دوم تیموتائوس 4:12 - Gilaki New Testament

¹² تیخیکوس دِه اَیَه نئیسأ چونکی اونَ اوسه کودم بشه افسس.

کتاب مقدس به زبان گیلکی - گویش شرقی

¹² تیخیکوسه أفسس شهر سرأدأم.

کتاب مقدس به زبان گیلکی - گویش رشت و غرب گیلان

¹² تیخیکوسَ اَفِسُس شار اوسه کودم.

دوم تیموتائوس 4:12 Iomraidhean Croise

اعمالٚ رسولأن 18:19

وختی افسُسٚ بندرَ فأرٚسِه، پریسکیلا و آکیلایَ کشتی دورونی بدأشته و بوگو بشتأوٚ وأسی بوشؤ یوهودٚ کنیسه‌ میأن.

اعمالٚ رسولأن 18:21

اون بوگفته: «هرجوری بٚبه وأستی عَید روجٚ رِه اورشلیمٚ میأن بئیسٚم.» ولی قول بٚدأ کی اگه خودا بٚخأیٚه بأزون وأگرده افسُس. او وخت ایوأردِه کشتی میأن بینیشته و جٚه اویَه بوشؤ.

اعمالٚ رسولأن 19:1

هو زمأتٚ میأن کی اَپلس قرنتسٚ شهرٚ دورون ایسأبو، پولسٚم او سأمأنٚ شهرأنٚ دورون سٚفر کودی، تأ اَنکی فأرٚسِه افسُسٚ شهرٚ میأن و اویَه چنتأ ایمأندارٚ اَمرأ مولأقأت بوکود.

اعمالٚ رسولأن 20:25

«دأنٚم کی اَنٚ پٚسی، هیتأ جٚه شومأن کی خودا پیغأمَ چن وأر شِمِره وأگویا بوکودم، دِه مٚرَه نیدینیدی.

اعمالٚ رسولأن 20:4

چن نفرم تأ آسیا اونی اَمرأ بوشؤده کی اوشأنی نأم سوپاترس کی بیریه شین بو، اَرِستَرخوس و سکندس کی تسالونیکی شین بود، گایوس کی دِربه شین بو، تیموتائوس، تیخیکوس و تروفیموس کی همٚتأن آسیا میأن خوشأنی شهرأنَ وأگردستأندوبود.

افسسیان 6:21

اَمی جأنٚ دیلٚ برأر و خوداوند بأوفأ خیدمتکأر، تیخیکوس جٚه می احوأل و اونچی کی کونم، شٚمٚره وأخبدأرَ کونه.

افسسیان 6:22

اونَ فقد جٚه اَ خأطر اوسه کونم شیمی ورجأ تأ جٚه چند و چوندٚ اَمی احوأل وأخبدأر بیبید و اونی گبأنٚ ایشتأوٚستٚنٚ اَمرأ دیلگرم و تِشویق بیبید.

کولسیان 4:7

اَمی جأنٚ برأر تیخیکوس، شٚمٚره می وضعٚ جَا وأخٚوٚرٚ کونه؛ اون مسیحٚ رِه ایتأ بأوفأ غولأم و می همخیدمت ایسه.

اوّل تیموتائوس 1:3

هوطو کی هو وخت کی مقدونیه شؤئؤندوبوم تی جَا بخأستٚم، بأزم تی جَا خأیم افسس میأن بئیسی و بعضیأنَ دستور بدی کی ایشتیوأ رأ روشٚ یأد ندٚد

تیتوس 3:12

خأیم آرتیماس یا تیخیکوسَ تی ورجأ اوسه کونم. هر زمأت ایتأ جٚه اَ دو نفر فأرٚسِه اویَه هر چی زوتر بیأ نیکوپولیس می ورجأ چون تصمیم دأرم زمستأنٚ رِه اویَه بئیسٚم.