اعمالٚ رسولأن 13:6 - Gilaki New Testament

⁶ او جزیره میأن، اَ شهر او شهر گردستیدی و خودا پیغأمَ مردومَ فأرٚسأنِده، تأ اَنکی فأرٚسِده پافُسٚ شهر دورون. اویَه ایتأ یوهودی جأدوگرَ بیدِده کی اونی نأم باریشوع بو و ایدعأ دأشتی کی پیغمبر ایسه.

کیتاب مقدّس به گیلکی (رشتی)

⁶ اَ سه نفر سرتاسرٚ او جزیره‌یَ بگردستیدی تا فأرسه‌ییدی شهرٚ پافوسٚ دورونی. اویه اینفرَ بیده‌ییدی کی یهودی جادوگر و نبی‌یٚ دوروغی بو کی بارْ‌یِشوعَ نام دأشتی و اونَ «عِلیما» هم دوخوأدیدی.

کتاب مقدس به زبان گیلکی - گویش شرقی

⁶ اوشؤن سرتاسرِ جزیره بگرسن تا پافوسِ شهرِ برسِئن. اوره یکته یهودی مرداک که باریشوع ایسم داشتِ بدِئن. او مردکای جادوگر و دروغی پیغمبر بو.

کتاب مقدس به زبان گیلکی - گویش رشت و غرب گیلان

⁶ اوشان تمان جزیره یَ بگردستید تا فارسه ئید پافوس شار. اویا ایتا یهودی مردای کی بارْ‌یشوع نام دَشتی بیده ئید. اُ مردای جادوگر و دوروغِ پیغمبر بو.

اعمالٚ رسولأن 13:6 Iomraidhean Croise

متّی 16:17

عیسا بٚفرمأسته: «ای شمعون، یونا پٚسر، خوشبحألٚ تو! چون تو اَ حِئقتَ اینسأنٚ جَا نأموختی، بلکی می آسمأنی پئر اَنَ تٚرَه وأشکأفأنٚه.

متّی 24:24

چون جٚه اَجور مسیحیأن و دورُغی پیغمبرأن خٚیلی اَیٚده و حتّا عجیب و غریبٚ موجیزه‌یأنٚم انجأم دٚهٚده، جوری کی اگه بوبوستی‌ بی حتّا خودا اینتخأب بوکوده‌یأنم جٚه رأ بٚدٚرَ کودیدی.

متّی 7:15

«شیمی حواس دورُغی پیغمبرأنَ بمأنه، اوشأن آرأمٚ گوسوٚندٚ لیوأسٚ دورون شیمی ور اَیٚده، ولی رأس‌رأسِی درنده گُرگٚدٚه.

مَرقُس 10:46

بأزین فأرٚسِده اَریحا. وختی شهرٚ جَا شؤئؤندوبود بیرون، خٚیلی مردوم اونی دونبألسر رأ دکفتٚده. رأ کنأره، ایتأ کور نیشته بو و گدأیی کودی، اونی ایسم بارتیمائوس بو.

اعمالٚ رسولأن 13:13

پولس و اونی اَمرأ آدمأن پافُسَ بٚنأده و کشتی اَمرأ بوشؤده پامفیلیا اوستأنٚ میأن و پِرجه بندرٚ میأن بیجیر بأمؤده. اویَه یوحنا کی مرقس لقب دأشتی اَشأنٚ جَا سیوأ بوبوسته و وأگردسته اورشلیم.

اعمالٚ رسولأن 13:8

ولی عِلیما هو جأدوگر (چونکی اونی نأمٚ مأنی هن ایسه)، موزأحیم بوستی و ولأشتی فرمأندأر، برنابا و سولُسٚ پیغأمَ بشتأوه و حقٚ سعی زِئی ولأنه خوداوندَ ایمأن بأوٚره.

دوم قرنتیان 11:13

اَجور آدمأن هیوخت جٚه خودا ور اوسه نوبوستٚد. اَشأن دأغوله بأزأنی ایسٚد کی جٚه شیمی سأدگی سوایستفأده کونٚده و خوشأنَ مسیح روسولأن بشنأسأنِئد.

دوم تیموتائوس 3:8

هوطو کی ینیس و یمبریس، موسا اَمرأ موخألفت بوکودٚده، اَ معلمأنٚم حِئقت و رأستی اَمرأ موخألفت کونٚد؛ اَشأن کثیف و فأسیدٚ فیکرأن دأرٚده و خوشأنٚ ایمأنٚ جَا وأگردٚستٚده.

اوّل یوحنا 4:1

اَی می جأنٚ دیلأن، هرکی‌یَ زود قوبیل نوکونید کی ایدعأ کونه خودا روحٚ جَا پیغأم دأره. اوّل اونَ ایمتحأن بوکونید کی بفأمید کی آیا اونی پیغأم خودا جَا ایسه یا نه، چونکی خٚیلی زیأد دورُغگو معلمأن و وأعیظأن اَ دونیأ دورون ایسأده.

موکأشفه 19:20

ولی وحش خو دورُغی پیغمبرٚ اَمرأ گیر دکفتد و هر دوتأن زٚنده زٚنده آتشٚ دریأچه میأن کی گوگرد اَمرأ سوختی تأوٚدأ بوستد؛ هطویه، هو پیغمبری کی جٚه وحشٚ ور چوم دکفه موجیزه‌یأن انجأم دٚئی کی تومأمٚ اوشأنَ کی وحشٚ نیشأنه‌یَ دأشتیدی و اونی موجسمه‌یَ پرستٚش کودیدی، گول بٚزٚنه.