دوم تسالونیکیان 3:6 - Gilaki New Testament

⁶ و اَسه گولٚ برأرأن، او حوکمَ کی اَمی خوداوند، عیسایٚ مسیح ایسمٚ اَمرأ و اونی قودرتٚ اَمرأ فأدیم، دیقت بوکونید: جٚه هر تنبلٚ مسیحی کی خو وختأنَ بیکأر گردِه و نٚخأیه او الگو کی فأدأئیمٚ مأنستَن کأر بوکونه، دؤر بئیسید.

کتاب مقدس به زبان گیلکی - گویش شرقی

⁶ أی برأرؤن، أمئه خداوند عیسی مسیح نؤم همأ شیمئبه حکم کؤنیم که هرته برأر أجی کی تنبلی کؤنه و عَین او چی که أمرأجی هیتین کردکار ندأنه، دوری بوکونین.

کتاب مقدس به زبان گیلکی - گویش رشت و غرب گیلان

⁶ اَی براران، اَمی خُداوند عیسی مسیحِ نامِ امرا شمرأ حکم کونیم، کی هرتا برارِ جا کی تنبلی کونه و عین اونچی کی اَمی جا بیگیفتید، رفتار نُکونه، دوری بُکونید.

دوم تسالونیکیان 3:6 Iomraidhean Croise

متّی 18:17

ولی اگه ایوأردِه شیمی گبأنَ نشتأوٚست، بأزون موضو‌یَ کیلیسا رِه بوگو؛ و اگه کیلیسا تٚرَه حق فأدَه و او برأر بأزم قوبیل نوکوده، بأزون کیلیسا وأستی اونی اَمرأ ایتأ غریبه یا فأسیدٚ بأج‌فأگیرٚ مأنستَن رفتأر بوکونٚه.

رومیأن 16:17

ختمٚ کلام، اَی جأن و دیلأن، خأهیش کونم جٚه اوشأنی کی دودستگی و تفرقه چأکونده، دؤر بئیسید چونکی اَجور آدمأن بأعیث بٚده، البأقیأنٚ ایمأن سوستَ بٚه و خأیده او عقیده‌یأنَ کی شیمی آموجه‌یأنٚ اَمرأ فرق کونه دروأره‌یٚ مسیح بأموجد.

اوّل قرنتیان 11:2

جأن و دیلٚ برأرأن، شٚمٚره آفرین گم کی هر چی شٚمٚره بأمؤختم، شٚمٚره خأطر نٚهأ و اوشأنَ انجأم دیهیدی.

اوّل قرنتیان 5:4

اَطویی، وختی کس‌کسٚ اَمرأ جمَ بیدی، من در روح شیمی اَمرأ ایسٚم، و اَمی خوداوند عیسا قودرتم، حوضور دأره.

اوّل قرنتیان 5:9

پیشترٚ دسخطٚ دورون بینیویشتم کی بی‌آبرو آدمأنٚ اَمرأ شؤئؤن اَمؤن نوکونید.

دوم قرنتیان 2:10

او وخت کی شومأن اینفرَ بٚخشیدی، منم اونَ بٚخشم. و اگه اینفرَ من بٚبخشم، اگه مسیح وئأله و شیمی خأطرٚ وأسی بٚخشم، البت اگه فیکر کونیدی می بٚخشئن رأس‌رأسِی لأزیم ایسه.

افسسیان 4:17

بأزین، او ایقتدأر اَمرأ کی خودا مٚرَه بٚبخشه، تأکیدٚ اَمرأ گم کی دِه مردومی مأنستَن کی خودایَ نشنأسٚده زٚندیگی نوکونید، اوشأنی مأنستَن کی اوشأنی فیکر و ذهن پریشأن ایسه.

کولسیان 3:17

هرچی کونیدی و هر گبی کی زوأنٚ سٚر اَوٚریدی، همٚتأیَ عیسای خوداوندٚ نأمٚ اَمرأ انجأم بدید و جٚه اونی رأ خودایٚ پئرَ تشکر بوکونید.

اوّل تسالونیکیان 4:1

دِه اَنکی، اَی جأنٚ دیلٚ برأرأن و خأخورأن، خوداوند عیسا ایسمٚ وأسی شیمی جَا خأهیش کونیم اوجور رفتأر بوکونید کی خودایَ خوشألَ کونید، هوطویی کی شٚمٚره بأمؤختیم. دأنٚم کی هطویم رفتأر کونیدی، امّا شٚمٚره تِشویق کونیم جٚه اَ خأطر ویشتر حقٚ سعی بٚزنید.

اوّل تسالونیکیان 4:11

شیمی هدف اَن بٚبه کی ایتأ آرأمٚ زٚندیگی بٚدأرید و فقد شیمی کأرأنَ موشغول بیبید و شیمی دٚسأنٚ اَمرأ رزق و روزی بیأفید، هوطو کی پیشترٚم شٚمٚره بوگفتیم.

اوّل تسالونیکیان 5:14

جأنٚ دیلٚ برأرأن، تنبل و شرورٚ آدمأنَ اَدب بوکونید؛ او آدمأن کی سٚربیجیر و ترسو ایسٚد، دیلدأری بدید؛ اوشأنی کی ضعیفده، یاور بیبید؛ همٚتأنٚ وأسی حوصله و تحمول بٚدأرید.

دوم تسالونیکیان 2:15

پس اَی جأنٚ دیلٚ برأرأن و خأخورأن، هسأ کی اَ مأجرأیأنَ فأندرستید قأیم بئیسید و او حِئقتأنَ کی شیمی ورجأ ایسأبیم یا نأمه‌یأنٚ اَمرأ شٚمٚره بأمؤختیم، سفت دوچوکید.

دوم تسالونیکیان 3:7

چونکی شومأن خُب دأنیدی کی چی درسی‌ وأستی اَمی جَا بأموجید: شومأن هیوخت نیدِیید کی اَمأن شیمی میأن بیکأر بٚگردیم.

اوّل تیموتائوس 5:21

تٚرَه، خودا و عیسا مسیح و موقدسٚ فٚرٚشته‌یأنٚ جَا قسم دٚهٚم کی اَ دستورأنٚ بی اَنکی هیکسٚ طرفَ بیگیری ایجرأ بوکونی و افرأدٚ میأن فرق نٚنی.

اوّل تیموتائوس 6:5

و همیشٚکی درگیری افرأدٚ میأن کی اَشأنٚ عقل فأسیدَ بوسته و حِئقتَ پوشتَ کودٚد بوجود بأیِه و گومأن کونٚده کی دین‌ دأشتٚنٚ اَمرأ تأنٚد مأل و مینألَ بٚدٚس بأوٚرٚد!

دوم تیموتائوس 3:5

ظأهیرَ میأن آدمأنٚ بأخودا ایسٚده امّا اونٚ قودرتَ اینکأر کونٚده. اَجور آدمأنٚ اَمرأ کأری نوأدأشتن.

دوم تیموتائوس 4:1

خودا و عیسایٚ مسیحٚ حوضور کی ایتأ روج زٚنده‌یأن و مورده‌یأنَ قیضأوت کونه، تٚرَه اَمر کونم کی

دوم یوحنا 1:10

اگه اینفر شیمی ورجأ بأیِه و اَ آموجَ شِمِره نأوٚره، اونٚ شیمی خأنه دورون رأ ندید و حتّا اونٚ سلأمٚم نوکونید،