اعمالٚ رسولأن 2:17 - Gilaki New Testament

¹⁷ «"خودا فٚرمأیه: آخری روجأنٚ میأن، می روحَ همٚتأ آدمأنٚ رو فوکونم. شیمی دوخترأن و پٚسرأن نوبوّت کونٚده، شیمی جوأنأن رویأ و شیمی پیرأن خأبأن دینٚده.

کیتاب مقدّس به گیلکی (رشتی)

¹⁷ «‹خودا بفرمأسته: «روزأنٚ آخرٚ دورون، می روحَ بر تومامٚ مردوم فوکونم. شیمی زأکأن چی پسر و چی دُختر، نبوّت کونیدی، شیمی جوانأن رویا دینیدی و شیمی پیرأنم خواب دینیدی.

کتاب مقدس به زبان گیلکی - گویش شرقی

¹⁷ «”خدا گونه: آخری روزؤنِ میئن می روحَ جی تموم مردوم سر فوکؤنم. شیمه ریکاکؤن و لاکوکؤن نبوت کوئنن، شیمه جوؤنؤن رویاأنی اینن و شیمه موسندون خوئؤنی اینن.

کتاب مقدس به زبان گیلکی - گویش رشت و غرب گیلان

¹⁷ «”خُدا گه: آخرتا روجان درون می روحِ جا تمانِ مردومان سر خوائم فُکودن. شیمی پسران و کُران نبوّت کونیدی، شیمی جوانان رویائان خوائید دئن، و شیمی مُسِندِ آدمان خوابان دینیدی.

اعمالٚ رسولأن 2:17 Iomraidhean Croise

لوقا 3:6

هو وخت تومأمٚ مردوم خودا نیجأتَ دینٚد.»

یوحنا 17:2

چونکی تو تومأمٚ دونیأ مردومٚ زٚندیگی ایختیأرَ اونَ فأدأیی؛ و اونم همٚتأ اوشأنی‌یَ کی اونَ بٚبخشِئی، همیشٚکی زٚندیگی بخشه.

یوحنا 7:39

عیسا منظور جٚه زٚنده آبٚ روبأر، هو روح‌القدس بو کی اوشأنی‌یَ فأدأ به کی عیسایَ ایمأن بأوٚرٚد. امّا روح‌القدس هنو هیکسَ عطأ نوبوسته بو، چونکی عیسا هنو جلالَ، فأنرٚسه بو.

اعمالٚ رسولأن 10:45

او یوهودیأن کی پطرسٚ اَمرأ بأمؤ بود، وختی بیدِده کی روح‌القدس اوشأنی کی یوهودی نییٚدم فأدأ بوبوسته، قأق بئیسأده

اعمالٚ رسولأن 11:27

اَ زمأتٚ میأن، چنتأ نبی اورشلیمٚ جَا بأمؤده انطأکیه میأن.

اعمالٚ رسولأن 11:28

ایتأ جٚه اوشأن کی اونی نأم اَغابوس بو، ایتأ عیبأدتٚ مرأسیمٚ میأن ویریشته و خودا روحٚ اَمرأ پیشگویی بوکوده کی، پور دِه بأقی نییٚه کی ایسرأییلٚ سرزیمینٚ میأن ایتأ پیله قحطی پیش اَیِه. اَ قحطی کلودیوس قیصرٚ فرمأنروأیی زمأتٚ میأن پیش بأمؤ.

اعمالٚ رسولأن 2:16

اونچی کی ایمرو صُب دِئندٚرید، یوئیلٚ پیغمبر اَطوچی پیشگویی بوکوده بو:

اعمالٚ رسولأن 2:18

او روجأنٚ میأن می روحَ حتّا غولأمأنٚ و کنیزأنٚ رویٚم فوکونم و اَشأن نوبوّت کونٚده.

اعمالٚ رسولأن 2:33

اون اَسه آسمأنٚ میأن، پئر ورجأ او جأجیگأ کی گولأز دأره میأن بینیشته و او روح‌القدسَ کی قرأر بو پئرٚ جَا فأگیره‌یَ فأگیفته و اونَ خو شأگردأنَ فأدأ، کی ایمرو شومأن اونی نتیجه‌یَ دینیدی و ایشتأویدی.

اعمالٚ رسولأن 21:9

اون چأرتأ دوختر دأشتی کی هنو عروسی نوکوده بود و خودا اَشأنَ اَ عطیه‌یَ فأدأ بو کی بتأنٚد نوبوّت بوکوند.

رومیأن 5:5

و اَ اومید، اَمٚرَه دیلسردَ نوکونه، چونکی اون اَمٚرَه روح‌القدسَ فأدأ کی اَمی دیلأنَ خو محبتٚ جَا لبألبَ کونه.

اوّل قرنتیان 12:10

اینفرَ موجیزه‌یأنٚ انجأم دئنٚ قودرتَ فأدِه، اویتأیَ نوبوّت کودنٚ عطأیَ. اینفرَ روحأنٚ میأن تشخیص دئنٚ عطأیَ بخشه. وأزم اینفرَ اَ عطأیَ بخشه کی بتأنه دوعأ وخت او زوأنأن اَمرأ کی نأمؤخته گب بٚزٚنه، و اویتأیَ اَ زوأنأنٚ ترجومه عطأیَ فأدِه.

اوّل قرنتیان 12:28

بعضی جٚه عضوأن کی خودا کیلیسا میأن، ینی مسیح جأنٚ دورون، قرأر بٚدأ، اَشأن ایسٚد: اوّل: روسولأن، ینی مسیح اوسه کوده‌یأن. دویُم: پیغمبرأن، ینی اوشأنی کی خودا ایلهأمٚ اَمرأ، پیغأم اَوٚرٚده. سیوم: معلمأن، ینی اوشأنی کی خودا کلامَ البأقیأنَ آموجٚده. بأزون اوشأنی کی موجیزه کونٚده. اوشأنی کی شفأ عطأیَ دأرٚد. اوشأنی کی البأقیأنٚ کومک کودنٚ عطأیَ دأرٚده. اوشأنی کی رهبری و مودیریتٚ عطأیَ دأرٚد. آدمأنی کی گب زِئن جوروأجورٚ زوأنأنٚ عطأیَ دأرٚد، او زوأنأن کی پیشتر نأمؤخته بود.

عبرأنیأن 1:2

ولی اَ آخرٚ روجأنٚ دورون، جٚه طریقٚ خو پٚسر، اَمی اَمرأ گب بٚزِه. رأس‌رأسِی، خودا همه‌چی ایختیأرَ خو پٚسرَ بیسپأرده، و دونیأ و تومأمٚ موجودأنَ، اونٚ اَمرأ بوجود بأوٚرٚد.

یعقوب 5:3

شومأن اَ زودگوذرٚ دونیأ دورون، طلأ و نوقره جمَ کونید، نأخٚوٚر جٚه اَنکی اَ کأرٚ اَمرأ، شِمِره قیأمتٚ روجٚ دورون موجأزأت جمَ کودأندرید. چون هوطو کی شیمی طلأ و نوقره‌یَ مورأن بٚزِه، آتشٚم شیمی جأنَ خوره.

دوم پطرس 3:3

پیشتر جٚه هرچی خأیم اَ موضویَ خأطر نیشأن بوکونم کی آخری زمأتأنٚ میأن، آدمأنی پیدأ بٚده کی هر نأجورٚ کأرَ کی اوشأنی فیکرَ برسه دٚس زٚنٚد و حِئقتَ رخشنَ گیرده