اعمالٚ رسولأن 2:40 - Gilaki New Testament

⁴⁰ بأزون پطرس موفٚصل دروأره عیسا گب بٚزِه و تومأمٚ اوشأنی کی ایشتأوستندوبودَ تِشویق بوکود کی خوشأنَ او دؤره زمأتٚ شرورٚ آدمأنٚ گونأیأنٚ جَا جیویزأنٚد.

کیتاب مقدّس به گیلکی (رشتی)

⁴⁰ پطرس خو گبأنٚ زیادٚ دیگرٚ اَمرأ شهادت بده و اوشأنَ تشویق بوکوده، بوگفته: «شمرَ جٚه اَ نسل، کی گمراهه، آزادَ کونید!»

کتاب مقدس به زبان گیلکی - گویش شرقی

⁴⁰ پطرس خیلی گبؤن دیگرِ أمره گوایی بده و اوشونه تشویق بودِه، بوته: «شمره ایی نسلِ جی که کج راه میئن شوئدرن نجات بدین!»

کتاب مقدس به زبان گیلکی - گویش رشت و غرب گیلان

⁴⁰ پِطرُس خَیلی گبانِ دیگرِ اَمرا گُوائی بدَه و اوشانَ تشویق بُکود و بگفت: «شمرأ اَ نسل جا کی کجِ راهِ درون شئون دَرید نیجات بدید!»

اعمالٚ رسولأن 2:40 Iomraidhean Croise

متّی 12:34

اَی اَفعی زأکأن! شیمی دورونی کی اَندر خرأبه، چوطو تأنیدی خوروم و دوروستٚ گب شیمی زوأن بأوٚرید؟ چٚره کی زوأن جٚه اونچی گب زٚنِه کی دیل اونی جَا پور بٚبه.

متّی 16:4

شرور و زٚنأکأرٚ نسل، نیشأنه خأیه! ولی تنأ نیشأنه‌یی کی اَشأنَ فأدٚم، یونسٚ نبی نیشأنه‌یٚ.» اَنَ بوگفته و اوشأنٚ جَا سیوأ وأبوسته.

متّی 17:17

عیسا جوأب بٚدأ: «اَی بی‌ایمأن و نأفرمأن مردوم! تأ کی وأ شیمی کردکأرأنَ تحمول بوکونم؟ اونَ بأوٚرید می ورجأ.»

متّی 23:33

ای خوش خط و خألٚ لنتی‌یأن! چوطو تأنیدی جهندمٚ موجأزأتٚ جَا جیویزید؟

مَرقُس 8:38

و اگه کسی اَ فأسیدٚ زمأتٚ میأن کی پور جٚه گونأ ایسه، می جَا و می گبأنٚ جَا عأرنأموس بٚدأره، اینسأنٚ پٚسرم وختی کی خو پئر جلالٚ میأن، موقدسٚ فٚرٚشته‌یأنٚ اَمرأ وأگرده، اونی جَا عأرنأموس دأره.»

لوقا 16:28

تأ می پنج‌تأ برأرَ جٚه اَ جأجیگأ کی آدم رنج و عذأب دینه وأخبدأرٚ کونه، نوکونه کی اوشأنم مٚردنٚ پٚسی اَیَه بأیٚد!"

لوقا 21:36

پس هر دٚقّه بٚپّأئید و همیشٚک دوعأ بوکونید کی اَ وأشتنأکٚ مأجیرأیأن جَا حیفظ بوبوسته، اینسأنٚ پٚسر ورجأ بئیسید.»

یوحنا 21:25

گومأن کونم کی اگه تومأمٚ عیسا زٚندیگی ایتفأقأن کیتأبأنٚ میأن بینیویشته بوبوسته‌بی، او کیتأبأن دونیأ میأن جأ نوبوستید.

اعمالٚ رسولأن 10:42

و خودا اَمٚرَه اوسه کوده کی اَ خورومٚ خٚوٚرَ همٚتأنَ فأرٚسأنیم و بیگیم کی خودا عیسایَ اینتخأب بوکوده کی مورده‌یأن و زٚنده‌یأنٚ رِه دأور بٚبه.

اعمالٚ رسولأن 15:32

بأزون، یوهودأ و سیلاس کی هر دوتأن پیغمبر بود، خٚیلی گبأنٚ اَمرأ ایمأندأرأنَ تِشویق و تقویت بوکودٚد.

اعمالٚ رسولأن 20:11

او وخت وأگردسته تلأر خأنه میأن و نأنَ وأچرده و بوخورد. بأزون ایوأردِه گبَ سٚر بیگیفته تأ یوأش یوأشِی هوا روشنَ بوسته. او وخت اوشأنَ بٚنأ بوشؤ.

اعمالٚ رسولأن 20:2

خو رأ میأن هرتأ شهرَ کی فأرٚسِیی، مسیحیأنٚ رِه موعیظه کودی. اَطویی بو کی، یونأنَ فأرٚسِه

اعمالٚ رسولأن 20:21

هطویم، چی یوهودیأنَ و چی یونأنیأنٚ رِه وأگویا بوکودم کی وأستی توبه اَمرأ، خودا ور وأگردٚد، و اَمی خوداوند، عیسایٚ مسیحَ، ایمأن بٚدأرٚد.

اعمالٚ رسولأن 20:24

ولی می جأن مِرِه نی‌اَرزِه مگه اَنکی اونَ او خیدمتٚ رأ دورون بنم کی عیسای خوداوند مٚرَه بیسپأرده و اونَ کأمیل انجأم بدم، ینی خودا فیضٚ اینجیلٚ خورومٚ خٚوٚرَ البأقی آدمأنَ فأرسأنم.

اعمالٚ رسولأن 20:9

هطو کی پولس گبَ دٚرأزه دٚئندوبو، ایتأ جوأن پنجره ورجأ نیشته بو کی اونی نأم اِفتیخُس بو، اونَ خأب بٚسٚرَ شؤ و سیومی طبقه جَا بٚکفته بیجیر و بٚمٚرد.

اعمالٚ رسولأن 28:23

پس قرأر بوبوسته ایتأ روج دِه بأیٚد. او روجٚ میأن، خٚیلی جٚه او آدمأن اونی خأنه بأمؤده و پولس خودا ملکوت و عیسایٚ مسیحٚ جَا اَشأنٚ رِه گب بٚزِه. اون صُب تأ شب جٚه موسا پنج‌تأ کیتأب و یوهودٚ پیغمبرأنٚ کیتأبأن خو گبأنٚ وأسی دلیل اَوٚردیدی.

اعمالٚ رسولأن 4:36

مثألٚ رِه، اینفر یوسف نأم کی لاوی طأیفه و قبرسٚ شین بو کی روسولأن اونَ برنابا ینی «مُشوّق» لقب بٚدأ بود.

دوم قرنتیان 5:20

اَمأن مسیح سفیرأن ایسیم. خودا بوسیله اَمأن شیمی اَمرأ گب زٚنِه. او وخت کی اَمأن ایچی جٚه شومأن خأییم اَنٚ مأنه کی مسیح اونَ جٚه شومأن خأیه. هنٚ وأسی، جٚه اونی ور جٚه شومأن خأییمی کی خودا لطف و محبتَ رٚدَ نوکونید و اونی اَمرأ آشتی بوکونید.

دوم قرنتیان 6:17

هنٚ وأسی ایسه کی خودا فٚرمأیه: «جٚه گونأکأرأنٚ میأن بیشید بیرون! شٚمٚره جٚه اَشأنٚ میأن سیوأ وأکونید! نجستٚ چیأنَ دٚس نزنید کی شٚمٚره قوبیل بوکونم.

غلاطیأن 5:3

ایوأردِه گم هر کی بٚخأیٚه ختنه بوستن اَمرأ خودایَ خوشألَ کونه، وأستی البأقی شریعتٚ حوکمأنٚم مو به مو قأیم بٚدأره غیرٚ اَن ایتأ اَبدی مرگٚ رِه محکومه.

افسسیان 4:17

بأزین، او ایقتدأر اَمرأ کی خودا مٚرَه بٚبخشه، تأکیدٚ اَمرأ گم کی دِه مردومی مأنستَن کی خودایَ نشنأسٚده زٚندیگی نوکونید، اوشأنی مأنستَن کی اوشأنی فیکر و ذهن پریشأن ایسه.

فیلیپیان 2:15

کی هیکس نتأنه شیمی جَا ایتأ عأیب و ایرأد بیگیره. وأستی اَ فأسیدٚ دونیأ دورون کی نأجور و نأخٚلفٚ آدمأنٚ جَا پوره، خودا زأکأنٚ مأنستَن، پأک و تیمیز بیبید. بأزین اَشأنی میأن ستأره‌یأنٚ مأنستَن دٚتأوٚیدی.

اوّل تسالونیکیان 2:11

لأبد شٚمٚره خأطر ایسه کی چوطو ایتأ پئرٚ مأنستَن کی خو زأکَ نصیحت کونه شیمی اَمرأ رفتأر کودیم.

اوّل تیموتائوس 4:16

دیقتٚ اَمرأ تی طرزٚ زٚندیگی و آموجه‌یأنم بٚپّأ. اَ کأرأنٚ دورون قأیم بئیس، چونکی اگه اَطو بوکونی، خودا تی رأ و روشأنٚ جَا، هم تٚرَه نیجأت دِهه و هم اوشأنی کی تی گبَ ایشتأوده.

۱پطرس 5:12

اَ کوتأ نأمه‌یَ سیلاسٚ کومکٚ اَمرأ بینیویشتم. می نظرَ بٚخأیید، اون ایتأ برأرٚ قأبیل ایعتمأدی ایسه. اومید دأرم کی اَ نأمه اَمرأ بأعیثٚ شیمی تِشویق بوبوسته بیم، چونکی اَن او رأس‌رأسِی خودا فیض ایسه کی شٚمٚره نیشأن بٚدأم. اونچی بینیویشتم، شٚمٚره کومک کونه تأ در خودا فیض قأیم بئیسید.