اعمالٚ رسولأن 19:1 - Gilaki New Testament

¹ هو زمأتٚ میأن کی اَپلس قرنتسٚ شهرٚ دورون ایسأبو، پولسٚم او سأمأنٚ شهرأنٚ دورون سٚفر کودی، تأ اَنکی فأرٚسِه افسُسٚ شهرٚ میأن و اویَه چنتأ ایمأندارٚ اَمرأ مولأقأت بوکود.

کیتاب مقدّس به گیلکی (رشتی)

¹ وختی کی آپولُس قُرِنتُسٚ میأن ایسَه‌بو، پولُس بعدٚ اَنکی جٚه او منطقه کویأنٚ جور دوأرسته، فأرسه اَفِسُس. اویه تازه ایماندارأنی پیدا کوده

کتاب مقدس به زبان گیلکی - گویش شرقی

¹ وختی که آپولُس قُرنتُس شهر دیرون ایسا بو، پولُس او ولایت راه اجی که خشکی بو ردّ بو، افِسُس شهر برسه. اوره چند ته شاگرد بیأته

کتاب مقدس به زبان گیلکی - گویش رشت و غرب گیلان

¹ اُ زمات کی آپولُس قُرِنتُس شار درون ایسأ بو، پولُس اُ ولایت راهِ جا کی خشکی بو ردّا بوست و اَفسس شار فاراسه. اویا چن تا جه شاگردانَ بیافت،

اعمالٚ رسولأن 19:1 Iomraidhean Croise

اعمالٚ رسولأن 18:1

اونٚ پٚسی، پولس جٚه آتنٚ بوشؤ قرنتس.

اعمالٚ رسولأن 18:8

کْریسْپوس، کنیسه‌ رییس و تومأمٚ اونی خأنوأر خوداوندَ ایمأن بأوٚردٚد. خٚیلیأنم دِه قرنتس میأن کی پولسٚ پیغأمَ بشتأوستده‌ ایمأن بأوٚردٚد و تعمید بیگیفتٚد.

اعمالٚ رسولأن 19:17

اَ خٚوٚر تومأمٚ او افسُسٚ سرتأسرٚ بیپیچسته و همٚتأ یوهودیأن و یونأنیأنٚ گوش فأرٚسِه، او جوری کی همٚتأ بترسئیدی و جٚه اونٚ پٚسی عیسایٚ خوداوندٚ نأمَ ایحترأم نئهیدی.

اعمالٚ رسولأن 19:26

ولی هوطو کی دأنیدی و بیدِه و بشتأوستیدی، اَ پولس خٚیلیأنَ قأنع بوکوده کی اَ بُتأنٚ خودا نییٚده. جٚه اَ خأطر اَمی بأزأر کسأتَ بوسته! اَطو نییٚه کی فقد اَمأن افسُس میأن ضرر دینیمی، بلکی اَمی همکأرأن تومأمٚ آسیا سرتأسرٚ میأن ورشکستَ بٚدأ.

اعمالٚ رسولأن 20:16

پولس اَیدٚفأرِه نخأستی افسُسٚ شهرٚ میأن گیر بوکونه، چونکی توندٚ تأکیدی دأشتی اگه بٚبه، پنتیکأستٚ عَیدٚ رِه اورشلیمٚ میأن بئیسه

اعمالٚ رسولأن 20:18

وختی بأمؤده، اوشأنَ بوگفته: «شومأن دأنیدی جٚه او روج کی می پأیَ آسیا میأن بنأم تأ هسأ،

اعمالٚ رسولأن 21:29

چونکی هو روج صُب پولسَ اینفر تروفیموس نأمٚ اَمرأ بأزأرٚ میأن بیدِده کی یوهودی نوبو و افسُسٚ شین بو، گومأن بوکودٚد کی پولس اونَ معبدٚ میأن بأوٚرده.

اوّل قرنتیان 1:12

اَطویی کی ایتأ عیده جٚه شومأن گده پولسٚ شأگرد ایسٚد و ایتأ دِه عیده‌یٚم گده کی «اَپلس» و یا «پطرسٚ» بألأخأ ایسٚد و ایتأ عیده‌یٚم ایدعأ کونٚده کی فقد مسیح شأگرد ایسٚد.

اوّل قرنتیان 15:32

و اگه مورده‌یأن رِه قیأمت نٚمأنه، می جنگستن درنده جأنوٚرأنٚ اَمرأ ینی هو افسس شهرٚ مردومأن، چی بهره دأشتی؟ اگه قیأمت ننأ، «بأیید بوخوریم و وأخوریم، چونکی فردأ میریمی.»

اوّل قرنتیان 16:12

جٚه اَپلس خأهیش بوکودم کی اَشأنٚ اَمرأ شیمی دِئنٚ رِه بأیٚه، ولی اونی نظر اَنه کی خودا نٚخأیه کی اَسه بأیٚه. ولی هر وخت فورصت بٚدأره، اَیِه.

اوّل قرنتیان 16:8

ولی تأ پنتیکأستٚ عَیدٚ وخت اَیَه ینی «اَفسس» میأن ایسٚم،

اوّل قرنتیان 4:6

هسأ اَی برأرأن و خأخورأن، من جٚه خودم و اَپلس مٚثٚل بٚزِم، تأ اَ حرفٚ مأنی‌یَ بفأمید کی گه: «جٚه اونچی بینیویشته بوبوسته، پیشتر نیشید.» او وخت، اَنٚ وأسی کی ایتأ جٚه شیمی رهبرأنٚ شأگرد ایسید و اویتأ رهبرٚ شأگرد نیئید، شٚمٚره گولأز نوکونیدی.

افسسیان 1:1

اَ نأمه جٚه پولس ایسه کی خودا خأسته اَمرأ عیسا مسیح روسول ایسه. اَ نأمه‌یَ شٚمٚره، خودا موقدسٚ قوم، افسس شهر میأن نیویسٚم کی اَمی خوداوند عیسا مسیحَ وفأدأریدی.