اعمالٚ رسولأن 20:16 - Gilaki New Testament

¹⁶ پولس اَیدٚفأرِه نخأستی افسُسٚ شهرٚ میأن گیر بوکونه، چونکی توندٚ تأکیدی دأشتی اگه بٚبه، پنتیکأستٚ عَیدٚ رِه اورشلیمٚ میأن بئیسه

کیتاب مقدّس به گیلکی (رشتی)

¹⁶ پولُس تصمیم دأشتی کی جٚه رایٚ دریا جٚه کناره‌یٚ اَفِسُس دوواره کی آسیا میأن وخت‌کوشی نوکونه، چونکی عجله دأشتی کی اگه بتأنه، روزٚ پِنتیکاست به اورشلیم فأرسه.

کتاب مقدس به زبان گیلکی - گویش شرقی

¹⁶ پولُس تصمیم داشت دریا راهَ جی اَفسُسِ کنارای بوگذری تا خوشه وخته آسیا ولایت میئن هدر ندی، چون عجله داشت که اگه ببی، پَنتیکاست روز میئن اورشلیم دیرون بِیسی.

کتاب مقدس به زبان گیلکی - گویش رشت و غرب گیلان

¹⁶ پولُس تصمیم دَشتی دریا راه جا اِفِسُسِ وَر ردّا به، تا خو وقتَ آسیا درون لا نُکونه، چون عجله دَشتی کی اَگه ببه، پنتیکاست روج درون اورشلیم میان بأسا.

اعمالٚ رسولأن 20:16 Iomraidhean Croise

اعمالٚ رسولأن 12:13

پطرس در بٚزِه و ایتأ خیدمتکأرٚ زنأی رُدا نأم بأمؤ کی دٚرٚ وأکونِه.

اعمالٚ رسولأن 16:6

وختی فریجیه و غلاطیه اوستأنٚ شهرأنٚ جَا دٚوأرٚستٚده، روح‌القدس ولأشته کی اَیدٚفأ رِه بٚشٚد آسیا.

اعمالٚ رسولأن 18:19

وختی افسُسٚ بندرَ فأرٚسِه، پریسکیلا و آکیلایَ کشتی دورونی بدأشته و بوگو بشتأوٚ وأسی بوشؤ یوهودٚ کنیسه‌ میأن.

اعمالٚ رسولأن 18:21

اون بوگفته: «هرجوری بٚبه وأستی عَید روجٚ رِه اورشلیمٚ میأن بئیسٚم.» ولی قول بٚدأ کی اگه خودا بٚخأیٚه بأزون وأگرده افسُس. او وخت ایوأردِه کشتی میأن بینیشته و جٚه اویَه بوشؤ.

اعمالٚ رسولأن 19:1

هو زمأتٚ میأن کی اَپلس قرنتسٚ شهرٚ دورون ایسأبو، پولسٚم او سأمأنٚ شهرأنٚ دورون سٚفر کودی، تأ اَنکی فأرٚسِه افسُسٚ شهرٚ میأن و اویَه چنتأ ایمأندارٚ اَمرأ مولأقأت بوکود.

اعمالٚ رسولأن 19:21

تومأمٚ اَ ایتفأقأنٚ پٚسی، پولس جٚه خودا روحٚ ور هیدأیت بوبوسته کی پیشتر جٚه اَنکی بشه اورشلیم، جٚه مقدونیه و اَخائیه رأ دٚوأره. اون گفتی: «اونٚ پٚسی وأستی رومٚم بٚشٚم!»

اعمالٚ رسولأن 2:1

هو وخت کی پنتیکأست روج فأرٚسِه، همٚتأن کس‌کسٚ اَمرأ ایتأ جأ جمَ بوستٚد.

اعمالٚ رسولأن 20:13

پولس جٚه خوشکی رأ خأستی بشه اَسوس، ولی اَمأن کشتی اَمرأ پیشتر جٚه اون فأرٚسِییم او شهرٚ میأنی.

اعمالٚ رسولأن 20:18

وختی بأمؤده، اوشأنَ بوگفته: «شومأن دأنیدی جٚه او روج کی می پأیَ آسیا میأن بنأم تأ هسأ،

اعمالٚ رسولأن 20:22

«اَسه خودا روحٚ فرمأنٚ اَمرأ خأیم بٚشٚم اورشلیم و نأنٚم اویَه چی مِرِه پیش اَیِه،

اعمالٚ رسولأن 20:4

چن نفرم تأ آسیا اونی اَمرأ بوشؤده کی اوشأنی نأم سوپاترس کی بیریه شین بو، اَرِستَرخوس و سکندس کی تسالونیکی شین بود، گایوس کی دِربه شین بو، تیموتائوس، تیخیکوس و تروفیموس کی همٚتأن آسیا میأن خوشأنی شهرأنَ وأگردستأندوبود.

اعمالٚ رسولأن 20:6

عَیدٚ پِسَحٚ تومأنَ بوسته پٚسی، فیلیپی شهرٚ جَا کشتی میأن بینیشتیم و پِنج روج کی بوبوسته آسیا میأن تروآسٚ بندرَ فأرٚسِییم و ایتأ هفته اویَه بئیسأییم.

اعمالٚ رسولأن 21:4

اویَه چنتأ ایمأندأرٚ بیأفتیم و هفت روج اوشأنی ورجأ بئیسأییم. اَشأن خودا روح اَمرأ، پولسَ تِشویق کودید کی نٚشه اورشلیم.

اعمالٚ رسولأن 24:17

«من او قدیمٚ سالأن کی دؤر بومٚ پٚسی چنتأ پیشکشی اَمرأ وأگردستٚم اورشلیمٚ میأن کی می قومَ یاور بدم و قوربأنی مرأسیمَ انجأم بدم.

اوّل قرنتیان 16:8

ولی تأ پنتیکأستٚ عَیدٚ وخت اَیَه ینی «اَفسس» میأن ایسٚم،