اعمالٚ رسولأن 21:6 - Gilaki New Testament

⁶ و خوداحافظی پٚسی، بینیشتیم کشتی میأن و اوشأنٚم وأگردٚستٚده خوشأنی خأنه.

کیتاب مقدّس به گیلکی (رشتی)

⁶ بعدٚ خوداحافظی، کشتی‌یَ سوارَ بوستیم و اوشأنم وأگردستیدی، بوشوییدی بخانه.

کتاب مقدس به زبان گیلکی - گویش شرقی

⁶ بعدِ اونکه خداحافظی بودیم، کشتیِ سوارَ بویم، و ایشؤنم خوشؤن خونه أن وگرسن.

کتاب مقدس به زبان گیلکی - گویش رشت و غرب گیلان

⁶ بعد اَنکی خُداحافظی بُکودیم، کشتیَ سوارَ بوستیم، و اوشانم خوشان خانه واگردستید.

اعمالٚ رسولأن 21:6 Iomraidhean Croise

لوقا 15:20

پس دفأتن ویریشته و خو پئر خأنه ور رأ دکفته. امّا هنو خو پئرٚ خأنه جَا خٚیلی دؤر بو کی اونی پئر، اونَ بیدِه و اونی دیل اونی رِه بوسوج بأمؤ و اونی پیشوأز بودووٚسته و اونَ کٚشأ گیفته و مأچی بٚدأ.

یوحنا 1:11

اون خو قومٚ ورجأ بأمؤ، ولی حتّا اوشأنم اونَ قوبیل نوکودٚد.

یوحنا 16:32

امّا ایتأ زمأت فأرٚسِه، و یا اَنکی بِیتر بٚگم هه الأنٚم فأرٚسِه کی شومأن کولوشٚ مأنستَن اورشین اَییدی و شومأن هرتأ شیمی خأنه وأگردیدی و مٚرَه تنأ نیهیدی. امّا من تنأ نییٚم، چونکی می پئر می اَمرأ ایسأ.

یوحنا 19:27

و او شأگردَ بٚفرمأسته: «اون تی مأر بٚبه.» جٚه او روج او شأگرد عیسا مأرَ ببرده خو خأنه.

یوحنا 7:53

جٚه اَ گبأنٚ پٚسی، همه ویریشتٚده و بوشؤده خوشأنی خأنه.

دوم قرنتیان 2:13

ولی اویَه اَمی برأر تیتوسَ نیأفتٚم و اونی وأسی خٚیلی دیلوأپس بوبوستم. پس، اویَه آدمأنٚ اَمرأ خوداحافظی بوکودم و بوشؤم مقدونیه کی بلکی تیتوسَ اویَه بیأفٚم.