کأهین اَنٚ وئأشته کی تومأمٚ اَشأنی کی اَ شهرٚ میأن تی نأمَ دؤخأنده، بیگیره!»

غلاطیأن 1:13

شک نأرٚم کی می زٚندیگی مأجیرأیَ کی هنو یوهودٚ دینٚ جَا ایطأعت کودیم بشتأوستیدی کی چوطو مسیحیأنَ دونبألَ کودیم و اوشأنَ سنگ دیلی اَمرأ اَذِت آزأر کودیم و همیشٚک ایتأ رأ دونبأل دوبوم کی اوشأنی ریشه‌یَ زیمینٚ جَا بٚکنم.

فیلیپیان 3:6

می غیرت یوهودٚ دینٚ دورون اَندر بو کی مسیحیأنَ اَذِت و آزأر کودیم، و ایتأ دیندأرٚ مردأی بوم کی شریعتَ بودونٚ کم و کسر انجأم دأییم.

اوّل تیموتائوس 4:14

هو زمأت کی کیلیسا پیله کسأن تی سٚرٚ رو دٚس بٚنأده، خودا، پیغأمأن و نوبوّتأنٚ جَا، تٚرَه مخصوصٚ عطایأنٚ فأدأ، اَ عطایأنٚ جَا بِیترینَ شیکل ایستفأده بوکون.