دوم قرنتیان 6:14 - Gilaki New Testament

¹⁴ بی‌ایمأنٚ اَمرأ بٚدأ بستأن ندأرید و دونچکید. مگه بِه کی پأکی و گونأ میأن دوچوکستن بمأنه؟ مگه نور و ظولومأت کس‌کسٚ اَمرأ ایرتبأط دأرٚد؟

کتاب مقدس به زبان گیلکی - گویش شرقی

¹⁴ بی‌ایمونون پیشکاوول جیر نشین، چونکی صالحی و شرارت همدیگره چی ربطی دانن و نور و ظلمت چی رفاقتی دانن؟

کتاب مقدس به زبان گیلکی - گویش رشت و غرب گیلان

¹⁴ بی‌ایمانانِ پیشکابولِ جیر نیشید، چونکی صالحی و شرارت چی ربطی بهَم دَره و نور و ظلمت چی رفاقتی دَریدی؟

دوم قرنتیان 6:14 Iomraidhean Croise

یوحنا 7:7

چونکی دونیأ مردوم شیمی جَا نیفرت نأرٚده ولی می جَا نیفرت دأرٚده، چونکی من اوشأنٚ نأجورٚ کردکأرأن کی گونأ جَا پور ایسه‌یَ اَشأنَ خأطر اَوٚرم.

اعمالٚ رسولأن 4:23

پطرس و یوحنا هطو کی آزأدَ بوستٚد، وأگردٚستٚده عیسا البأقی روسولأنٚ ورجأ و پیله کأهینأن و پیله‌ کسأنٚ گبأنَ اَشأنی رِه وأگویا بوکودٚد.

اوّل قرنتیان 10:21

شومأن نتأنیدی هم خوداوندٚ سٚفره پیأله جَا وأخورید و هم شیطان سٚفره پیأله جَا؛ هم جٚه خوداوندٚ سٚفره نأن بوخورید و هم جٚه شیطان سٚفره نأن.

اوّل قرنتیان 15:33

اوشأنَ کی اَطوچی گبأنَ زنٚده گولَ نوخورید، چونکی «نأجورٚ آدمأن اَمرأ نیشتن ویریشتن، خورومٚ اخلأقَ خرأبَ کونه».

اوّل قرنتیان 5:9

پیشترٚ دسخطٚ دورون بینیویشتم کی بی‌آبرو آدمأنٚ اَمرأ شؤئؤن اَمؤن نوکونید.

اوّل قرنتیان 6:6

مگه اَن دوروسته کی ایمأندأر ایمأندأرٚ ضد دادگأیَ شیکأیت بوکونه و بی‌ایمأنأن اَشأنٚ ایختلأفَ فأرٚس فوروس بوکوند؟

اوّل قرنتیان 7:39

زنأی تأ او وخت کی اونی مردأی زٚنده ایسه، اونٚ اَمرأ دٚوٚسته ایسه. ولی اگه اونی مردأی جٚه دونیأ بشه، تأنه ایوأردِه عروسی بوکونه، ولی فقد ایتأ ایمأندارٚ اَمرأ.

فیلیپیان 2:15

کی هیکس نتأنه شیمی جَا ایتأ عأیب و ایرأد بیگیره. وأستی اَ فأسیدٚ دونیأ دورون کی نأجور و نأخٚلفٚ آدمأنٚ جَا پوره، خودا زأکأنٚ مأنستَن، پأک و تیمیز بیبید. بأزین اَشأنی میأن ستأره‌یأنٚ مأنستَن دٚتأوٚیدی.

یعقوب 4:4

اَی زٚنأکأر آدمأن، آیا مولتفت نیئید کی دونیأیٚ دوس دأشتٚن، خودا اَمرأ دوشمنی کودنٚ مأنی‌یَ دِهه؟ پس هرکی بٚخأیٚه دونیأ اَمرأ ریفِق بٚبه، حتم خودا اَمرأ دوشمن به.