اعمالٚ رسولأن 2:43 - Gilaki New Testament

⁴³ اَنٚم بٚگم کی، روسولأن خٚیلی موجیزه‌یأن انجأم بدأبود، ایتأ ترس خودا ایحترأمٚ وأسی همٚتأنٚ دیلٚ میأن دکفته بو.

کیتاب مقدّس به گیلکی (رشتی)

⁴³ جٚه اَ خأطر کی خیلی عجایب معجزه‌یأن رسولأنٚ جأ آشکارَ بوستی، همه‌تأنٚ دیلٚ دورون ترس و ایحترامٚ به خودا دکفتی

کتاب مقدس به زبان گیلکی - گویش شرقی

⁴³ همته حیرونَ بوبوئن، چون خیلی عجایب چیزون و نیشونه أن رسولؤنِ دستَ جی آشكارَ بوی.

کتاب مقدس به زبان گیلکی - گویش رشت و غرب گیلان

⁴³ همتان مات و حَیران بُبوسته بید چونکی خَیلی عجایب چیان و نیشانه ئان رسولانِ دس مرا انجام بوستی.

اعمالٚ رسولأن 2:43 Iomraidhean Croise

مَرقُس 16:17

اوشأنی کی ایمأن اَوٚرده، می قودرتٚ اَمرأ، پٚلیدٚ روحأنَ مردومٚ جَا بیرونَ کونٚده و تأزه زوأنأنٚ اَمرأ گب زنٚده.

لوقا 7:16

تومأمٚ اوشأنی کی اَ موجیزه‌یَ بیدِدٚد، ترس و ایحترأمٚ اَمرأ، خودایَ شوکر بوکودٚد، گفتأندوبود: «ایتأ پیله پیغمبر اَمی میأن ظأهیرَ بوسته! خوداوند اَمی یاور بأمؤ!»

لوقا 8:37

مردوم کی اَ مأجیرأ جَا زهله بوکودٚد، عیسا جَا ایلتیمأس بوکودٚد کی جٚه اویَه بشه و اوشأنَ دِه کأری ندأشتی بی. پس اونم لوتکأیَ سوأرٚ بوسته و وأگردسته دریأچه او طرف.

یوحنا 14:12

اَنَ کی گم حِئقتٚ مأنه: هر کی مٚرَه ایمأن بأوٚره، تأنه هو کأرأنی‌یَ بوکونه کی من بوکودم و تأنه پیله‌تر جٚه اونم بوکونه، چونکی من وأگردم می پئرٚ ورجأ.

اعمالٚ رسولأن 2:22

«هسأ، اَی ایسرأییلی مردأکأن مٚرَه بشتأوید! هوطو کی خودتأنم دأنیدی، خودا عیسای ناصری اَمرأ عجأیبٚ موجیزه‌یأن نیشأن بٚدأ کی همه کسَ ثأبیت بوکونه کی عیسا جٚه اونی ور بأمؤ.

اعمالٚ رسولأن 4:33

عیسایٚ خوداوندٚ زٚنده بوستنٚ جَا، روسولأن ایتأ پیله قودرتٚ اَمرأ شهأدت دٚئیدی، و خودا فیض، قودرت اَمرأ اَشأنی میأن کأر کودی.

اعمالٚ رسولأن 5:5

هطو کی حنانیا اَ گبٚ بشتأوسته، زیمینٚ سٚر بٚکفته و جأبجأ بٚمٚرده! همٚتأن زهله بوکودٚد!

اعمالٚ رسولأن 9:34

پطرس اونَ بوگفته: «اَی اینیاس، عیسای مسیح تٚرَه شفأ دِهه! ویریز و تی جأیَ جمَ کون!» اونم دفأتن شفأ بیگیفته.

اعمالٚ رسولأن 9:40

ولی پطرس بٚخأسته کی همٚتأن اوتأقٚ جَا بٚشٚد بیرون. او وخت زانو بٚزِه دوعأ بوکود. بأزون جنأزه ور وأگردسته و بوگفته: «طابیتا، ویریز!» او زنأی خو چومأنَ وأکوده و وختی پطرسَ بیدِه، ویریشته و بینیشت!