اعمالٚ رسولأن 13:15 - Gilaki New Testament

¹⁵ وختی تورأت و پیغمبرأنٚ کیتأبأنٚ خأندن تومأنَ بوسته، کنیسه‌ رییسأن اَشأنٚ رِه پیغأم اوسه کودٚد، بوگفتٚده: «برأرأن، اگه خورومٚ گب دأریدی کی تأنه اَمٚرَه بأموجه، خأهیش کونیم اَمِرِه نقل بوکونید.»

کیتاب مقدّس به گیلکی (رشتی)

¹⁵ بعدٚ خوأندنٚ موسی کیتابٚ تورات و پیغمبرأنٚ دیگر، کنیسه رهبرأن اوشأنَ بوگفتید: «برأرأن، اگه پیامٚ دیلگرم‌کوننده مردومٚ‌ره دأریدی، بیگید.»

کتاب مقدس به زبان گیلکی - گویش شرقی

¹⁵ بعدِ اونکه تورات و پیغمبرؤن بنویشته أنِ بوخوندَن، عبادتگاه پیلترون ایشؤنه به پیغوم سرادائن و بوتَن: «برأرؤن، اگه گبی دئنین که مردم تشویقِ کوئنه، بوگوین.»

کتاب مقدس به زبان گیلکی - گویش رشت و غرب گیلان

¹⁵ بعد اَنکی تورات و پیغمبرانِ بینیویشته ئانَ بخواندید، عبادتگاه پیله تران اَشانِ ره پیغام اوسه کودید و بُگفتید: «براران، اَگه گبی دَریدی کی مردومَ تشویق کونه، بیگید.»

اعمالٚ رسولأن 13:15 Iomraidhean Croise

مَرقُس 5:22

هو وخت ایتأ مردأی یایروس نأم کی او شهرٚ یوهودیأنٚ کنیسه‌ رییس بو، خؤرَه فأرٚسأنه عیسا ورجأ و اونی پأ جیر بٚکفته خأک سٚر.

لوقا 16:16

پیشتر جٚه یوحنا موعیظه‌یأن، موسا تورأت و پیغمبرأنٚ نیویشته‌یأن شیمی رأنمأ بو. امّا هسأ کی یوحنا، خودا پأدیشأیی فأرٚسِئنٚ خوروم خٚوٚرَ بٚدأ، مردوم زور ‌زورِی خأیٚد خوشأنَ او دورونی تأوٚدٚد.

اعمالٚ رسولأن 1:16

«برأرأن، وأستی موقدس کیتأبأنٚ پیشگویی، کی یوهودأ رِه بوگفته بود انجأم بٚبه، کی شرورٚ آدمأنَ رأ نیشأن بٚدأ کی عیسایَ بیگیرٚد، چونکی خٚیلی زمأت پیشتر جٚه اون، داوودٚ پیغمبر یوهودأ نأرو زئنَ، جٚه روح‌القدسٚ ایلهام فأگیفتنٚ اَمرأ پیشگویی بوکوده بو.

اعمالٚ رسولأن 13:27

«ولی اورشلیم شهر یوهودیأن، خوشأنٚ قوم پیله‌ کسأنٚ اَمرأ عیسایَ بوکوشتٚده، و اَطویی بو کی پیغمبرأنٚ پیشگویی‌یَ انجأم بٚدأده. اَشأن اَنٚ اَمرأ کی هرتأ شبّأتٚ میأن او پیغمبرأنٚ بینیوشته‌یأنَ خأندیدی و ایشتأوستیدی اونَ قوبیل نوکودد و نفأمٚستٚده کی اون، هونی ایسه کی پیغمبرأن پیشگویی بوکوده بود.

اعمالٚ رسولأن 15:21

چونکی خٚیلی سأل ایسه کی شبّأت روجأن هرتأ شهر، کنیسه‌یأنٚ میأن اَ شریعتٚ موسا شین موعیظه به.»

اعمالٚ رسولأن 15:7

اَ شورأ میأن، خٚیلی بوگو موگو کودنٚ پٚسی، پطرس ویریشته و اَشأنَ بوگفته: «برأرأن، شومأن همٚتأن دأنیدی کی خٚیلی زمأت پیشتر خودا مٚرَه جٚه شیمی میأن اینتخأب بوکوده کی اینجیلٚ پیغأمَ اوشأنی‌یَ فأرسأنم کی‌ یوهودی نوبود کی اَشأن اونَ بشتأوٚد و ایمأن بأوٚرٚد.

اعمالٚ رسولأن 18:17

پس اَشأن بوشؤده، سوستانیسٚ سٚر فووُستٚده کی یوهودٚ کنیسه‌ تأزه رییس بو و تأ خوردی محکمه بیرون اونَ بٚزِده. ولی گالیون، او اوستأنٚ فرمأنروأ هیذره محل ننأ.

اعمالٚ رسولأن 18:8

کْریسْپوس، کنیسه‌ رییس و تومأمٚ اونی خأنوأر خوداوندَ ایمأن بأوٚردٚد. خٚیلیأنم دِه قرنتس میأن کی پولسٚ پیغأمَ بشتأوستده‌ ایمأن بأوٚردٚد و تعمید بیگیفتٚد.

اعمالٚ رسولأن 2:29

«جأنٚ دیلٚ برأرأن، ایپچه فیکر بوکونید! اَ گبأنَ اَمی پیله بأبأ داوود خؤرَه نوگفته چونکی اون بٚمٚرده، بیگیلَ بوسته و اونی قبر هنو هَیه اَمی میأن نٚهأ.

اعمالٚ رسولأن 2:37

پطرسٚ گبأن مردومٚ دیلٚ سٚر اَثر بٚنأ. بأزین، اونَ و البأقی روسولأنَ بوگفتٚده: «برأرأن، اَسه چی وأستی بوکونیم؟»

اعمالٚ رسولأن 2:4

او وخت همٚتأن روح‌القدسٚ جَا پورَ بوستٚد و اوّلی وأر بو کی اوشأن زوأنأنی‌یَ گب بٚزِده کی اوشأنٚ رِه شنأس نوبو، چونکی اَ قودرتَ خودا روح اَشأنَ بٚبخشه بو.

اعمالٚ رسولأن 20:2

خو رأ میأن هرتأ شهرَ کی فأرٚسِیی، مسیحیأنٚ رِه موعیظه کودی. اَطویی بو کی، یونأنَ فأرٚسِه

اعمالٚ رسولأن 22:1

«می پئرأن و جأن دیلٚ برأرأن، وئألید می دفأع وأسی ایپچه گب بٚزٚنم.»

اعمالٚ رسولأن 4:36

مثألٚ رِه، اینفر یوسف نأم کی لاوی طأیفه و قبرسٚ شین بو کی روسولأن اونَ برنابا ینی «مُشوّق» لقب بٚدأ بود.

اعمالٚ رسولأن 7:2

ایستیفان بوگفته: «اَی برأرأن و پئرأن بشتأوید. خودایٚ پورجلال و شوکو، پیشتر جٚه اَنکی اَمی پیله بأبأ ایبرأهیم کوچ بوکونه حرانٚ ور، بین‌النهرینٚ میأن خؤرَه اونَ نیشأن بٚدأ.

رومیأن 12:8

اگه شیمی عطأ تِشویق ایسه، البأقی آدمأنَ تِشویق بوکونید. اگه شیمی عطأ فِقِرأنٚ کومک کودن ایسه، دسٚ‌ دیلوأزی اَمرأ اَطو بوکونید. اگه خودا، مودیر بؤئؤنٚ قودرتَ عطأ بوکوده، اَ مسئولیتٚ جدی بیگیرید. اوشأنی کی پریشأن احوألأنَ دیل‌تسلأیی دٚئنٚ عطأیَ دأرٚده، بٚدأ ریغبٚت و مسیحی خصلتٚ اَمرأ، اَ خیدمتَ انجأم بٚدٚد.

اوّل قرنتیان 14:3

ولی اینفر کی نوبوّت کونه، ینی خودا پیغأمأنَ ایمأندأرأنَ وأگویا کونه، اَ کأرٚ اَمرأ اوشأنَ کومک کونه کی روشد بوکونٚد، تِشویق بٚبٚد و آرأم بیگیرٚد.

دوم قرنتیان 3:14

ولی فقد موسا دیم دٚوٚسته نوبو، بلکی اونی مردومٚ فأمم روبندٚ جیر نٚهأ بو؛ و حتّا ایمرویٚم کی یوهودیأن تورأتٚ کیتأبَ خأنٚده، اینگأر کی اوشأنٚ دیل و فیکرٚ سٚر ایتأ روبند نٚهأ، و هنٚ وأسی نٚتأنٚده تورأتٚ رأس‌رأسِی مأنی‌یَ بفأمٚد. اَ روبند فقد مسیحٚ ایمأن اَوٚردٚنٚ اَمرأ اوسأده بِه.

اوّل تسالونیکیان 2:3

پس فأندرستأندرید کی اینجیلٚ پیغأمَ سأدگی و نیّتٚ پأکٚ اَمرأ شٚمٚره فأرٚسأنِییم نه ایتأ نأجورٚ فیکر و پٚلیدٚ هدفأنٚ اَمرأ.

عبرأنیأن 13:22

اَی برأرأن، خأهیش کونم اونچی‌یَ کی اَ نأمه میأن بینیویشتم، صبر و حوصله اَمرأ فأندرید، چونکی اَن ایتأ کوجه نأمه ایسه.