دوم تیموتائوس 4:10 - Gilaki New Testament

¹⁰ چونکی دیماس مٚرَه ترکَ کوده؛ اون اَ دونیأ کأرأنٚ علأقه دأشتٚن و دیل دٚوٚستٚنٚ وأسی بوشؤ تسالونیکی. هطویم کریسکیس بوشؤ غلاطیه و تیتوس بوشؤ دلماتیه.

کتاب مقدس به زبان گیلکی - گویش شرقی

¹⁰ چونکی دیماس، ای دونیا دوست دأشتن وأسی، مأ دست ویته و تسالونیکی شهر بوشؤ. کریسکیس بوشؤ غلاطیه منطقه و تیتوس نی دلماتیه منطقه بوشؤ دأنه.

کتاب مقدس به زبان گیلکی - گویش رشت و غرب گیلان

¹⁰ چونکی دیماس اَ دُنیا دوست داشتنِ واسی، مَره ولا کود و تسالونیکی شار بُشو. کْریسکیس، غَلاطیه منطقه بُشو و تیتوس ئم دلماتیه منطقه بُشو دَره.

دوم تیموتائوس 4:10 Iomraidhean Croise

متّی 12:32

هرتأ گب کی اینسأنٚ پٚسرٚ ضد بوگفته بٚبه، بٚبخشه بِه، ولی هر کی روح‌القدسٚ ضد گب بٚزٚنه، هیوخت بٚبخشه نیبه، نه اَ دونیأ و نه او دونیأ دورون.

متّی 26:56

اَطویی، وأستی بوبوستی بی، چون تومأمٚ اَ ایتفأقأنَ، پیغمبرأن، موقدسٚ کیتأبأنٚ دورون پیشگویی بوکوده بود.» اَ گیر وأگیرٚ میأن، تومأمٚ شأگردأن، اونَ تنأ بٚنأد و بوگروختٚد.

لوقا 14:33

هطویی‌یٚم، اونی کی خأیه می شأگرد بٚبه، اوّل وأستی بینیشینه و حیسأب کیتأب بوکونه کی آیا تأنه می وأسی خو چومَ جٚه خو مأل و مینأل دٚوٚده یا نه.

لوقا 16:13

هیتأ خیدمتکأر نتأنه دوتأ اربأبَ خیدمت بوکونه، چونکی یا اینفرٚ جَا نیفرت اوسأنه و اویتأیَ دوس دأره و یا اینفرَ سٚرسپرده ایسه و جٚه اویتأ بیزأر به. هطویم نشأ هم خودا سٚرسپرده بوستن هم پولَ.»

لوقا 17:32

خأطر بأوٚرید کی لوطٚ زنٚ سٚر چی بأمؤ!

اعمالٚ رسولأن 13:13

پولس و اونی اَمرأ آدمأن پافُسَ بٚنأده و کشتی اَمرأ بوشؤده پامفیلیا اوستأنٚ میأن و پِرجه بندرٚ میأن بیجیر بأمؤده. اویَه یوحنا کی مرقس لقب دأشتی اَشأنٚ جَا سیوأ بوبوسته و وأگردسته اورشلیم.

اعمالٚ رسولأن 15:38

ولی پولس صلاح نیدِیی کی خوشأنی اَمرأ اونی‌یَ ببرد کی پامفیلیا میأن اوشأنَ وِلَ کوده و اَشأنٚ اَمرأ همکأری نوکوده بو.

اعمالٚ رسولأن 16:6

وختی فریجیه و غلاطیه اوستأنٚ شهرأنٚ جَا دٚوأرٚستٚده، روح‌القدس ولأشته کی اَیدٚفأ رِه بٚشٚد آسیا.

اعمالٚ رسولأن 17:1

اَشأن آمفیپولیس و آپولونیا شهرأنٚ جَا دٚوأرٚستٚده و فأرٚسِده تسالونیکی میأن. او شهرٚ میأن یوهودیأن ایتأ کنیسه‌ دأشتیدی.

اعمالٚ رسولأن 17:11

ولی بیریه مردوم جٚه تسالونیکی مردوم نجیبت‌تر بود و شوق و ذوق اَمرأ اوشأنٚ پیغأمَ ایشتأوستیدی و هر روج موقدس کیتأبأنَ دیقت اَمرأ خأندیدی کی بیدینٚد پولس و سیلاسٚ گبأن خودا گبأنٚ مأنستَن ایسه یا نه.

اعمالٚ رسولأن 17:13

ولی وختی تسالونیکی یوهودیأن وأخبدأرَ بوستد کی پولس بیریه دورون موعیظه کونه، اویه‌یٚم بوشؤده و شورش بوکودٚد.

اعمالٚ رسولأن 18:23

چن وخت کی بوبوسته جٚه اویَه بوشؤ غلاطیه و فریجیه و اویَه مسیحیأنَ بیدِه و اَشأنَ، ایمأنٚ میأن قوّت بٚدأ.

دوم قرنتیان 2:13

ولی اویَه اَمی برأر تیتوسَ نیأفتٚم و اونی وأسی خٚیلی دیلوأپس بوبوستم. پس، اویَه آدمأنٚ اَمرأ خوداحافظی بوکودم و بوشؤم مقدونیه کی بلکی تیتوسَ اویَه بیأفٚم.

دوم قرنتیان 7:6

ولی خودا کی غورصه خورأنَ دیل‌تسلأیی ایسه، اَمٚرَه تیتوسَ اَمؤنٚ اَمرأ آرأمٚش بٚدأ و اَمی دیلَ قوّت بٚبخشه.

دوم قرنتیان 8:16

خودایَ شوکر کی اون تیتوسٚ دیلٚ دورون هو دوس دأشتٚنَ بوجود بأوٚرده کی اَمأن شٚمٚره دأریم.

دوم قرنتیان 8:23

ولی اگه اینفر وأوٚرسِه کی تیتوس کیسه، بیگید کی اون می همکأر ایسه و شیمی کومکٚ رِه بأمؤ. دروأره‌یٚ او دوتأ برأرم تأنید بیگید کی اَ سأمأنٚ کیلیسایأن نمأینده‌یأن ایسٚد و همیشٚک مسیح نأمٚ رِه گولأز کودنٚ بأعیث بود.

دوم قرنتیان 8:6

هنٚ وأسی جٚه تیتوس خأهیش بوکودیم کی ایوأردِه شیمی دِئنٚ رِه بأیٚه کی شٚمٚره تِشویق بوکونه کی شومأنم ایتأ سأم اَ خورومٚ خیدمتٚ دورون قوبیل بوکونید، چونکی اون پیشتر اَ کأرَ شیمی میأن بٚسٚرَ گیفته بو.

غلاطیأن 1:2

تومأمٚ اَیَه برأرأن و خأخورأن اَ نأمه نیویشتن غلاطیه کیلیسا رِه می اَمرأ سأم دأرٚده.

فیلیپیان 2:21

عَینٚ خیالٚه هر کی خو کأرأنَ فیکر کونه، و عیسایٚ مسیحَ خیدمت کودنٚ فیکر نییٚه.

اوّل تیموتائوس 6:10

چون مأل و مینألٚ دوس دأشتٚن، همه جور شرورٚ کأرأنٚ ریشه‌ ایسه. بعضیأن کی مأل و مینألٚ آروزو دأشتید، ایمأنٚ جَا رو وأگردأنِده، خوشأنٚ جوروأجور دردأنٚ گریفتأرَ کودٚد.

اوّل تیموتائوس 6:17

اوشأنی کی اَ دونیأ دورون مأل و مینأل دأرٚده بوگو کی گولأز نوکونٚد و اونَ اومید دٚنٚودد چون دِئر یا زود جٚه بین شِه، بلکی اوشأنٚ اومید خودایَ بٚبه کی هرچی خأییم خو سخأوتٚ اَمرأ، اَمٚرَه فرأهم کونِه تأ اوشأنٚ جَا لیذّت ببریم.

دوم تیموتائوس 1:15

هوطو کی دأنی، تومأمٚ مسیحیأن کی آسیا ایالتأنٚ جَا اَیَه بأمؤبید، مٚرَه وِلَ کودٚد و بوشؤده، حتّا فیجلوس و هرموجنسم مٚرَه ترکَ کودٚد.

دوم تیموتائوس 4:16

اوّلی محکمه جلسه میأن، هیکس می کومکٚ وأسی، جلسه میأن حأضیرٚ نوبوسته؛ همٚتأن مٚرَه ترکَ کودٚد. اومید دأرم کی خودا اَ ایشتیوأیَ اَشأنٚ رِه بٚحیسأب نأوٚره.

تیتوس 1:4

اَ نأمه‌یَ تیتوسٚ رِه می رأس‌رأسِی زأی اَمی هم ایمأنی دورون نیویسٚم: اَمی پئر خودا و اونی کی اَمٚرَه نیجأت بٚدأ، مسیح عیسا جَا تِرِه فیض و آرأمٚش خأیم.

فیلیمون 1:24

می همکأرأن، مرقس، اَرِستَرخوس، دیماس و لوقایٚم سلأم رٚسأنده.

دوم پطرس 2:15

رأست رأ جَا دورٚ بوستٚد، «بلعام»، «بعورٚ» پٚسر مأنستَن گومرأ بوبوستٚد. بلعام او پولی کی نأدوروستٚ کأرأنٚ جَا بٚدٚس اَوٚردی دوس دأشتی؛