اعمالٚ رسولأن 12:25 - Gilaki New Testament

²⁵ برنابا و سولسٚم بوشؤده اورشلیم و مسیحیأنٚ پیشکشأنَ کیلیسایَ فأدأده و اونٚ پٚسی وأگردٚستٚده انطأکیه شهرٚ میأن. اَ سٚفرٚ میأن یوحنایٚم کی مرقس لقب دأشتی‌یَ خوشأنی اَمرأ ببردٚد.

کیتاب مقدّس به گیلکی (رشتی)

²⁵ چون برنابا و شائول خوشأنٚ خدمتَ اورشلیمٚ میأنی به انجام فأرسأنیدی، جٚه اورشلیم به اَنطاکیه وأگردستیدی و یوحنایم کی «مَرقُس» نام دأشتی خوشأنٚ اَمرأ بأوردیدی.

کتاب مقدس به زبان گیلکی - گویش شرقی

²⁵ بَرنابا و شائول خوشؤنِ مأموریتِ تمنَه گودَن، اورشلیمای وگرسَن و یوحنایی که معروف به مَرْقُس بو خوشؤنِ أمره بأردَن.

کتاب مقدس به زبان گیلکی - گویش رشت و غرب گیلان

²⁵ بَرنابا و شائول خوشان مأموریتَ به آخر فارسانه ئید و اورشلیم جا واگردستید و یوحنای شناس به مرقسَم خوشان اَمرا باوردید.

اعمالٚ رسولأن 12:25 Iomraidhean Croise

اعمالٚ رسولأن 12:12

او وخت، ایپچه بئیسأ، بوشؤ مریم خأنه یوحنا مأر کی مرقس لقب دأشتی. اویَه خٚیلیأن دوعأ کودنٚ وأسی جمَ بوسته‌ بود.

اعمالٚ رسولأن 15:35

پولس و برنابا انطأکیه میأن بئیسأده کی البأقیأنٚ اَمرأ، خودا پیغأمَ بشأرت بٚدٚد و اوشأنَ بأموجد.

اعمالٚ رسولأن 15:37

برنابا قوبیل بوکوده و بٚخأسته یوحنا کی مرقس لقب دأشتی‌یٚم خوشأنی اَمرأ ببرد.

اعمالٚ رسولأن 4:36

مثألٚ رِه، اینفر یوسف نأم کی لاوی طأیفه و قبرسٚ شین بو کی روسولأن اونَ برنابا ینی «مُشوّق» لقب بٚدأ بود.

کولسیان 4:10

اَرِستَرخوس کی می اَمرأ زندأنٚ دورون ایسأ و مرقس، برنابا عمو پٚسر، شٚمٚره سلأم دأرٚده. هوطویی کی پیشتر هم سفأرش بوکودم هر زمأت کی مرقس شیمی ورجأ بأمؤ، اونی جَا خُب پذیرأیی بوکونید.

دوم تیموتائوس 4:11

فقد لوقا می اَمرأیه. هر وخت اَمؤندری، مرقُسم تی اَمرأ بأوٚر، چونکی اونی اَمرأ کأر دأرم.

فیلیمون 1:24

می همکأرأن، مرقس، اَرِستَرخوس، دیماس و لوقایٚم سلأم رٚسأنده.

۱پطرس 5:13

شیمی خأخور کی شیمی مأنستَن خودا اینتخأب بوبوسته و بابِلٚ دورونی ایسأ و می پٚسر مرقس شٚمٚره سلأم رٚسأنده.