اعمالٚ رسولأن 17:4 - Gilaki New Testament

⁴ ایتأ عیده جٚه اوشأنی کی اَ گبأنَ بشتأوستٚده، ای عیده جٚه یونأنی مردأکأنٚ اَمرأ کی خودایَ عیبأدت کودیدی و خٚیلی جٚه شهر زنأکأن کی سٚرشنأس بود قوبیل بوکودٚد کی ایمأن بأوٚرٚد.

کیتاب مقدّس به گیلکی (رشتی)

⁴ بعضی جٚه اوشأن و افرادٚ زیادی‌یم جٚه یونانیأنٚ خوداپرست و زنأکأنٚ سرشناس قوبیل بوکودیدی و پولُس و سیلاسٚ اَمرأ همرأه بوبوستید.

کتاب مقدس به زبان گیلکی - گویش شرقی

⁴ بعضی از ایشون قانع بوبوئن، که پولوس و سیلاسِ همراه بوبوئن و هیطورم یکته پیله جماعت ، خدا پرست یونانیون و سرشناس زنأكؤن جی هم ایسابوئن.

کتاب مقدس به زبان گیلکی - گویش رشت و غرب گیلان

⁴ بعضی جه اَشان قانع بُبوستید، کی پولُس و سیلاسَ اَمرا همرا بیبید و هَطوئم پیله جماعتی جه خُداپرستِ یونانیان و سرشناس زناکانَم ایسابید.

اعمالٚ رسولأن 17:4 Iomraidhean Croise

یوحنا 7:35

قومٚ پیله کسأن عیسا اَ گبأنٚ جَا قأقَ بوستٚد و کس‌کسٚ جَا وأورسئده: «مگه کویه خأیه بشه؟ شأید خأیه اَ ولأیتٚ جَا بشه یوهودیأنٚ ورجأ البأقی‌ ولأیتأنٚ میأن، شأیدٚم خأیه بشه اوشأنی ورجأ کی یوهودی نییٚده.

اعمالٚ رسولأن 13:43

وختی مردوم مرخصَ بوستد، خٚیلی جٚه یوهودیأن و اوشأنی کی یوهودی نوبود و خودایَ پرستٚش کودید، پولس و برنابا دونبألسر بوشؤده. اَ دو نفر اَشأنٚ اَمرأ گب بٚزِده و اوشأنَ تِشویق بوکودٚد کی خودا فیض میأن قأیم بئیسٚد.

اعمالٚ رسولأن 13:50

او وخت یوهود قومٚ پیله‌ کسأن، دین بدأشته و موحترمٚ زنأکأن و شهر پیله‌ کسأنَ پولس و برنابا ضد اَنتیریک بوکودٚد، و ایتأ دسته جٚه مردوم اَمرأ اَشأنٚ رو فووُستٚد و اوشأنَ جٚه اویَه بیرونَ کودٚد.

اعمالٚ رسولأن 14:1

قونیه شهر میأنم پولس و برنابا بوشؤده یوهودٚ کنیسه‌ میأن و جوری قودرت اَمرأ گب بٚزِده کی خٚیلی جٚه یوهودیأن و اوشأنی کی یوهودی نوبود ایمأن بأوٚردٚد.

اعمالٚ رسولأن 14:4

ولی شهر میأن دوتأ دسته بوبوستٚد؛ ای عیده یوهودٚ پیله‌ کسأنٚ بألأخأ بود و ایتأ دِه عیده مسیح روسولأنٚ بألأخأ بوبوستٚد.

اعمالٚ رسولأن 15:22

پس روسولأن و کیلیسا ریش سیفیدأن تومأمٚ کیلیسا آدمأنٚ اَمرأ تصمیم بیگیفتٚد دو نفرَ پولس و برنابا اَمرأ اوسه کونٚد انطأکیه کی اَ شورأ تصمیمَ اَشأنٚ رِه وأگویا بوکوند. اَ دو نفر ایتأ یوهودأ کی برسابا لقب دأشتی و اویتأ سیلاس. اَشأن هر دوتأن جٚه کیلیسا موهیمٚ آدمأن بود.

اعمالٚ رسولأن 15:27

پس اَمأن یهودا و سیلاسَ اوسه کونیم کی شٚمٚره بٚگد کی اَمی فیکر دروأره‌یٚ شیمی موشکیل چیسه.

اعمالٚ رسولأن 15:32

بأزون، یوهودأ و سیلاس کی هر دوتأن پیغمبر بود، خٚیلی گبأنٚ اَمرأ ایمأندأرأنَ تِشویق و تقویت بوکودٚد.

اعمالٚ رسولأن 15:40

ولی پولس، سیلاسَ اینتخأب بوکوده و برأرأنٚ دوعأ اَمرأ خودا فیضَ بیسپأرده بوبوسته، بوشؤ سٚفر.

اعمالٚ رسولأن 16:3

پس، پولس اونی جَا بٚخأسته کی اَ سٚفرٚ میأنی اَشأنی اَمرأ بشه. ولی او سأمأنٚ یوهودیأنٚ ایحترأم نٚهنٚ وأسی، پیشتر جٚه شؤئؤن، تیموتائوسَ ختنه بوکود، چونکی همٚتأن دأنستیدی کی اونی پئر یونأنٚ شینه.

اعمالٚ رسولأن 17:10

هو شب مسیحیأن پولس، سیلاسَ دفأتن اوسه کودٚد بیریه ور. او شهر دورونم همیشٚکٚ مأنستَن یوهودٚ کنیسه‌ دورون بوشؤده کی اینجیلٚ پیغأمَ وأگویا بوکوند.

اعمالٚ رسولأن 17:12

هطویی بو کی، خٚیلی جٚه یوهودیأن و خٚیلی جٚه یونأنی زنأکأن و مردأکأن کی شهرت دأشتیدی ایمأن بأوٚردٚد.

اعمالٚ رسولأن 17:14

مسیحیأن دفأتن پولسَ دریأ کنأرٚ ور اوسه کودٚد، ولی سیلاس و تیموتائوس هویه بئیسأده.

اعمالٚ رسولأن 17:17

پس هر روج یوهودیأن و اوشأنی کی یوهودی نوبودٚ اَمرأ کی خودایَ عیبأدت کودیدٚ گب گب زِئن وأسی، یوهود کنیسه‌ میأن شؤئی و بأزأرٚ میأن هرکی‌یَ دٚئی اونی اَمرأ گب زِئی.

اعمالٚ رسولأن 17:34

ولی هطو چن نفر اونی جَا ایطأعت بوکودٚد و ایمأن بأوٚردٚد. اَشأنٚ میأن دیونیسیوس، «آریوپاگوس» دسته جَا، ینی شهر انجمن شین بو، و ایتأ زنأکٚم داماریس نأم و چن نفر دِه.

اعمالٚ رسولأن 18:4

پولس هرتأ شبّأت شؤیی کنیسه‌ و یوهودیأن و یونأنیأنٚ اَمرأ بوگو بشتأو کودی و حقٚ سعی زِئی کی اوشأنَ خو اَمرأ هم نظر چأکونه.

اعمالٚ رسولأن 19:10

دو سأل اَطویی دٚوأرٚسته تأ اَنکی تومأمٚ آسیا آدمأن هم اوشأنی کی یوهودی بود و هم اوشأنی کی یونأنی بود خودا پیغأمَ بشتأوستٚد.

اعمالٚ رسولأن 2:44

اَطویی بو کی، تومأمٚ ایمأندأرأن کس‌کسٚ اَمرأ ایسأ بود و هر چی‌یَ کی دأشتید، کس‌کسٚ اَمرأ سأم کودید.

اعمالٚ رسولأن 21:28

فریأد بٚزِده، بوگفتٚده: «اَی ایسرأییلٚ آدمأن، فأرسید و یاور بدید! اَن هونی ایسه کی اَمی قومٚ ضد موعیظه کونه و همٚتأنَ گه یوهودٚ حوکمأنَ خوشأنی پأ جیر بٚنٚد. حتّا معبدَ توهین کونه و اوشأنی کی یوهودیم نییٚده خو اَمرأ بأوٚرده کی اَیَه نجستَ کونه!»

اعمالٚ رسولأن 28:24

او جِمئیتٚ میأن، ایتأ عیده ایمأن بأوٚردٚد و ایتأ عیده نأوٚردٚد.

اعمالٚ رسولأن 4:23

پطرس و یوحنا هطو کی آزأدَ بوستٚد، وأگردٚستٚده عیسا البأقی روسولأنٚ ورجأ و پیله کأهینأن و پیله‌ کسأنٚ گبأنَ اَشأنی رِه وأگویا بوکودٚد.

دوم قرنتیان 8:5

او کأر کی اوشأن بوکودٚد، ویشتر جٚه اون بو کی اَمأن اونی رأفأ ایسأبیم. اَشأن اوّل قول بٚدأد کی خوداوندٚ ایرأده‌یَ بجأ بأوٚرٚد، و بأزون وأگویا بوکودٚد کی حأضیر ایسٚد هرتأ خیدمت کی جٚه اوشأن بخأییم انجأم بٚدٚد.