سوم یوحنا 1:3 - Gilaki New Testament

³ وختی اَمی مسیحی برأرأن اَیَه بأمؤده، مٚرَه خٚیلی خوشألَ کودٚد چونکی مٚرَه خٚوٚر بٚدأد کی او ایلاهی حِئقتأنٚ وفأدأری و اینجیلٚ حوکمأنٚ دوروستی موطأبٚق رفتأر کونی.

کتاب مقدس به زبان گیلکی - گویش شرقی

³ چون خیلی ذوق بودم، هو وقت که برارون بومان و گواهی بدن که تو حقیقت میئن زندگی کوئنی، راست راستِ که حقیقت میئن زندگی کوئنی.

کتاب مقدس به زبان گیلکی - گویش رشت و غرب گیلان

³ چون خَيلی ذوق بُکودم، اُ موقع کی براران باموئید و گُوائی بدَئید کی ’حئیقت‘ درون زیندگی کونی و راس راسی ئَم کی حئیقت درون زیندگی کودن دری.

سوم یوحنا 1:3 Iomraidhean Croise

اعمالٚ رسولأن 1:15

ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:

اوّل قرنتیان 13:6

هیوخت جٚه بی‌‌اینصأفی و بی‌عیدألتی خوشألَ نیبه، بلکی جٚه حِئقتٚ بٚرنده بوستن خوشألَ به.

غلاطیأن 6:10

پس جٚه هر فورصٚتی کی بٚدٚس اَیِه، ایستفأده بوکونیم کی همٚتأنَ خُبی بوکونیم، بوخصوص اوشأنی‌یَ کی ایمأندأرأنٚ خأنوأرٚ جَا ایسٚد.

فیلیپیان 1:4

هر وأر کی شِمِره دوعأ کونم، می دیل جٚه شأدی پورَ بِه،

دوم یوحنا 1:2

اَ محبت او دوروستی وأسی ایسه کی اَمی دورون نٚهأ و تأ اَبد اَمی میأن مأنِه.

دوم یوحنا 1:4

چندر خوشألم فأندرستٚم بعضی جٚه تی زأکأن اَیَه ایسأده کی حِئقتٚ جَا ایطأعت کونٚده و اَمی پئر خودا حوکمأنَ حیفظ کونٚد.

سوم یوحنا 1:10

وختی بأمؤم، اونی زشتٚ کردکأرأن تِرِه تعریف کونم تأ بدأنی چی بوهتأنأن و چی زشتٚ گبأنی اَمٚرَه بچسبأنه. اون هم کیلیسا خیدمتکأرأنٚ کی سٚفرٚ دورون ایسأده پذیرأیی نوکونه و هم دیگرأنٚ دستور دِهه کی اوشأنٚ خوشأنی خأنه رأ ندٚد هرکٚسیٚم کی اونی گبأنٚ جَا ایطأعت نوکونٚه کیلیسا جَا بیرون تأوٚدِه.

سوم یوحنا 1:2

می جأنٚ دیلٚ برأر، خودا جَا خأیم کی تومأمٚ تی کأرأنٚ میأن موفق بیبی و تی بٚدٚن، تی روح مأنستَن سأق و سألیم بٚبه.

سوم یوحنا 1:4

مِرِه هیچی ویشتر جٚه اَن خوشألَ نوکونه کی بشتأوم کی می زأکأن اَطویی حِئقتأنٚ جَا ایطأعت کونٚده.

سوم یوحنا 1:5

می جأنٚ دیل برأر، تو خودا خیدمت کودنٚ وأسی وفأدأری چونکی اونی خأدیمأنٚ جَا کی جٚه اویَه دٚوأرٚده پذیرأیی کونی، هرچن کی تی آشینأیأنٚ جَا نییٚد.