دوم پطرس 1:8 - Gilaki New Testament

⁸ اگه وئألید اَ خوروم صٚفٚتأن شیمی میأنی روشد بوکونه و زیأدَ بٚه، جٚه روحأنی صٚفٚتأن پورقودرتٚ بید و اَمی عیسایٚ مسیحٚ خوداوندٚ رِه موفید و پورثٚمٚر بیدی.

کتاب مقدس به زبان گیلکی - گویش شرقی

⁸ چونکه أگر ای صفتؤن شیمئه مئن هننأبی و هیطؤ زیادأبون، نوگذأنه که أمئه خداوند عیسی مسیح شناختن مئن بی‌اثر و بی‌ثمر ببین.

کتاب مقدس به زبان گیلکی - گویش رشت و غرب گیلان

⁸ چونکی اگه اَ صفتان شیمی میان بمانه و هَطو زیادَ به، وَئنلانه کی اَمی خُداوند عیسی مسیحِ ایشناختنِ درون، بی‌ اثَر و بی ثمر بیبید.

دوم پطرس 1:8 Iomraidhean Croise

متّی 13:22

او زیمینی کی تٚمٚش گومأرٚ جَا پورَ بوسته بو، او کسی‌یَ نیشأن دِهه کی کلامٚ ایشتأوه ولی زٚندیگی نیگرأنیأن و مأل و مینأل، زرق و برق، خودا کلامَ اونی دورون خٚفَه کونه، و هیذره حأصیل نأوٚره.

متّی 20:3

«چن سأعت بعد، ایوأردِه بوشؤ بیرون و چنتأ کأرٚگرَ بیدِه کی میدأنی دورون بیکأر ایسأده.

متّی 20:6

«بعدٚ ظهر سأعت پِنج، ایوأردِه بوشؤ چن نفر دِه بیأفت کی بیکأر ایسأبود و وأوٚرسِه: «چٚره تومأمٚ روج اَیَه بیکأر بئیسأییدی؟

متّی 25:26

«ولی اربأب جوأب بٚدأ: "اَی تنبل و نأجورٚ غولأم! تو کی دأنستی من اَندر سختگیرم کی زیمینی جَا کی اونٚ دورون چیزی نکأشته بیم، مأصول وأوینم، و او زیمینٚ جَا کی دأنه نینٚشأنِم حأصیل جمَ کونم،

یوحنا 15:2

اون هرتأ خألَ کی مِیوه نٚده، وأوینه و خألأنی‌یَ کی مِیوه دِهه، هرس کونه کی ویشتر مِیوه فأدَه.

یوحنا 17:3

و همیشٚکی زٚندیگی اَن ایسه کی تٚرَه، کی او ایتأ دأنه رأس‌رأسِی خودا ایسی و عیسایٚ مسیحَ کی اوسه کودی، بٚشنأسٚد.

یوحنا 5:42

چونکی شٚمٚره خُب شنأسٚم کی شیمی دیلأنٚ میأن ایپچه‌یٚم خودا رِه محبت نأریدی.

رومیأن 12:11

خوداوندٚ خیدمت کودنٚ دورون سوستی و تنبلی نوکونید، بلکی روحأنی شوق و ذوقٚ اَمرأ اونَ خیدمت بوکونید.

اوّل قرنتیان 15:58

هنٚ وأسی، اَی جأنٚ دیلأن، ایمأنٚ دورون قوی و قأیم بئیسید و همیشٚک شوقٚ فرأوأنٚ اَمرأ، خوداوندٚ خیدمتَ موشغول بیبید، چونکی دأنیدی او زحمت کی خوداوندٚ رِه کشئندرید بی‌آخرپٚسی نییٚه.

دوم قرنتیان 13:5

شٚمٚره ایمتحأن بوکونید کی بیدینید ایمأن دورون ایسأیید یا نه. شیمی ایمأنَ سوبوک سنگین بوکونید. آیا جٚه عیسا مسیح حوضور و قودرت، شیمی وجود دورون خٚوٚر دأریدی؛ اگه اَطو نییٚه اَ ایمتحأنٚ دورون رٚد ایسید.

دوم قرنتیان 8:2

مقدونیه ایمأندأرأن هرچن ایمتحأنأنٚ میأن خٚیلی رنج بٚکشِئد، ولی همیشٚک خوشألٚد؛ و هرچن خٚیلی فِقِرٚده، ولی خٚیلی دٚسٚ دیلوأز ایسٚد.

دوم قرنتیان 8:7

شومأن ویشتر موضویأنٚ میأن جٚه البأقی آدمأن پیشترید: شیمی ایمأن ویشتر ایسه، ویشتر سوخنرأن دأرید، شیمی دأنش جولفتر ایسه، شیمی شوق و ذوق خیدمتٚ رِه ویشتر ایسه و اَمٚرَه‌یٚم خٚیلی محبت دأرید. پس خأیم اَ خورومٚ خیدمتٚ دورون ینی پیشکش فأدأنم، جٚه البأقیأن پیشتر بیبید.

دوم قرنتیان 9:14

اَشأن خودا تومأمٚ نوبوستٚنی و عجیبٚ فیضٚ وأسی کی شیمی میأن نیشأن بٚدأ بوبوسته، جولفٚ محبت و شوق و ذوقٚ اَمرأ شِمِره دوعأ کونٚده.

فیلیپیان 1:9

هنٚ وأسی، دوعأ کونم کی شیمی محبت جٚه رأیٚ شنأخت و فأم و جولف فیکر، هر روج ویشترَ بٚه.

فیلیپیان 2:5

شومأن وأستی هو فیکرَ بٚدأرید کی مسیح عیسا دأشتی.

فیلیپیان 3:8

دوروسته، تومأمٚ چیزأن، می خوداوند عیسا مسیحٚ شنأختنٚ نعمتٚ جولو بی‌ارزشه. هنٚ وأسی، همّه بنأم کنأر، چونکی مِرِه هیذره ارزش نأرِه، اَ هدفٚ اَمرأ کی مسیحَ بٚدأرم.

کولسیان 1:10

کی اَطویی، کردکأری بٚدأرید خوداوندٚ موقأمٚ اَندر و اوطو زٚندیگی بوکونید کی خودایَ خوش بأیٚه طوری کی هرتأ خورومٚ کأرٚ دورون بأر بأوٚرید و خودا شنأختنٚ دورون پیلّه بید.

کولسیان 2:7

اونٚ دورون ریشه بودووأنید کی اونی جَا قوّت فأگیرید. حقٚ سعی بٚزنید کی دائیم در اون پیلّه بید و او حِئقتأنٚ دورون کی بأمؤختید، قوی و پورزور بیبید و او کأرأنٚ وأسی کی اون شِمِره بوکوده، شیمی زٚندیگی لبألب خوشی و شوکر کودنٚ جَا پور بٚبه.

کولسیان 3:16

وئألید مسیح گبأن تومأم و کمأل شیمی دورون بینیشینه. مزامیر اَمرأ سورودأن و روحأنی آوأزأن و تومأمٚ او حیکمت کی اون شٚمٚره فأدِه، کس‌کسَ بأموجید و اَندرز بوکونید و ایتأ شوکرگوزأرٚ قلبٚ اَمرأ خودا رِه آوأز بخأنید.

اوّل تسالونیکیان 3:12

خوداوند شیمی محبتَ اوجور زیأدَ کونه کی بتأنید کس‌کسَ و البأقیأنَ خٚیلی محبت بوکونید، هوطویی کی اَمأن، شٚمٚره محبت کونیم؛

اوّل تسالونیکیان 4:1

دِه اَنکی، اَی جأنٚ دیلٚ برأرأن و خأخورأن، خوداوند عیسا ایسمٚ وأسی شیمی جَا خأهیش کونیم اوجور رفتأر بوکونید کی خودایَ خوشألَ کونید، هوطویی کی شٚمٚره بأمؤختیم. دأنٚم کی هطویم رفتأر کونیدی، امّا شٚمٚره تِشویق کونیم جٚه اَ خأطر ویشتر حقٚ سعی بٚزنید.

دوم تسالونیکیان 1:3

گولٚ برأرأن، اَمی وظیفه‌ ایسه کی شیمی وجودٚ وأسی خودایَ شوکر بوکونیم. هطویه، چونکی شیمی ایمأن جوری روشد بوکوده کی شأیسته ایسه اَ کأرَ بوکونیم و شیمی محبت، کس‌کسٚ اَمرأ خٚیلی زیأدَ بوسته.

اوّل تیموتائوس 5:13

جٚه اَن بوگذریم، جوأنٚ ویوه ایمکأن دأره بیکاری و تنبلی‌یَ عأدت بوکونه و اَ خأنه او خأنه بٚگرده و اَیتأ اویتأ رِه بدگویی بوکونه و البأقیأنٚ کأرٚ دورون فوضولی بوکونه، هچینٚ گب بٚزٚنه.

تیتوس 3:14

کی اَطویی اَمی کیلیسایأنٚ آدمأن یأد بیگیرٚد کی ضروری نیأزأنٚ رفع کودن و خورومٚ کأرأنٚ انجأم دٚئنٚ رِه تلاش بوکوند و خوشأنٚ زٚندیگی‌یَ بی فأیده نوگذرأند.

فیلیمون 1:6

دوعأ کونم ایمأن و ایعتمأدی کی خوداوندَ دأری، البأقیأنٚ رِه وأگو بوکونی کی اوشأنٚ رویٚم اَثر بٚنه و بیدینٚد کی عیسا مسیح جَا چی خورومٚ موأهب و خُبیأنی تٚرَه فأدأ بوبوسته.

عبرأنیأن 6:12

و روحأنی زٚندیگی دورون سوستی و تنبلی رِه گریفتأرٚ نیبید، بلکی خٚیلی ذوقٚ اَمرأ، خودا مردأکأنٚ جَا الگو اوسأنید، او مردأکأن کی خٚیلی صبر دأشتٚن و پورزورٚ ایمأنٚ اَمرأ، تومأمٚ خودا وعده‌یأنَ بٚدٚس بأوٚردٚده.

دوم پطرس 1:2

دوعأ کونم کی خودا شٚمٚره خٚیلی فیض و آرأمٚش بٚده، جٚه اَ خأطر کی خودا و اَمی خوداوند عیسا، شنأختٚ رِه روشد بوکودید.

دوم پطرس 1:3

هطویم اون هرچی کی ایتأ زٚندیگی وأسی کی خودایٚم دوس بٚدأره، لأزیم دأریم خو ایلاهی قودرتٚ اَمرأ، اَمٚرَه بخشه و حتّا اَمٚرَه خو جلال و مهرٚوأنی میأن شیریک کونه؛ امّا جٚه اَ خأطر لأزیم ایسه کی اونَ ویشتر و بِیتر بشنأسیم.

دوم پطرس 2:20

هر وخت اینفر، خوداوند و اَمی نیجأت بٚدأ کس عیسای مسیح شنأخت اَمرأ اَ دونیأ نأپأکیأنٚ جَا آزأدَ بوسته، امّا بأزون ایوأردِه هو نأپأکیأنٚ میأن اسیر بٚبه، اونی وضع بدتر جٚه سأبٚق بِه.

دوم پطرس 3:18

بلکی خوداوند و اَمی نیجأت دهنده عیسای مسیحٚ شنأخت و فیضٚ میأن پیشرفت بوکونید کی هرچی جلال و بوزورگی و سٚربولندیه تأ اَبد اونی شین ایسه. آمین.