اعمالٚ رسولأن 12:7 - Gilaki New Testament

⁷ نأخٚوٚرکی زندأنٚ دورونی روشنَ بوسته و خوداوندٚ فٚرٚشته بأمؤ و پطرسٚ ورجأ بٚپأ بئیسأ! بأزون پطرسٚ تکَ بٚزِه و اونَ ویریزأنه و بوگفته: «زوتر ویریز!» هو وخت زینجیلأن اونی دٚسأنٚ جَا وأزَ بوسته و زیمین سٚر فووُسته!

کیتاب مقدّس به گیلکی (رشتی)

⁷ ایدفعه‌یی خوداوندٚ فرشته آشکارَ بوسته و نوری زندانٚ میأن بتأبسته. فرشته پِطرُسٚ پهلویَ بزه و اونَ خوابٚ جأ ویریزأنه، بوگفته: «فوری ویریز!» هو وخت زنجیلأنم اونٚ دسأنٚ جأ بکفتیدی زیمینٚ سر.

کتاب مقدس به زبان گیلکی - گویش شرقی

⁷ یدفاری خداوندِ یکته فرشته ظاهیرَ بو و یکته نور زندؤن میئن فوتؤسه. او فرشته پطرسِ تکِ بزه و اونه بیدارَ گوده، بوته: «زود ویریس!» هو لحظه زنجیرؤن، پطرس دستؤنای بازَ بو و جیر بکته.

کتاب مقدس به زبان گیلکی - گویش رشت و غرب گیلان

⁷ ناخبر ایتا جه خُداوند فیریشته ظاهیرَ بوست و ایتا نور خولتانک درون فتاوست. اُ فیریشته پِطرُس تَکَ بزه و اونَ بیدارَ کود و بگفت: «زو ویریز!» هو دم، زنجیلان پِطرُسِ دسانِ جا وازا بوست و بیجیر بکفت.

اعمالٚ رسولأن 12:7 Iomraidhean Croise

متّی 2:13

مُغانٚ شؤئؤن پٚسی، خودواندٚ فٚرٚشته خاب دورون یوسفٚ رِه ظأهیرَ بوسته و بوگفته: «ویریز و زأک و اونی مأرَ اوسأن، مصرٚ ور فرأر بوکون، و هویه بئیس تأ تٚرَه وأخٚوٚرَ کونم؛ چونکی هیرودیس زأکٚ رِه وأمؤختأندره کی اونَ بوکوشٚه.»

لوقا 2:9

او شب، نأخٚوٚرکی ایتأ فٚرٚشته اوشأنی میأن ظأهیرَ بوسته و خوداوندٚ جلالٚ روشنأیی اوشأنی دؤرٚور دٚتأوٚسته و همٚتأن بترسئید.

لوقا 24:4

اَشأن مأت و قأقَ بوسته بئیسأده، فیکر کودأندوبود کی جنأزه سٚر چی بلأ بأمؤ. نأخٚوٚرکی دوتأ مٚردأی کی اوشأنٚ لیوأسأن جَا نور دتأوستی و چوم دکٚف بو اوشأنی ورجأ ظأهیرَ بوستٚد.

اعمالٚ رسولأن 10:30

کُرنیلیوس جوأب بٚدأ: «چأر روج پیشتر، هه وخت دورون ینی سأعتٚ سه ظهرٚ پٚسی، همیشٚکٚ عأدتٚ مأنستَن خأنه میأن دوعأ کودأندوبوم کی نأخٚوٚرکی اینفرَ بیدِم کی ایتأ رخت دوکوده دأشتی کی سوسو زِئی و می جولو بٚپأ ایسأ!

اعمالٚ رسولأن 12:23

هو وخت خوداوندٚ فٚرٚشته هیرودیسَ اوطویی بٚزِه کی تومأمٚ اونٚ جأن کلمٚ جَا پورَ بوسته و بٚمٚرده، چون عوض اَنکی خودای پرستٚش بوکونه، وئأشته کی مردوم اونَ پرستٚش بوکوند.

اعمالٚ رسولأن 12:6

ای شب پیشتر جٚه او روج کی قرأر بو هیرودیس پطرسَ موحأکمه بوکونه، اونَ دونه زینجیلٚ اَمرأ دٚوٚسته بود و دوتأ سروأزٚ میأنی خوفته بو. البأقی سروأزأنٚم او زندأنٚ در ورجأ نیگهبأنی دٚئندوبود.

اعمالٚ رسولأن 12:8

فٚرٚشته اونَ بوگفته: «تی رختأن و پأاَفزأرٚ دوکون.» پطرسٚم دوکوده. او وخت فٚرٚشته اونَ بوگفته: «تی ردأیَ تی کؤلٚ رو تأوٚد و می دونبألسر بیأ!»

اعمالٚ رسولأن 16:26

نأخٚوٚرکی ایتأ زلزله بأمؤ! اونی شیدّت اَندر بو کی زندأنٚ سوتونأن بلرزسته و همٚتأ دٚرأن وأزَ بوستٚد و زینجیلأن زندأنیأنٚ دٚس و پأ جَا وأزَ بوستٚد!

اعمالٚ رسولأن 2:24

ولی خودا اونَ ایوأردِه زٚنده کوده و مٚردنٚ قودرتٚ جَا آزأدَ کوده، چونکی مٚردن نتأنستی اَطوچی آدمَ خو پٚنجه میأن اسیر بٚدأره.

اعمالٚ رسولأن 5:19

ولی هو شب خوداوندٚ فٚرٚشته بأمؤ، زندأنٚ درأنَ وأکوده و اوشأنَ بیرون بأوٚرده و اَشأنَ بوگفته:

اعمالٚ رسولأن 9:3

پس رأ دکفته بوشؤ دمشق، ولی رأ میأنی، شهرٚ فأنرٚسه، نأخٚوٚرکی ایتأ چوم دکفه نور آسمأنٚ جَا سولُسٚ دؤر دٚتأوٚسته،

افسسیان 5:14

و هرچی کی نور اونَ دتأوٚه، خودشم نورٚ مأنستَن بِه. جٚه اَ خأطر ایسه کی بوگفته بوبوسته: «ای تویی کی خوفته‌یی، خأبٚ جَا ویریز و مورده‌یأنٚ جَا رأستَ بو و مسیح نور تٚرَه دتأوِه.»

عبرأنیأن 1:14

چون فٚرٚشته‌یأن، روحأنی ایسٚد کی فقد خیدمت کونٚده، و یاور دٚئن و پأستٚن رِه اوشأنی‌ جَا اوسه بٚده کی نیجأتَ ارث بٚرٚده.

موکأشفه 18:1

اَ رویأیأنٚ پٚسی، ایتأ دِه فٚرٚشته‌یَ بیدِم کی تومأمٚ ایختیأرٚ اَمرأ آسمأنٚ جَا بأمؤ بیجیر. اَ فٚرٚشته چنأن شبق زِئی کی تومأمٚ زیمینَ روشنَ کوده.