اعمالٚ رسولأن 20:6 - Gilaki New Testament

⁶ عَیدٚ پِسَحٚ تومأنَ بوسته پٚسی، فیلیپی شهرٚ جَا کشتی میأن بینیشتیم و پِنج روج کی بوبوسته آسیا میأن تروآسٚ بندرَ فأرٚسِییم و ایتأ هفته اویَه بئیسأییم.

کیتاب مقدّس به گیلکی (رشتی)

⁶ ولی اَمأنم پولُسٚ اَمرأ بعدٚ ایامٚ عیدٚ فَطیر، جٚه شهرٚ فیلیپی کشتی‌یَ سوارَ بوستیم و بعدٚ پنج روز، بندرٚ تْروآسٚ میأن بوشوییم و اوشأنٚ ورجأ هفت روز بِیسَه‌ییم.

کتاب مقدس به زبان گیلکی - گویش شرقی

⁶ ولی اَمه بعد از عید فَطیر ، کشتی أمره فیلیپی شهر جی راه دکتیم و پنج روز بعد، تروآس دیرون اوشونه ورجه بوشویم و هفت روز اوره بِیسَئم.

کتاب مقدس به زبان گیلکی - گویش رشت و غرب گیلان

⁶ ولی اَمان بعدِ عید فَطیر، کشتی اَمرا فیلیپی شارِ جا راهی بُبوستیم و پنج روج بازون، تْروآس درون اوشان ورجه بُشوئیم و هفت روج اویا بأسائیم.

اعمالٚ رسولأن 20:6 Iomraidhean Croise

اعمالٚ رسولأن 12:3

وختی هیرودیس بیدِه کی اونی اَ کأرٚ جَا یوهود پیله‌ کسأنٚ خوش بأمؤ، یوهود عَید پِسَح روجأنٚ میأن پطرسٚم بیگیفته،

اعمالٚ رسولأن 16:10

پس هطو کی اَ رویأیَ بیدِه، ایطمینأن بٚدأشتیم کی خوداوند اَمٚرَه دؤخأده کی اینجیلٚ پیغأمَ مقدونیه دورونم وأگویا بوکونیم. جٚه اَ خأطر دفأتن بوشؤییم اویَه.

اعمالٚ رسولأن 16:12

و آخرپٚسی فأرٚسِییم فیلیپی‌یَ کی رومٚ سلطه جیر و مقدونیه میأن نٚهأ بو. چن روج اویَه بئیسأییم.

اعمالٚ رسولأن 16:8

پس، میسیا اوستأنٚ جَا دٚوأرٚستٚده و بأمؤده تروآسٚ شهرٚ میأن.

اعمالٚ رسولأن 20:16

پولس اَیدٚفأرِه نخأستی افسُسٚ شهرٚ میأن گیر بوکونه، چونکی توندٚ تأکیدی دأشتی اگه بٚبه، پنتیکأستٚ عَیدٚ رِه اورشلیمٚ میأن بئیسه

اعمالٚ رسولأن 20:5

اَشأن پیشتر رأ دکفتد و تروآسٚ میأن اَمی رأفأ بئیسأده.

اعمالٚ رسولأن 21:4

اویَه چنتأ ایمأندأرٚ بیأفتیم و هفت روج اوشأنی ورجأ بئیسأییم. اَشأن خودا روح اَمرأ، پولسَ تِشویق کودید کی نٚشه اورشلیم.

اعمالٚ رسولأن 21:8

جٚه اویَه بوشؤییم قیصریه ور و بوشؤییم فیلیپُس خأنه میأن کی بشأرت دٚئی. فیلیپُس ایتأ جٚه او هفت نفر بو کی اینتخأب بوبوسته بود تأ مسئول بٚبٚد کی خوردنی‌یَ ویوه زنأکأنٚ میأن سأم بوکوند.

اعمالٚ رسولأن 28:14

اویَه ایماندأرأنی بیأفتیم کی اَمی جَا خأهیش بوکودٚد ایتأ هفته اَشأنٚ ورجأ بئیسیم، اَطویی بوبوسته کی فأرٚسِییم روم.

فیلیپیان 1:1

اَ دسخط جٚه پولس و تیموتائوس، مسیح۫ عیسا خیدمتگوزأرأنٚ ور ایسه. اَ دسخطَ فیلیپی شهرٚ همٚتأ موقدسأن رِه کی مسیح۫ عیسا شینٚده، هطویم دینی عألیمأن و خیدمتگوزأرأنٚ رِه نیویسٚم.

اوّل تسالونیکیان 2:2

وأخب ایسید کی پیشتر جٚه اَنکی بأییم شیمی ورجأ، فیلیپی شهرٚ میأن اینجیلٚ پیغأمٚ وأگویا کودنٚ وأسی چنقذر اَمی اَمرأ نأجورٚ کأرأن بوکودٚده و چندر اَذِت آزأر و زحمت بیدِییم. اَطویی بو کی، تومأمٚ اَ توندٚ موخألفتأنٚ اَمرأ، خودا اَمٚرَه دیل و جورأت فأدأ کی شوجأعتٚ اَمرأ، اینجیلٚ پیغأمَ شٚمٚره فأرٚسأنیم.

دوم تیموتائوس 4:13

وختی اَمؤندری، تٚرَه جٚه خأطرٚ نشه کی می عبأیَ کی تروآسٚ میأنی کارپوسٚ ورجأ بنأم تی اَمرأ بأوری. هوطویم کیتأبأن، بوخصوص هو بینیویشته‌یأنی کی پوست جَا ایسٚدم بأوٚر.