اعمالٚ رسولأن 17:3 - Gilaki New Testament

³ و وأگویا کودی کی لأزیم بو مسیح رنج بیدِبی و مورده‌یأنٚ جَا ویریزه. اون گفتی: «اَ عیسا کی اونی خٚوٚرَ شٚمٚره بٚدأم، هو مسیح ایسه.»

کیتاب مقدّس به گیلکی (رشتی)

³ و توضیح بده و دلیل بأورده کی لازم بو اَمی گونایأنٚ کفاره وأستی مسیح رنج بکشه و جٚه مورده‌یأن ویریزه. اون گفتی: «اَ عیسایَ کی در موردٚ اون شِمره گب زِئن درم، هو مسیح ایسه.»

کتاب مقدس به زبان گیلکی - گویش شرقی

³ و اوشونه به توضیح دَ، دلیل اَرد که لازم بو مسیح موعود عذاب بكشی و مُرده‌أنِ جی زنده ببی. بوته: «ایی ایسه عیسی که اونه شیمه بِه اعلام کوئنم، هو مسیحِ موعود.»

کتاب مقدس به زبان گیلکی - گویش رشت و غرب گیلان

³ و اَشان ره توضیح دَئی و دلیل اَوردی کی مسیح لازمه رنج بکشه و مُرده ئان جا زنده ببه. اون گفتی: «اَ عیسی کی اونَ شمرأ اعلام کودن درم، هو مسیح موعود.»

اعمالٚ رسولأن 17:3 Iomraidhean Croise

لوقا 24:32

او دو نفر کس‌کسٚ بوگفتد: «بید‌ِیی وختی رأ میأن آسمأنی کیتأب جَا گب زِئی، چوطو اَمی دیلأنَ تاپ‌تاپ دکفته بو و بٚذوق بأمؤییم؟»

لوقا 24:44

بأزون، اوشأنَ بٚفرمأسته: «آیا بٚخأطر دأرید کی پیشتر جٚه می مٚردن وختی شیمی اَمرأ بوم، بوگفتم هر چی کی موسا تورأت و پیغمبرأنٚ کیتأبأن و داوودٚ زبورٚ دورونی می جَا بینیویشته بوبوسته همٚتأ وأستی انجأم بٚبه؟ هسأ اونچی کی مِرِه ایتفأق دکفته، همٚتأ انجأم بوبوسته!»

لوقا 24:46

بأزون بٚفرمأسته: «هطویه جٚه قدیمأن، پیغمبرأنٚ کیتأبأن دورونی بینیویشته بوبوسته بو کی او مسیح کی وأستی بأمؤبی وأستی رنج و زحمت بیدینه، خو جأنَ فأده و سیومی روج زٚنده بٚه

یوحنا 20:9

چونکی اوشأن هنو اَ حِئقتَ نفأمسته بود کی موقدسٚ کیتأبأن فٚرمأیه کی اون وأستی زٚنده به.

اعمالٚ رسولأن 1:4

ایتأ جٚه او زمأتأنٚ کی عیسا خؤرَه خو شأگردأنَ نیشأن دٚئی اَشأنَ بوگفته: «اورشلیم شهر جَا بیرون نیشید بلکی روح‌القدس رأفأ بئیسید چونکی اون هو پیشکشی‌یی ایسه کی می پئر اونی قولَ بٚدأ بو و منم جٚه اون شیمی اَمرأ گب بٚزِم.»

اعمالٚ رسولأن 18:28

چونکی همٚتأنٚ ورجأ، تومأمٚ یوهودیأنٚ دلیلأنَ رٚدَ کودی و موقدس کیتأبأن جَا پور قوّت دلیلأن اَوٚردی کی عیسا رأس‌رأسِی هو مسیح ایسه.

اعمالٚ رسولأن 18:5

بأزون کی سیلاس و تیموتائوس جٚه مقدونیه فأرٚسِده، پولس تومأمٚ خو وختَ بٚنأ موعیظه کودنٚ رِه و یوهودیأنٚ رِه دلیل اَوٚردی کی عیسا هو مسیح ایسه.

اعمالٚ رسولأن 3:18

جٚه او ور، خودا دٚسم اَ کأرٚ دورون دوبو، چونکی تومأمٚ پیغمبرأنٚ پیشگویی موطأبٚق، مسیح وأستی اَمی گونأیأنٚ آمؤرزئنٚ رِه صلیبٚ سٚر خو جأنَ فٚدأ بوکوده بی.

اعمالٚ رسولأن 9:22

ولی سولُس خٚیلی شوق و ذوقٚ اَمرأ موعیظه کودی و دمشقٚ یوهودیأنٚ رِه دلیل و برهأنٚ اَمرأ ثأبیت کودی کی عیسا در حِئقت هو مسیح ایسه.

غلاطیأن 3:1

اَی غلاطیأن کی شیمی عقلَ جٚه دٚس بٚدأییدی، کویتأ جأدوگر شٚمٚره اَطو سحر و جأدو بوکوده؟ مگه اَن شومأن نیبید وختی عیسا مسیح مٚردنَ صلیبٚ جؤر شٚمٚره وأگویا بوکودم، ایجور ذوقٚ اَمرأ اونی ور بأمؤییدی کی عَینٚ خیأله هو وخت اونَ شیمی چومٚ اَمرأ صلیبٚ جؤر بیدِییدی؟