اعمالٚ رسولأن 18:10 - Gilaki New Testament

¹⁰ چونکی من تی اَمرأیٚم و هیکس نتأنه بلأیی تی سٚر بأوٚره. خٚیلیأن اَ شهرٚ میأن می شین ایسٚد.»

کیتاب مقدّس به گیلکی (رشتی)

¹⁰ من تی اَمرأیم و هیکس نتأنه ترَ اذیت و آزار بوکونه، چونکی اَ شهرٚ میأن خیلی کسأن به من تعلّق دأریدی.»

کتاب مقدس به زبان گیلکی - گویش شرقی

¹⁰ چونکه مو تی أمره ایسّم و هیچ كس تی طرف حمله نوکوئنه تا تَه آسیب برسؤنی، چون مو ایی شهر میئن خیلی آدم دئنم.»

کتاب مقدس به زبان گیلکی - گویش رشت و غرب گیلان

¹⁰ چونکی من تی اَمرائم و هیکّس تی سمت حمله نخوائه کودن تا بلائی تی سر باوره، چونکی من اَ شار درون خَیلی آدم دَرَم.»

اعمالٚ رسولأن 18:10 Iomraidhean Croise

متّی 1:23

«ایتأ باکره دوختر شکم اوسأنه، ایتأ پٚسر زأی زأیِه، و اونَ عمانوئیل دؤخأنده.» (عمانوئیل عِبری زٚوأنٚ دورون بِه «خودا اَمی اَمرأ ایسه».

متّی 10:30

شیمی همٚتأ دأنه خألٚ مویَم بیشمأرده بوبوسته.

متّی 28:20

و اوشأنَ بأموجید کی تومأمٚ دستورأنی‌یَ کی شٚمٚره بٚدأم، ایطأعت بوکونٚد. موطمٚین بیبید هر جأ کی بیشید، حتّا اگه دونیأ دورترین جیگأیم بٚبه، من همیشٚک شیمی اَمرأ ایسأم!»

لوقا 21:18

امّا ایتأ مو شیمی سٚرٚ جَا اَویرَ نیبه!

یوحنا 10:16

من گوسوٚندأنی دأرم کی اَ طیویله میأن نئیسأده؛ وأستی اوشأنم بأوٚرٚم. اوشأنم می صدایَ ایشتأوده، همه کس‌کسٚ اَمرأ ایتأ گلّه بٚدأ و ایتأیم شبأن دأرٚده.»

یوحنا 11:52

عیسا مٚردنٚ فقد ایسرأییلٚ قومٚ وأسی نوبو، بلکی تومأمٚ خودا زأکأنٚ وأسی کی اَ دونیأ میأن ایسأده، کی همٚتأنَ جمَ کونه.

اعمالٚ رسولأن 15:14

پطرس شِمِره وأگویا بوکوده کی چوطو خودا اوّلی وأر اوشأنی کی یوهودی نوبودٚ رِه ظأهیرَ بوسته کی خو جلالٚ وأسی، جٚه اَشأنٚ میأن ایتأ تأزه قوم اینتخأب بوکونه.

اعمالٚ رسولأن 15:18

او کأرأنی کی جٚه پیشتر آشیکأر بو.

اعمالٚ رسولأن 18:11

پس پولس یک سألٚ و نیم اویَه بئیسأ و خودا کلامَ اوشأنَ بأمؤخته.

اعمالٚ رسولأن 18:9

ایتأ شب خوداوند رویأ دورون پولسَ بٚفرمأسته: «هیکسٚ جَا نوأترسئن! یأرستنٚ اَمرأ موعیظه بوکون و اَ کأرٚ جَا دٚس نوأکٚشئن!

رومیأن 8:31

پس تومأمٚ اَ خوروم چیأنٚ جولو، چی بیگیم؟ اگه خودا اَمی اَمرأیه، کیسه کی بتأنه اَمی ضد بٚبه؟

دوم قرنتیان 12:9

ولی اون بٚفرمأسته: «فقد ایچی کی لأزیم دأری، می فیض ایسه، چونکی می قودرت سوستی دورون کأمیلَ بِه.» پس هسأ خوشألی اَمرأ می سوستیأنٚ رِه گولأز کونم، کی مسیح قودرت می سٚر بأیٚه.

دوم تیموتائوس 4:17

امّا خوداوند خودش مٚرَه یاور بٚدأ و فورصت بٚدأ کی شوجأعتٚ اَمرأ اینجیلٚ نیجأتٚ پیغأمَ تومأمٚ دونیأ قومأنَ گوش فأرسأنم. اون مٚرَه جٚه حتمی مٚردن نیجأت بٚدأ و ولأشته کی شیرأنٚ طوعمه ببم.

دوم تیموتائوس 4:22

عیسایٚ مسیحٚ خوداوند تی روحٚ اَمرأ بٚبه. خودا فیض شیمی اَمرأ بٚبه.