اعمالٚ رسولأن 21:8 - Gilaki New Testament

⁸ جٚه اویَه بوشؤییم قیصریه ور و بوشؤییم فیلیپُس خأنه میأن کی بشأرت دٚئی. فیلیپُس ایتأ جٚه او هفت نفر بو کی اینتخأب بوبوسته بود تأ مسئول بٚبٚد کی خوردنی‌یَ ویوه زنأکأنٚ میأن سأم بوکوند.

کیتاب مقدّس به گیلکی (رشتی)

⁸ فردایٚ او روز، رأ دکفتیم، فأرسه‌ییم قیصریه بوشوییم فیلیپُسٚ خانه و اویه بِیسَه‌ییم. فیلیپُسٚ خدمت فأرسنأننٚ خبرٚ خوشٚ انجیل به مردوم بو و ایتأ جٚه او هفت نفر بو کی رسولأنَ کومک کودی.

کتاب مقدس به زبان گیلکی - گویش شرقی

⁸ فردایی، اورای بوشویم و قیصریه شار بومایم. أمه فیلیپُس مبشر خونه که یکته از او هفت نفر بو که خدمت واسه انتخاب بوبو بو، بشیم و اون ورجه بئیسیم.

کتاب مقدس به زبان گیلکی - گویش رشت و غرب گیلان

⁸ فردایی، اویا تَرکا کودیم و قیصریه شار باموئیم. اَمان فیلیپُسِ مبشر خانه، کی ایتا جه اُ هفت نفر بو کی خیدمتِ واسی انتخاب بُبوسته بید، بُشوئیم و اونِ ورجه بأسائیم.

اعمالٚ رسولأن 21:8 Iomraidhean Croise

اعمالٚ رسولأن 10:1

قیصریه شهر میأن ایتأ رومی افسر کُرنیلیوس نأم زٚندیگی کودی اون ایتأ هنگٚ فرمأنده بو، کی «ایتألیأیی هنگ» معروف بو.

اعمالٚ رسولأن 16:10

پس هطو کی اَ رویأیَ بیدِه، ایطمینأن بٚدأشتیم کی خوداوند اَمٚرَه دؤخأده کی اینجیلٚ پیغأمَ مقدونیه دورونم وأگویا بوکونیم. جٚه اَ خأطر دفأتن بوشؤییم اویَه.

اعمالٚ رسولأن 16:13

شبّأت روجٚ میأن، شهر جَا بوشؤییم بیرون و فأرٚسِییم روخأنٚ ورجأ، چونکی گومأن بوکودیم تأنیم اویَه دوعأ کودنٚ رِه ایتأ جأ بیأفیم. پس او زنأکأنٚ اَمرأ کی اویَه جمَ بوسته بود گب بٚزِییم.

اعمالٚ رسولأن 16:16

ایتأ روج کی شؤئؤندیبیم او دوعأ جیگأ روخأنٚ ورجأ، ایتأ کنیزَ بیدِییم کی پٚلیدٚ روح اونَ اسیرَ کوده بو و فأل گیفتی و جٚه اَ رأ خٚیلی ایستفأده خو اربأبأنَ فأرٚسأنِیی.

اعمالٚ رسولأن 18:22

قیصریه بندر میأن اورشلیمٚ ایماندأرأنٚ دئنٚ وأسی کشتی جَا پیأده بوسته و بأزون جٚه دریأ رأ بوشؤ انطأکیه.

اعمالٚ رسولأن 20:13

پولس جٚه خوشکی رأ خأستی بشه اَسوس، ولی اَمأن کشتی اَمرأ پیشتر جٚه اون فأرٚسِییم او شهرٚ میأنی.

اعمالٚ رسولأن 20:6

عَیدٚ پِسَحٚ تومأنَ بوسته پٚسی، فیلیپی شهرٚ جَا کشتی میأن بینیشتیم و پِنج روج کی بوبوسته آسیا میأن تروآسٚ بندرَ فأرٚسِییم و ایتأ هفته اویَه بئیسأییم.

اعمالٚ رسولأن 21:16

اَ سٚفرٚ میأن چن نفر جٚه قیصریه مسیحیأنٚم اَمی اَمرأ بأمؤده. وختی اورشلیمَ فأرٚسِییم، بوشؤییم اینفر خأنه کی مناسون نأم دأشتی. مناسون قبرس شین بو و ایتأ جٚه قدیمی مسیحیأن بو.

اعمالٚ رسولأن 23:23

بأزون فرمأنده دوتأ خو افسرانَ دؤخأده و اَشأنَ فرمأن بٚدأ، بوگفته: «دویستأ پیأده سروأز، دویستأ نیزه دأره سروأز و هفتأدتأ سوأرکأرٚ سروأز حأضیرَ کونید کی ایمشٚب سأعت نُه بٚشٚد قیصریه ور.

اعمالٚ رسولأن 27:1

آخرپٚسی جوفت و جورَ کودٚد کی اَمٚرَه کشتی اَمرأ اوسه کونٚد ایتالیا. پولس و چنتأ دِه زندأنیَ فأدأده ایتأ افسرَ کی یولیوس نأم دأشتی و ایتأ جٚه امپراتوری گاردٚ افسران بو.

اعمالٚ رسولأن 28:11

سه مأه کی بوبوسته، ایتأ دِه کشتی اَمرأ حرکت بوکودیم. اَی‌سٚفرٚه ایتأ کشتی اَمرأ کی اسکندریه شین بو سٚفر بوکودیم کی «خودایأنٚ دوقولو» نأم دأشتی کی زمستأنٚ میأن او جزیره دورون بئیسأبو.

اعمالٚ رسولأن 28:16

وختی فأرٚسِییم روم، پولسَ وئأشتٚده کی هرتأ جیگأ کی خأیه زٚندیگی بوکونه. فقد ایتأ نیگهبأن همیشٚک اونَ پأستی.

اعمالٚ رسولأن 6:5

همٚتأن اَ پیشنهأدَ قوبیل بوکودٚد و اَ آدمأنَ اینتخأب بوکودٚد: ایستیفان (ایتأ مردأی کی پور جٚه روح‌القدس بو و خٚیلی ایمأن دأشتی)، فیلیپُس، پروخروس، نیکانور، تیمون، پرمیناس و نیکلائوس کی انطأکیه شین بو. نیکلائوس یوهودی نوبو کی اوّل یوهودی و اونی پٚسی مسیحی بوبوسته.

اعمالٚ رسولأن 9:30

وختی البأقی ایمأندأرأن وأخبدأرَ بوستٚد کی سولُسٚ رِه چی خطر نٚهأ، اونَ ببردٚد قیصریه و جٚه اویَه اوسه کودٚد خو خأنه طرسوسٚ میأن.

افسسیان 4:11

اَطو بو کی اون خودش بعضیأنَ، بٚبخشه کیلیسایَ کی روسول بٚبٚد، ایتأ عیده‌یٚم پیغمبر، ایتأ عیده موبشر و ایتأ عیده دِه‌یٚم شبأن و معلم.

دوم تیموتائوس 4:5

ولی تو تومأمٚ شرأیطٚ دورون قأیم بئیس و جٚه خودا رأ زحمت کشئن نوأترسئن. مردومٚ مسیح ور هیدأیت بوکون و تی وظأیفَ کأمیل انجأم بٚدٚن.