اعمالٚ رسولأن 18:18 - Gilaki New Testament

¹⁸ اَ ایتفأقٚ پٚسی پولس چن وختی او شهرٚ میأن بئیسأ و بأزون مسیحیأنٚ اَمرأ خوداحافظی بوکوده و پریسکیلا و آکیلا اَمرأ دریأ رأ جَا بوشؤ سوریه ور. کَنخَریه شهرٚ میأن یوهودیأنٚ رسمٚ مأنستَن خو سٚرٚ مویَ بتأشته، چٚره کی نذر بوکوده بو.

کیتاب مقدّس به گیلکی (رشتی)

¹⁸ پولُس ایتأ مدت قُرِنتُسٚ میأن بِیسه. بأزین ایماندارأنٚ اَمرأ خوداحافظی بوکوده و پْریسکیلا و آکیلا اَمرأ جٚه دریا رأ بوشو سوریه. اون کِنخْریه میأن فأرسه، چونکی خو اَمرأ عهد دٚوٚسته‌بو به خودا نزدیکتر ببه، خو سرٚ مویَ بترأشته.

کتاب مقدس به زبان گیلکی - گویش شرقی

¹⁸ پولُس بعدِ اینکه خیلی قُرِنْتُس میئن بیسَه، برأرؤن أمره خداحافظی بوده و دریا جی سوریه سو بشو. ایی سفر میئن، پْریسكیلا و آكیلام اونه أمره بوئن.پولس كِنخْریه دیرون خوشه سر بتأشته، چون ایطوری نذر بودِه بو.

کتاب مقدس به زبان گیلکی - گویش رشت و غرب گیلان

¹⁸ پولُس خَیلی زمات قُرِنتُس درون بأسا و بازون براران مرا خُداحافظی بُکود و دریا راهِ جا سوریه سمت رادکفت. اَ سفر درون، پْریسکیلا و آکیلائم اون اَمرا بید. پولُس کِنخْریه درون خو سرَ بتاشته، چونکی اَطو نذر بُکوده بو.

اعمالٚ رسولأن 18:18 Iomraidhean Croise

متّی 4:24

اونی آوأزه سوریه همٚتأ شرأنٚ جَا بیپیچسته، و مردوم همٚتأ نأخوش احوألأنی کی جوروأجور درد و مرض دأشتید، و دیو بٚزِکأن، غشی آدمأن و معلولأنَ عیسا ورجأ اَوٚردیدی و اون اوشأنَ شفأ دٚئی.

مَرقُس 6:46

پس عیسا مردومَ اوسه کوده و خودش دوعأ کودنٚ وأسی بوشؤ کوه جؤر.

اعمالٚ رسولأن 1:15

ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:

اعمالٚ رسولأن 15:23

اَ نأمه بینیویشته کی خوشأنی اَمرأ ببردٚد اَن بو: «اَمأن روسولأن، ریش سیفیدأن و برأرأن کی اورشلیمٚ شین ایسیم، شومأ برأرأنَ کی انطأکیه، سوریه و قیلیقیه شین ایسید و یوهودی نیئیدَ سلأم رسأنیم.

اعمالٚ رسولأن 15:41

بأزون سوریه و کیلیکیه سرتاسرَ سٚفر بوکوده، کیلیسایأنَ بٚنأ کودی.

اعمالٚ رسولأن 18:2

او شهر میأن ایتأ یوهودی مردأکٚ اَمرأ کی پونتوسٚ شین بو و آکیلا نأم دأشتی آشینأ بوبوسته. اون خو زنأکٚ اَمرأ کی اونی نأم پریسکیلا بو تأزٚگی ایتالیا جَا بأمؤ بو قرنتس میأن، چونکی کلودیوسٚ قیصر همٚتأ یوهودیأنَ روم جَا بیرونَ کوده بو.

اعمالٚ رسولأن 18:26

وختی پریسکیلا و آکیلا اونی یأرستنٚ اَمرأ موعیظه‌یَ کنیسه‌ میأن بشتأوستٚده، اونَ خوشأن ورجأ ببردٚد و خودا رأیَ خٚیلی دقیق اونَ بأمؤختٚده.

اعمالٚ رسولأن 18:27

وختی اَپلس تصمیم بیگیفته بشه اَخائیه اوستأنٚ میأن، ایمأندأرأن اونَ تِشویق بوکودٚد و نأمه‌‌یأنی او سأمأنٚ مسیحیأنٚ رِه بینیویشتد کی گرمی اَمرأ اونی پیشوأز بٚشٚد. وختی اویَه فأرٚسِه، خٚیلی جٚه آدمأنٚ یاور دئنَ بأعیث بوبوسته کی فیضٚ جَا ایمأن بأوٚرده بود،

اعمالٚ رسولأن 21:23

«پس اَمأن اَطو پیشنهأد کونیمی: چأر نفر اَیَه ایسأده کی یوهودٚ روسومٚ رِه نذر بوکودٚد.

اعمالٚ رسولأن 21:24

تو اَشأنٚ اَمرأ بوشو معبدَ میأن و طهأرتٚ رسمَ اوشأنٚ اَمرأ انجأم بٚدٚن و اوشأنی خرجٚم فأدن کی بتأنٚد خوشأنٚ سٚرَ بتأشٚد. او وخت همٚتأنَ ثأبیت به کی تو یوهودٚ سونّتأنٚ انجأم دئنَ او مسیحیأن کی یوهودی ایسٚده رِه بی‌عأیب دأنی تویٚم یوهودٚ حوکمأنَ انجأم دیهی و اَمی اَمرأ اَ کأرأنٚ میأن ایتأ فیکر دأری.

اعمالٚ رسولأن 21:3

قبرس جزیره‌‌یَ جٚه دؤر فأندرستیم و اونی جونوبٚ جَا دٚوأرستیم و صورٚ بندر میأن کی سوریه میأنی نٚهأ بو پیأدَه بوستیم کی کشتی خو بأرَ خألِه کونه.

رومیأن 16:1

اَمی خأخور فیبی‌یَ کی جٚه کنخریه شهرٚ کیلیسا خأدیمأن ایسه، شٚمٚره معرّفی کونم.

اوّل قرنتیان 9:20

وختی یوهودیأنٚ اَمرأ ایسأبوم، اوشأنٚ مأنستَن کردکأر کودیم کی یوهودیأنَ مسیح ور بأوٚرٚم. او وخت کی اوشأنٚ اَمرأ بوم کی یوهودٚ شریعتٚ شأگرد بود، منم شریعتٚ جیر زٚندیگی بوکودم. هرچن جٚه شریعتٚ پیروی نوکونم، ولی اَطو بوکودم تأ اوشأنی‌یَ کی شریعتٚ جیر ایسأده، مسیح ور بأوٚرٚم.

غلاطیأن 1:21

اَ مولأقأتٚ پٚسی، بوشؤم اوستأنٚ سوریه و قیلیقیه.