اعمالٚ رسولأن 21:34 - Gilaki New Testament

³⁴ اونی جوأبٚ رِه هرکی ایچی گفتی. وختی او شولؤغی و بلوأ میأن هیچی اونَ حألی نوبو، فرمأن بٚدأ پولسَ ببرد او نظأمی قلعه میأن کی او نیزدیکی نٚهأ بو.

کیتاب مقدّس به گیلکی (رشتی)

³⁴ چند نفر فریاد زه‌ییدی ایچی گفتیدی، چند نفر فریاد زه‌ییدی ایچی دیگر گفتیدی. فرمانده کی داد و فریادٚ فراوانٚ میأن نتأنستی حقیقتَ بفهمه، فرمان بده پولُسَ ببرید قلعه دورون.

کتاب مقدس به زبان گیلکی - گویش شرقی

³⁴ جمعیت میئنای هرکس یچی فریاد زی و یه چی گوت. فرمانده که سر و صدا جی منیس حقیقتِ بفهمی، دستور بده پولُس قلعه میئن ببورن.

کتاب مقدس به زبان گیلکی - گویش رشت و غرب گیلان

³⁴ جه خلق میان هر کَس داد زئی و ایچی گفتی. فرمانده کی اُ عَلَم شنگه درون نتانستی حئیقتَ بفهمه، دستور بدَه کی پولُسَ قلعه درون ببرید.

اعمالٚ رسولأن 21:34 Iomraidhean Croise

اعمالٚ رسولأن 19:32

او میدأنٚ میأن ایتأ بلوأ بوبوسته. مردوم تأ نفس دأشتیدی فریأد زِئندوبود و هرکی ایچی گفتی. اوشأن ویشتریأنٚم نأنستیدی چی وأسی اویَه بأمؤده.

اعمالٚ رسولأن 21:37

وختی قلعه‌یَ بودورون شؤئؤندوبود، پولس فرمأنده‌یَ بوگفته: «وئألی چنتأ کلمه شیمی اَمرأ گب بٚزٚنم؟» فرمأنده قأقَ بوسته وأوٚرسِه: «تو یونأنی زٚوأنَ دأنی؟ مگه تو هو مصری نییی کی چن سأل پیش شورش رأ تأودأ بو و چأر هیزأرتأ آدمکوشٚ اَمرأ بوگروخته بیأبأنٚ میأن؟»

اعمالٚ رسولأن 22:24

او وخت او هنگ فرمأنده، پولسَ بأوٚرده قلعه دورون و فرمأن بٚدأ اونَ شلأق بٚزٚنٚد کی خو جورمَ ایعترأف بوکونه. بوخصوص خأستی بٚدأنه کی چٚره مردومَ اَطو غیظَ گیفته.

اعمالٚ رسولأن 22:30

فردأیی، فرمأنده پولسَ زندأنٚ جَا بیرون بأوٚرٚد و فرمأن بٚدأ پیله کأهینأن و یوهودٚ شورأ ایتأ جلسه بٚنٚد. پولسَم حأضیرَ کوده کی اَ وأخأستٚ میأن بیرون بأیٚه اَ گریفتأریأن چی وأسی ایسه.

اعمالٚ رسولأن 23:10

بوگو موگو جوری بوجؤر بیگیفته کی فرمأنده بٚتٚرسه پولسَ تکس‌تکسَ کونٚد، پس سروأزأنَ فرمأن بٚدأ اونَ مردومٚ پٚنجه جَا بیرون فأکٚشٚد و قلعه دورون وأگردأنٚد.

اعمالٚ رسولأن 23:16

ولی پولسٚ خأخور زأ اوشأنٚ جوفت کلکَ بٚفأمٚسته و قلعه میأن بأمؤ و جٚه اَ مأجیرأ پولسَ وأخبدأرَ کوده.

اعمالٚ رسولأن 23:32

فردأیی صُبٚ رِه پولسَ سوأرکأرٚ سروأزأنٚ دٚس بیسپأردٚد کی اونَ ببرد قیصریه و خودشأن وأگردٚستٚده قلعه میأن.

اعمالٚ رسولأن 25:26

ولی نأنٚم قیصرٚ رِه چی بینیویسٚم، چونکی رأس‌رأسِی تقصیر نأرِه. هنٚ وأسی، اونَ بأوٚردٚم شیمی ورجأ و بوخصوص شیمی ورجأ اَی پأدیشأ اگریپاس، کی اونی جَا وأخأست کودنٚ پٚسی بفرمأیید چی بینیویسٚم.