اعمالٚ رسولأن 17:18 - Gilaki New Testament

¹⁸ ایتأ دسته جٚه اپیکوری و رواقی دأنشمندأنم اونی اَمرأ بینأ کودٚد گب گب کودن. ای عیده جٚه اوشأن وأورسِئیدی: «اَ مردأی کی خٚیلی حرف زٚنِه حقٚ سعی زِئندره چی بٚگه؟» ای عیده‌یٚم گفتیدی: «اَطوچی‌یَ مأنه کی خأیه جٚه خودایأنی کی نشنأسیم جأنبدأری بوکونه.» اَشأن اَ گبأنَ زئیدی، چونکی پولس قیأمت و عیسا خوروم خٚوٚرَ وأگویا کودی.

کیتاب مقدّس به گیلکی (رشتی)

¹⁸ چند نفر جٚه فیلسوفأنٚ اپیکوری و رواقی‌یم اونٚ اَمرأ شروع به بحث بوکودید. بعضی‌یأن بوگفتیدی: «اَ یاوِه‌گو چی خوأیه بگه؟» چند نفرٚ دیگرم بوگفتیدی: «شاید جٚه خودایأنٚ غریبه گب زِئن دره»، چونکی پولُس جٚه عیسی و اونٚ زنده بوستن جٚه دنیای مورده‌یأن بشارت دَئن دوبو.

کتاب مقدس به زبان گیلکی - گویش شرقی

¹⁸ بعضی از اپیكوری و رواقی فیلسوفؤنم اونه أمره بینا به بحث بوئدن. یسری از اوشؤن گوتن: «ایی مفت گب زن چی دئنه بوگؤی؟» دیگرؤن گوتن: «انگاری غریبه خداأنِ تبلیغ کأدره.» چونکه پولُس، عیسی و مرده أنه زنده بوئن باره ایشونِ به گب زی.

کتاب مقدس به زبان گیلکی - گویش رشت و غرب گیلان

¹⁸ چن تا جه اپیکوری و رواقی فیلسوفانَم اونِ مرا بنا بُکودید بحث کودن. بعضی جه اوشان گفتیدی: «اَن کی هَپَرا گه، چی خوائه بگه؟» بقیه گفتیدی: «اِنگاری بیگانه خُدایانَ تبلیغ کودن دَره.» چونکی پولُس، عیسی و مُرده ئان زنده بوستن باره اَشان ره گب زئی.

اعمالٚ رسولأن 17:18 Iomraidhean Croise

مَرقُس 9:14

وختی فأرٚسِده البأقی شأگردأنٚ ورجأ، بیدِده خٚیلیأن اوشأنی دؤر جمَ بوستد و چن نفر جٚه دینٚ عألیمأنٚم اوشأنی اَمرأ بوگو موگو کودأندرد.

لوقا 11:53

وختی عیسا او میهمأنی جَا بیرون بأمؤ، فریسیأن و کأهینأن کی اونی گبأنٚ جَا اوشأنَ غیظٚ گیفته بو، سخت اونی اَمرأ موخألفت بوکودٚد و حقٚ سعی بٚزِدٚد خوشأنی سوألانٚ اَمرأ اونی سٚر فیشأر بأوٚرٚد.

اعمالٚ رسولأن 26:23

کی مسیح وأستی اَذِت آزأر بیدینه و اون اوّلی آدمی بٚبه کی مٚردنٚ پٚسی زٚنده بٚبه کی اَ کأرٚ اَمرأ، یوهودی و اوشأنی کی یوهودی نییٚده زٚندیگی‌یَ روشنی فأدٚه.»

اعمالٚ رسولأن 4:2

اَشأن جٚه اَنکی پطرس و یوحنا عیسا زٚنده بوستنٚ جَا مردومٚ اَمرأ گب زِئید، خٚیلی بترسد و پریشأنَ بوسته بود.

اعمالٚ رسولأن 5:42

جٚه او زمأتٚ پٚسی هر روج خأنه‌یأنٚ میأن خودا کلامَ مردومَ آمؤختیدی و معبدٚ میأن موعیظه کودید کی عیسا هو مسیح ایسه.

اعمالٚ رسولأن 6:9

ولی ایتأ روج چنتأ یوهودی کی «آزأد مردأنٚ» کنیسه‌ شین بود، بوگو موگو کودنٚ وأسی ایستیفانٚ ورجأ بأمؤد. اَ آدمأن قیروان، مصرٚ اسکندریه، قیلیقیه و آسیا جَا بأمؤ بود.

رومیأن 1:22

خوشأنَ دأنأ و عأقیل دأنستیدی، ولی همٚتأن نأدأن و بی‌عقل بوبوستٚد.

اوّل قرنتیان 3:18

دِه شٚمٚره گول نزنید. اگه اَ دونیأ معیأرأنٚ موطأبٚق، شٚمٚره عأقیل و دأنأ دأنیدی، اوّل وأستی نأدأن بیبید کی بتأنید رأس‌رأسِی حکیم بیبید،

اوّل قرنتیان 4:10

شومأن اَمٚرَه گیدی: «شیمی ایعتقأدأن شٚمٚره احمقٚ آدمأنٚ مأنستَن چأکوده!» ولی شومأن عأقیل و بأفأمٚ مسیحیأن ایسید! اَمأن سوستیم، ولی شومأن پورزور! اَمأن همٚتأنَ پٚست بٚحیسأب اَوٚرٚده، ولی شٚمٚره ایحترأم نٚهٚده!

کولسیان 2:8

آگأه بیبید کی هیکس خو پوچٚ فلسفه‌یأنٚ اَمرأ شیمی جَا ایمأن و روحأنی دیلخوشی‌یَ فأنگیره؛ اَشأنٚ پوچ و ایشتیوأ فیکرأن، مردومٚ فیکرأن و عقیده‌یأنٚ رو نٚهأ، نه مسیحٚ آمؤخته‌یأن و فرمأیشأنٚ رو.