دوم قرنتیان 8:10 - Gilaki New Testament

¹⁰ پس هسأ می فیکر اَن ایسه: او کأرَ کی پأرسأل سٚر بیگیفتید، اَسه تومأنَ کونید. چونکی شومأن فقد او اوّلی آدمأنی نیبید کی البأقیأنٚ کومکٚ موضو‌یَ پیش فأکشِئید، بلکی پأ پیش بنأیید و اونم عملی‌ بوکودید.

کتاب مقدس به زبان گیلکی - گویش شرقی

¹⁰ مو می نظره ای جریون باره گونم: ای به نفع شمه ایسه، پارسال، شمه نه هچی ای کار خیر انجوم دان مئن، بلکه اون انجوم دان ذوق و شوق مئنم پا پیش بنابین.

کتاب مقدس به زبان گیلکی - گویش رشت و غرب گیلان

¹⁰ من می نظرَ اَ جریان باره گَم: اَن به نفع شُمان ایسه، پارسال، شُمان نه فقط اَ کار خیر انجام دَئن درون، بلکی اونِ انجام دَئن ذوق وشوق درونم پا پیش بنَبید.

دوم قرنتیان 8:10 Iomraidhean Croise

متّی 10:42

و اگه اینفر ایتأ اَ کوجه‌دأنه‌یأنَ، جٚه اَ خأطر کی می شأگردٚده، حتّا ایتأ لیوأن سردٚ آب فأدَه، رأس‌رأسِی شٚمٚره گم، بی‌پأدأش نٚمأنه.»

یوحنا 11:50

آیا فیکر نوکونیدی کی بِیتره اینفر قومٚ رِه بیمیره تأ اَنکی همٚتأن جٚه بین بٚشٚد.»

یوحنا 16:7

می شؤئؤن شٚمٚره منفعت دأره، چونکی اگه نٚشم، او روحی کی آرأمٚش دِهه شیمی ورجأ نأیِه. امّا اگه بٚشٚم اون اَیِه، چونکی من اونَ شیمی ورجأ اوسه کونم.

یوحنا 18:14

قیافا هونی ایسه کی یوهودٚ قومٚ پیله کسأنَ بوگفته بو بِیتره کی اینفر قومٚ رِه بیمیره.

اوّل قرنتیان 10:23

شومأن گیدی: «تأنٚم هرتأ کأر بوکونم»، ولی بدأنید کی هرتأ کأر شِمِره فأیده نأرِه. گیدی: «تأنٚم هرتأ کأر بوکونم»، ولی هرتأ کأر بٚنأ بوستنٚ بأعیث نیبه.

اوّل قرنتیان 16:2

هر هفته اوّلی روجٚ میأن ینی یکشنبه، هرتأن جٚه شومأن هرچی دخل بدأشتید، ایپچه پول اَ کأرٚ رِه کنأر بنید. اَ پولأنٚ جمَ کودنٚ وأسی می اَمؤنٚ رأفأ نئیسید.

اوّل قرنتیان 6:12

ایمکأن دأره کی بیگید: «تأنٚم هرتأ کأر بوکونم» - ولی بدأنید کی همه چی شِمِره فأیده نأرِه. حتّا اگه شیمی گبٚ اَمرأ «تأنٚم هرتأ کأر بوکونم»، ولی نوأستی هیچی‌یَ اسیر و بٚرٚده ببم.

اوّل قرنتیان 7:25

وأوٚرسِه بید او کؤرأن کی هنو عروسی نوکودٚد، چی بوکوند؟ ایجأزه دأرٚد کی عروسی بوکوند؟ من اوشأنٚ رِه بوخصوص حوکم جٚه خوداوند ور نأرٚم. ولی چونکی خوداوند جٚه لوطفٚ سٚر، مٚرَه ایتأ قأبیلٚ ایعتمأدٚ حیکمت عطأ بوکوده، می فیکرَ اَ موضو رِه وأگویا کونم:

اوّل قرنتیان 7:40

ولی می نظر اَنه کی عروسی نوکونه بِیتر ایسه. و فیکر کونم کی اونچی کی گم، جٚه خودا روح ور ایسه.

دوم قرنتیان 12:1

هرچن می جَا اَجور گولأز کودن فأیده نأرِه، ولی وأستی ایدأمه بدم و جٚه رویأیأنی کی بیدِم و موکأشفه‌یأنی کی خوداوند مٚرَه بٚبخشه وٚصف بوکونم.

دوم قرنتیان 8:6

هنٚ وأسی جٚه تیتوس خأهیش بوکودیم کی ایوأردِه شیمی دِئنٚ رِه بأیٚه کی شٚمٚره تِشویق بوکونه کی شومأنم ایتأ سأم اَ خورومٚ خیدمتٚ دورون قوبیل بوکونید، چونکی اون پیشتر اَ کأرَ شیمی میأن بٚسٚرَ گیفته بو.

دوم قرنتیان 8:8

اَن ایتأ فرمأن نییٚه و نگم کی حتم اَ کأرَ بوکونید. بلکی البأقی کیلیسایأن ذوق و شوقَ مثأل اَوٚرم، کی شومأنم بتأنید نیشأن بدید شیمی محبت رأس‌رأسِی ایسه و فقد گب نییٚه.

دوم قرنتیان 9:2

چونکی دأنٚم کی شومأن خودتأن چی شوق و ذوقی کومک رسأنئنٚ رِه دأریدی. من گولأزٚ اَمرأ، او ایمأندأرأن کی مقدونیه شین ایسٚدَ بوگفتم کی شومأن اَخائیه شهرأنٚ دورون جٚه پأرسأل کومکٚ رِه حأضیر بید. رأس‌رأسِی، شیمی هه شوق و ذوق بو کی خٚیلی جٚه اَشأنَ تِشویق بوکوده کی کومک بوکونٚد.

فیلیپیان 4:17

البت شیمی پیشکشأنٚ وأسی تشکر کونم، ولی اونچی کی ویشتر مٚرَه خوشأل کونِه اَنه کی شیمی اَ خوروم کأرأنٚ وأسی، خوروم پأدأش فأگیریدی.

عبرأنیأن 13:16

جٚه خورومٚ کأر و اوشأنی کی ایحتیأج دأرٚده یاور دٚئنٚ جَا غأفیلَ نیبید، چونکی اَجور کأرأن او قوربأنیأنَ مأنه کی خٚیلی خودایَ خوشألَ کونه.