اعمالٚ رسولأن 20:3 - Gilaki New Testament

³ و سه مأه اویَه بئیسأ. اون آمأدَه بوستأندوبو کی کشتی اَمرأ بشه سوریه، ولی وختی بٚفأمٚسته کی یوهودیأن اونی کوشتٚنٚ رِه جوفت و کلک دیچِده، تصمیم بیگیفته کی جٚه مقدونیه ور بشه او رأ.

کیتاب مقدّس به گیلکی (رشتی)

³ و سه ماه اویه بِیسه. وختی کی خوأستی کشتی اَمرأ بشه سوریه، یهودیأن بر ضدٚ اون نقشه بکشه‌ییدی. هَنٚ وأسی تصمیم بیگیفته کی جٚه رایٚ مقدونیه وأگرده.

کتاب مقدس به زبان گیلکی - گویش شرقی

³ پولوس سُه ماه اوره بِیسه. هوموقع که خواستی کشتی أمره سوریه بشی، یهودی أن اونه ضید توطئه بودن. پس تصمیم بیته تا مقدونیه راهَ جی وگردی.

کتاب مقدس به زبان گیلکی - گویش رشت و غرب گیلان

³ پولُس سه ماه اویا بأسا. اُ موقع کی خواستی کشتی مرا سوریه بشه یهودیان اونِ ضدّ کوکلا دیچه ئید. پس تصمیم بیگیفت کی مقدونیه راهِ جا واگرده.

اعمالٚ رسولأن 20:3 Iomraidhean Croise

متّی 4:24

اونی آوأزه سوریه همٚتأ شرأنٚ جَا بیپیچسته، و مردوم همٚتأ نأخوش احوألأنی کی جوروأجور درد و مرض دأشتید، و دیو بٚزِکأن، غشی آدمأن و معلولأنَ عیسا ورجأ اَوٚردیدی و اون اوشأنَ شفأ دٚئی.

اعمالٚ رسولأن 16:12

و آخرپٚسی فأرٚسِییم فیلیپی‌یَ کی رومٚ سلطه جیر و مقدونیه میأن نٚهأ بو. چن روج اویَه بئیسأییم.

اعمالٚ رسولأن 16:9

هو شب پولس ایتأ رویأ بیدِه. اَ رویأ میأنی اینفرَ یونأنٚ مقدونیه میأن بیدِه کی اونَ ایلتمأس کونه و گه: اَیَه بیأ و اَمٚرَه یاور بٚدٚن.»

اعمالٚ رسولأن 18:18

اَ ایتفأقٚ پٚسی پولس چن وختی او شهرٚ میأن بئیسأ و بأزون مسیحیأنٚ اَمرأ خوداحافظی بوکوده و پریسکیلا و آکیلا اَمرأ دریأ رأ جَا بوشؤ سوریه ور. کَنخَریه شهرٚ میأن یوهودیأنٚ رسمٚ مأنستَن خو سٚرٚ مویَ بتأشته، چٚره کی نذر بوکوده بو.

اعمالٚ رسولأن 19:21

تومأمٚ اَ ایتفأقأنٚ پٚسی، پولس جٚه خودا روحٚ ور هیدأیت بوبوسته کی پیشتر جٚه اَنکی بشه اورشلیم، جٚه مقدونیه و اَخائیه رأ دٚوأره. اون گفتی: «اونٚ پٚسی وأستی رومٚم بٚشٚم!»

اعمالٚ رسولأن 20:1

وختی بلوأ آرأمَ بوسته، پولس مسیحیأنٚ دونبأل اوسه کوده و موعیظه و تِشویقٚ پٚسی، اوشأنی جَا خوداحافظی بوکوده و رأ دکفته مقدونیه ور.

اعمالٚ رسولأن 20:19

می سٚرٚ بیجیر تأوٚدأم و آرسو و آه اَمرأ خوداوندَ خیدمت بوکودم و همیشٚک مٚردنٚ می چومأنٚ جولو دِئیم، چونکی یوهودیأن می کوشتٚنٚ رِه جوفت و کلک دیچِیید.

اعمالٚ رسولأن 20:2

خو رأ میأن هرتأ شهرَ کی فأرٚسِیی، مسیحیأنٚ رِه موعیظه کودی. اَطویی بو کی، یونأنَ فأرٚسِه

اعمالٚ رسولأن 21:3

قبرس جزیره‌‌یَ جٚه دؤر فأندرستیم و اونی جونوبٚ جَا دٚوأرستیم و صورٚ بندر میأن کی سوریه میأنی نٚهأ بو پیأدَه بوستیم کی کشتی خو بأرَ خألِه کونه.

اعمالٚ رسولأن 25:3

و پأفیشاری بوکودٚد کی هرچی زوتر اونَ اوسه کونٚد اورشلیم. اوشأنٚ فند اَن بو کی رأ میأن پولسَ بوکوشٚد.

دوم قرنتیان 1:15

شیمی روحأنی فأمَ اَجور ایطمینأن دأشتیم کی تصمیم بیگیفتٚم اَنٚ پٚسی کی دو وأر شٚمٚره بیدِم، دو وأر شٚمٚره برکت بدم؛

دوم قرنتیان 11:26

دؤر دورأن و ملألی جأجیگأیأنَ سٚفر بوکودم؛ روخأنٚ بوجؤر اَمؤن، دوزدأنٚ حمله، یوهودی هموطنأن و اوشأنی کی یوهودی نیبیده اَذِت آزأرم همیشٚک مٚرَه تهدید بوکوده. شهرأنٚ دورون مردومی کی غیظ دأرٚده فوتورکستنٚ خطر اَمرأ و بیأبأن و دریأ دورون مٚردنٚ خطرٚ اَمرأ روبرو بوم. کیلیسا دورونم اوشأنی کی دورُغٚ اَمرأ برأری ایدعأیَ دأرٚده خطر، مٚرَه تهدید بوکوده.

دوم قرنتیان 7:5

او وختم کی مقدونیه شهرأنَ فأرٚسِییم، ایتأ دٚم آرأمٚش نأشتیم بلکی جٚه هر ور زحمتٚ دوچأرَ بوستیم؛ جٚه بیرون البأقیأنٚ اَمرأ فأکش دٚکٚش دأشتیم و اَمی دورونم ترس و تِشویش دأشتیم.

غلاطیأن 1:21

اَ مولأقأتٚ پٚسی، بوشؤم اوستأنٚ سوریه و قیلیقیه.