اعمالٚ رسولأن 12:18 - Gilaki New Testament

¹⁸ صُب زندأن میأن بلوأ دکفته. همٚتأن پطرسٚ رِه وأمؤختیدی.

کیتاب مقدّس به گیلکی (رشتی)

¹⁸ فردا صُبٚ‌ره، نگهبانأنٚ دیلٚ زاله ترکستن دوبو، چونکی نأنستیدی پِطرُسٚ سر چی بمو.

کتاب مقدس به زبان گیلکی - گویش شرقی

¹⁸ وختی صوباین بومَه، سربازؤن میئن بلوا بوبؤ، چون نودونسَن پطروسِ سر چی بومَه.

کتاب مقدس به زبان گیلکی - گویش رشت و غرب گیلان

¹⁸ وختی صُوب بُبوست، سربازان میان غوغا بُبوست، چونکی نانستیدی چی پِطرُسِ سر بامو دَره.

اعمالٚ رسولأن 12:18 Iomraidhean Croise

اعمالٚ رسولأن 12:17

پطرس ایشأره بوکوده کی آرأم بٚبٚد و نقل بوکوده کی چی بوبوسته و خوداوند چوطو اونَ زندأنٚ جَا بیرون بأوٚرده. پیشتر جٚه شؤئؤنٚم اَشأنٚ جَا بٚخأسته کی یعقوب و البأقی برأرأنَ وأخبدأرَ کونٚد. اونٚ پٚسی بوشؤ ایتأ جیگأ کی اَمنتر بٚبه.

اعمالٚ رسولأن 12:19

وختی هیرودیس اونَ دونبأل اوسه کوده و وأخبٚ بوسته کی زندأنٚ میأن نئیسأ، هر شونزده‌تأ نیگهبأنٚ تأوٚدأ زندأن، و اوشأنٚ اعدام کودنٚ رِه حوکم فأدأ. او وخت یوهودیه‌یَ بٚنأ و بوشؤ قیصریه و ایپچه زمأت اویَه بئیسأ.

اعمالٚ رسولأن 16:27

زندأنبأن خأبٚ جَا بپرسته و بیدِه تومأمٚ زندأنٚ درأن وأز ایسه و فیکر بوکوده کی زندأنیأن بوگروختٚده؛ پس خو شٚمشیرَ فأکشه کی خؤرَه بوکوشٚه.

اعمالٚ رسولأن 19:23

ولی هه زمأتٚ میأن بوستی کی، افسُسٚ میأن ایتأ شورش مسیحیأنٚ ضد سٚر بیگیفته بوبوسته.