اعمالٚ رسولأن 21:7 - Gilaki New Testament

⁷ صور بندرٚ شؤئؤن پٚسی، پتولامیسَ فأرٚسِییم. اویَه ایمأندأرأنٚ دئنٚ رِه بوشؤییم، ولی فقد ایتأ روج اویَه بئیسأییم.

کیتاب مقدّس به گیلکی (رشتی)

⁷ اَمی سفرٚ دریایی جٚه بندرٚ صور، پْتولامائیسٚ میأن به آخر فأرسه. اویه ایماندارأنی‌یَ بیده‌ییم و اوشأنٚ جأ احوالپرسی بوکودیم و ایروز اوشأنٚ ورجأ بِیسَه‌ییم.

کتاب مقدس به زبان گیلکی - گویش شرقی

⁷ اَمه سفر دریایی صور بندر جی سرایتیم و پتولامائیس شار برسیم. اوره برارون بدِیم و یه روز اوشونِ ورجه بِیسَیم.

کتاب مقدس به زبان گیلکی - گویش رشت و غرب گیلان

⁷ اَمان اَمی دریایی سفرَ صور بندر جا شُرو بُکودیم و پْتولامائیس شار، فارسه ئیم. اویا برارانَ بیدئیم و ایتا روج اَشان ورجه بأسائیم.

اعمالٚ رسولأن 21:7 Iomraidhean Croise

متّی 5:47

اگه شیمی ریفِقأنٚ اَمرأ فقد مهرٚوأن بیبید، الباقیأنٚ اَمرأ چی فرقی کونید؟ حتّا بُت‌پرستأنم هه کأرَ کونٚده.

اعمالٚ رسولأن 1:15

ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:

اعمالٚ رسولأن 12:20

او زمأت کی هیرودیس قیصریه میأن ایسأبو، ایتأ دسته جٚه صور و صیدونٚ موبأشرأن اونی دِئنٚ رِه بأمؤد. هیرودیس اَ دوتأ شهرٚ آدمأن جَا ایتأ جولفٚ کینه دأشتی. پس اَشأن اونی قصرٚ وزیر، بلاستوسٚ حمایتَ فأگیفتد و هیرودیسٚ جَا بٚخأستٚد کی صولح بوکونٚد، چونکی اونی سرزیمینٚ اَمرأ بیهین بوفروش کودن، اوشأنی شهرأنٚ اقتصأدٚ رِه خُب بو.

اعمالٚ رسولأن 18:22

قیصریه بندر میأن اورشلیمٚ ایماندأرأنٚ دئنٚ وأسی کشتی جَا پیأده بوسته و بأزون جٚه دریأ رأ بوشؤ انطأکیه.

اعمالٚ رسولأن 21:10

او چن روج میأن کی اویَه ایسأبیم، ایتأ مردأی اَغابوس نأم جٚه یوهودیه بأمؤ قیصریه میأنی

اعمالٚ رسولأن 21:17

اورشلیمٚ همٚتأ مسیحیأن اَمی جَا خٚیلی خُب و گرم پذیرأیی بوکودٚد.

اعمالٚ رسولأن 21:19

سلأم و حأل و احوأل کودنٚ پٚسی، پولس اونچی‌یَ کی خودا اونی دٚسٚ اَمرأ اوشأنی کی یوهودی نوبودٚ میأن انجأم بدأبویَ، طول و تفصیلٚ اَمرأ اَشأنٚ رِه وأگویا بوکوده.

اعمالٚ رسولأن 21:3

قبرس جزیره‌‌یَ جٚه دؤر فأندرستیم و اونی جونوبٚ جَا دٚوأرستیم و صورٚ بندر میأن کی سوریه میأنی نٚهأ بو پیأدَه بوستیم کی کشتی خو بأرَ خألِه کونه.

اعمالٚ رسولأن 25:13

چن روج بوستنٚ پٚسی پأدیشأ اگریپاس خو زن برنیکی اَمرأ، فِستوسٚ خوش اَمؤن گفتنٚ وأسی، بأمؤ قیصریه.

اعمالٚ رسولأن 28:12

اَمی رأ میأن سه روج سیراکیوسٚ میأن بئیسأییم.

عبرأنیأن 13:24

می سلأمَ شیمی همٚتأ رهبرأن و همٚتأ مؤمینأنَ برسأنید. ایتالیا مسیحیأن کی اَیَه می ورجأ ایسأده، شِمِره سلأم رٚسأنده.