اعمالٚ رسولأن 13:42 - Gilaki New Testament

⁴² او روج وختی پولس و برنابا کنیسه‌ جَا شؤئؤندوبود، مردوم اَشأنی جَا خأهیش بوکودٚد اَ هفته کی اَمؤندره اَ نقل جَا اَشأنی رِه گب بٚزٚنٚد.

کیتاب مقدّس به گیلکی (رشتی)

⁴² وختی پولُس و برنابا جٚه کنیسه بیرون شوئون دیبید، مردوم اوشأنٚ جأ خوأهش بوکودیدی کی هفته‌یٚ دیگرم هَه کلامَ اوشأنٚ رِه بیگید.

کتاب مقدس به زبان گیلکی - گویش شرقی

⁴² وختی پولُس و بَرنابا عبادتگاهَ جی بیرون شوئدبون، مردم اوشونای خواهش بودن که ایی مقدس شنبه هم اَمئدره، ایی جور چیزونِ باره ایشؤنِ أمره گب بزنن.

کتاب مقدس به زبان گیلکی - گویش رشت و غرب گیلان

⁴² وقتی پولُس و بَرنابا عبادتگاه جا بیرون شئون دیبید، مردوم اوشان جا خواهش کودیدی کی اَ مُقدّسِ شنبه ئم کی اَمون دَره اَجور چیان باره اَشان اَمرا گب بزنید.

اعمالٚ رسولأن 13:42 Iomraidhean Croise

متّی 11:21

«خورَزین، بیت صیدا شٚمٚره ننگ نییٚه؟ چون اگه موجیزه‌یأنی کی شیمی میأن بوکودم، صور و صیدونٚ فأسیدٚ شهرأنٚ دورون بوکوده بیم، اوشأنی اَهألیأن خٚیلی زمأت پیش، خوشأنی گونأیأنٚ جَا توبه بوکوده بود، و شندره پندٚره دوکوده بود و خأک و خأکستر نیشتیدی کی خوشأنی پٚشیمأنی‌یَ نیشأن بٚدٚد.

متّی 19:30

ولی خٚیلیأن کی اَسه اوّل ایسأده، آخر بٚدأ و اوشأنی کی آخرٚده، اوّل.»

متّی 9:18

هنو عیسا گب تومأنَ نوبوسته بو کی او محلٚ کنیسه‌ رئیس بأمؤ و اونی ورجأ زانو بٚزِه، بوگفته: «می دوختر هَسأ بٚمٚرد. ولی اگه فقد بأیی و تی دٚسَ اونی رو بٚنی، تأنی اونی زٚندیگی‌یَ وأگردأنی.»

اعمالٚ رسولأن 10:33

«پس دفأتن شیمی دونبألسر اوسه کودم و شومأنم لوطف بوکودید، دفأتن بأمؤیید. هسأ، همٚتأن اَیَه خودا حوضور رأفأ ایسأییم کی پیغأمی‌یَ کی خوداوند بٚفرمأسته کی اَمٚرَه بیگید، بشتأویم.»

اعمالٚ رسولأن 13:14

ولی برنابا و پولس بوشؤده انطأکیه شهرٚ دورون کی پیسیدیه اوستأنٚ میأن نٚهأ بو. اَشأن شبّأت روج خودا پرستٚشٚ رِه، یوهودٚ کنیسه‌یَ بودورون بوشؤده.

اعمالٚ رسولأن 28:28

«پس خأیم بدأنید کی خودا نیجأت اوشأنی کی یوهودی نوبودٚ رِه اوسه بوبوسته، و اَشأن ایشتأوده.»