دوم تیموتائوس 2:3 - Gilaki New Testament

³ عیسا مسیحٚ ایتأ خوروم سروأزٚ مأنستَن، زحمأتٚ میأنی تی سأمَ فأدٚن.

کتاب مقدس به زبان گیلکی - گویش شرقی

³ هیطؤ مسيح عیسی خؤرم سرباز مورسؤن، عذابؤن مئن تاب بأر.

کتاب مقدس به زبان گیلکی - گویش رشت و غرب گیلان

³ هَطو مسیحْ عیسی خُبِ سربازه مانستن، عذاب ئانِ درون شریک بُبو.

دوم تیموتائوس 2:3 Iomraidhean Croise

اعمالٚ رسولأن 23:31

پس هو شب سروأزأن خوشأنی فرمأنده فرمأنٚ اَمرأ، پولسَ آنتی پاتریسٚ شهر فأرٚسأنِده.

اوّل قرنتیان 13:7

محبت اَمٚرَه قوّت فأدِه کی همٚتأ سختیأنَ تحمول بوکونیم، اَمی ایمأنَ هر جور کی بٚبه بٚدأریم، اَمی ایعتمأدَ خودا رِه بٚدأریم، و هرچی ایتفأق دکفه، صبور بیبیم.

اوّل قرنتیان 9:7

کویتأ سروأز ایسه کی وختٚ سروأزی خیدمت، خو خرجَ بیرون بأوٚره؟ یا کویتأ بأغبأن ایسه کی ایتأ دأرَ بکأره ولی اونَ ولأنٚد کی جٚه اونٚ مأصول بوخوره؟ یا کویتأ چوپأن ایسه کی ایتأ گلّه‌یَ بٚپأیه ولی حق ندأشته‌ بی کی جٚه اونٚ شیر وأخوره؟

دوم قرنتیان 1:6

حتّا وختی سختیأنٚ بأرٚ جیر اَمی کمر فوچومه، اَنٚم شیمی نیجأت و دیل تسلأیی شین ایسه. چونکی وختی اَمأن خودمأنم دیل تسلأیی یأفیمی و دیلگرم بیمی، حتم شٚمٚره‌یٚم دیلگرمَ کونیمی. او وخت تأنیدی صبرٚ اَمرأ هو رنجأنَ تحمول بوکونید کی اَمأن تحمول بوکودیم.

اوّل تیموتائوس 1:18

هسأ می پٚسر، تیموتائوس، هو نوبوّت پیغأمأنٚ وأسی کی ویشتر اونٚ جَا تٚرَه وأخٚوٚرٚ کودم، تٚرَه سفأرش کونم کی اوشأنَ بٚخأطر اَوٚردٚنٚ اَمرأ، خوداوندٚ خورومٚ جنگ میأن خُب بٚجنگی.

دوم تیموتائوس 1:1

اَ نأمه جٚه پولسٚ ور ایسه کی خودا ایرأده اَمرأ، عیسایٚ مسیحٚ روسول و پیغأم‌رسأن ایسه. من مأمور بوبوستم کی خودا اَ وعده‌یَ همه جیگأ پٚخشَ کونم کی هرکی مسیحَ ایمأن بأوٚرده، اَبدی زٚندیگی بٚدأره.

دوم تیموتائوس 1:8

هیوخت شهأدت دٚئنٚ جَا اَیتأ اویتأ رِه دروأره‌یٚ خودا، عأیب نوأدأشتن. هوطویم می جَا کی اونی وأسی زندأن دکفتم عأیب نوأدأشتن، بلکی او قودرتَ کی خودا تٚرَه بخشه توٚکولٚ اَمرأ، تونم آمأده بئیس کی می اَمرأ اینجیلٚ وأسی اَذِت آزأر بیبی.

دوم تیموتائوس 2:10

ولی من حأضیرٚم ویشتر جٚه اَن خودا اینتخأب بوبوسته‌یأنٚ رأ میأن زحمت بیدینٚم کی اوشأنم نیجأت و اَبدی جلالَ جٚه عیسایٚ مسیح بیأفٚد.

دوم تیموتائوس 2:9

اَ کأرٚ وأسی، زحمتٚ میأنی دکفتم و ایتأ گونأکأرٚ مأنستَن زندأنٚ میأن ایسأم. هوطو کی مٚرَه زینجیلٚ اَمرأ دٚوٚستٚده، امّا نٚتأنٚده خودا کلامٚ زینجیلٚ اَمرأ دٚوٚدد.

دوم تیموتائوس 3:11

و شأهیدی کی چی زحمتأن و عذأبأنی اینجیلٚ پیغأمٚ وأگویا کودنٚ رِه بٚکٚشئم؛ تٚرَه کی یأده انطأکیه، قونیه و لِستره میأن چی سختیأن و رنجأنی بیدِم. امّا خوداوند مٚرَه جٚه همه اَشأن نیجأت بٚدأ.

دوم تیموتائوس 4:5

ولی تو تومأمٚ شرأیطٚ دورون قأیم بئیس و جٚه خودا رأ زحمت کشئن نوأترسئن. مردومٚ مسیح ور هیدأیت بوکون و تی وظأیفَ کأمیل انجأم بٚدٚن.

فیلیمون 1:2

هطویم اَمی خأخور اَپفیه و اَمی همسنگران، اَرخیپوس و او کیلیسا رِه کی تی خأنه دورون چأکوده بِه.

عبرأنیأن 10:32

هی‌ زمأت او روجأنَ جٚه خأطرَ ندید کی مسیحٚ نور شیمی دیلَ تأزه روشنَ کوده بو؛ چونکی او زمأت اگه‌چی شیمی سٚر خٚیلی رنج و زحمت بأمؤ بو، ولی شومأن همه‌یَ تحمول بوکودید و خوداوندٚ رِه وفأ بوکودید.

عبرأنیأن 11:27

خودایَ ایمأن دأشتنٚ وأسی بو کی اون، بودونٚ اَنکی پأدیشأ برزخَ بوستنٚ جَا زهله بوکونه، مصرَ بٚنأ بوشؤ و قأیم پیش دکفته، اینفرٚ مأنستَن کی نیدِبو خودایَ خو چومأنٚ جولو دأره.

عبرأنیأن 6:15

ایبرأهیمم صبرٚ اَمرأ رأفأ بئیسأ کی آخرپٚسی خودا هوطویی کی وعده بدأبو اونَ ایتأ پٚسر فأدأ، کی هو ایسحأق بٚبه.

یعقوب 1:12

خوشبحألٚ اونی کی زٚندیگی سختٚ ایمتحأنأنَ تحمول بوکونه، چون وختی کی اَ ایمتحأنأنٚ جَا خو سٚرٚ رأستَ گیره، خوداوند همیشٚکی زٚندیگی تأجٚ اونَ فأدَه، هو تأج کی تومأمٚ او کسأنی کی اونَ دوس دأرده‌یٚ وعده بٚدأ.