اعمالٚ رسولأن 12:4 - Gilaki New Testament

⁴ و اونَ زندأنٚ میأن تأوٚدأ و فرمأن بٚدأ شونزده‌تأ سروأز، زندأن میأنی اونی جَا نیگهبأنی بوکوند. هیرودیس بینأ دأشتی عَید پِسَح پٚسی، پطرسَ بیرون بأوٚره کی مردوم ورجأ موحأکمه بٚبه.

کیتاب مقدّس به گیلکی (رشتی)

⁴ هیرودیس بعدٚ پِطرُسٚ گیفتن، اونَ تأودَه زندانٚ دورون و چار دسته‌یٚ چار نفری نگهبان بنَه تا اونَ بپایید و تصمیم دأشتی کی بعدٚ عیدٚ فصح، تومامی‌یٚ مردومٚ ورجأ اونَ محاکمه بوکونه.

کتاب مقدس به زبان گیلکی - گویش شرقی

⁴ هیرودیس، بعد پطرسِ دستیگرَ گودن، اونه زندؤن تؤوده و چهارته دسته‌ء چار نفری سرباز اونه نگهبؤنی بِه بَنه. او خوأس که بعدِ عید پِسَخ، پطرسَ مردوم جلو محاكمه بکونی.

کتاب مقدس به زبان گیلکی - گویش رشت و غرب گیلان

⁴ هیرودیس بعد اَنکی پِطرُسَ گرفتارَ کود، اونَ خولتانک درون تَوَده و چار تا دسته یِ چار نفری سرباز اونِ پاستن ره بنه. اون خواستی بعد عید پسَخ، پِطرُسَ مردومِ جُلُو محاکمه بُکونه.

اعمالٚ رسولأن 12:4 Iomraidhean Croise

متّی 24:9

«بأزین شٚمٚره تسلیم کونٚده کی شکنجه بیبید، و شٚمٚره کوشٚده. تومأمٚ دونیأ آدمأن می نأمٚ وأسی شیمی جَا نیفرت گیرده.

متّی 26:5

ولی تصمیم بیگیفتٚد اَ کأرَ عَیدٚ موقع نوکونٚد کی آشوب بٚرأ دنکفه.

مَرقُس 14:1

دو روج بمأنسته بو کی عَیدٚ پِسَح فأرٚسِه. اَ عَیدٚ روجأن دورون، یوهودیأن فقد فطیرٚ نأن خوردیدی. پیله کأهینأن و دینٚ عألیمأن ایتأ فورصتٚ دونبأل گردستید کی نأخٚوٚرکی عیسایَ بیگیرٚد و بوکوشٚد.

لوقا 21:12

«امّا پیشتر جٚه اَ مأجیرأیأن، اَذِت و آزأر و شکنجه‌یأن ایتفأق دکفه. شٚمٚره می نأمٚ وأسی کنیسه‌یأن و زندأنَ ایسپأرده و پأدیشأیأن و فرمأنده‌یأن ورجأ بٚرٚده.

لوقا 22:33

شمعون بوگفته: «خوداوندا، من حأضیرٚم تی اَمرأ زندأن دٚکٚفٚم، حتّا تی اَمرأ بیمیرٚم!»

یوحنا 19:23

وختی سروأزأن، عیسایَ صلیبٚ سٚر ببردٚد، اونی رختأنَ خوشأنی میأن سأم بوکودٚد، وختی اونی ردأیَ فأرٚسِده، بیدِده کی ایتأ ببأفته پأرچه‌ ایسه کی درز نأرِه.

یوحنا 21:18

حِئقت اَنٚ کی وختی جوأن بی هر چی خأستی تأنستی بوکونی و هر جأیی کی خأستی تأنستی بیشی، ولی وختی پیرَ بی، البأقیأن تی دٚسَ گیرده و اَرَ اورو فأکٚشِئده، و تٚرَه جأیی بٚرٚده کی نخأیی بیشی.»

اعمالٚ رسولأن 12:3

وختی هیرودیس بیدِه کی اونی اَ کأرٚ جَا یوهود پیله‌ کسأنٚ خوش بأمؤ، یوهود عَید پِسَح روجأنٚ میأن پطرسٚم بیگیفته،

اعمالٚ رسولأن 12:5

ولی تومأمٚ اَ زمأتٚ میأنی کی پطرس زندأن میأن ایسأبو، کیلیسا خٚیلی حقٚ سعی اَمرأ اونی وأسی دوعأ کودیدی.

اعمالٚ رسولأن 4:28

کی ایتأ کأرَ انجأم بٚدٚد کی تی قودرت و ایرأده جٚه پیشتر اونَ موشخص بوکوده بو.

اعمالٚ رسولأن 4:3

پس اوشأنَ بیگیفتٚده و چونکی غروب دٚم بو تأ فردأیی زندأنی بوکودٚد.

اعمالٚ رسولأن 5:18

و روسولأنَ بیگیفتٚده و زندأنٚ میأن تأوٚدأده.

اعمالٚ رسولأن 8:3

ولی سولُس همه جیگأ شؤئی و اوشأنی کی مسیحَ ایمأن دأشتٚد شکنجه دٚئی. اون اَ خأنه او خأنه گردستی و مردأکأن و زنأکأنَ زور اَمرأ بیرون اَوٚردی و زندأنٚ میأن تأوٚدأیی.