دوم قرنتیان 6:11 - Gilaki New Testament

¹¹ اَی جأنٚ دیلٚ ریفِقأن کی قرنتسٚ میأن ایسأیید، شیمی اَمرأ صأفٚ صأدٚق گب بٚزِییم و اَمی دیلَ شِمِره وأکودیم.

کتاب مقدس به زبان گیلکی - گویش شرقی

¹¹ ای قرنتس مردوم، امه رک شیمئه همرا گب بزیم و امئه دیله شیمئبه واگودیم.

کتاب مقدس به زبان گیلکی - گویش رشت و غرب گیلان

¹¹ اَی قرنتُس مردوم، امان رُک، شیمی اَمرا گب بزئیم و اَمی دیلَ شمرأ وازَه کودیم.

دوم قرنتیان 6:11 Iomraidhean Croise

اعمالٚ رسولأن 18:1

اونٚ پٚسی، پولس جٚه آتنٚ بوشؤ قرنتس.

اعمالٚ رسولأن 18:8

کْریسْپوس، کنیسه‌ رییس و تومأمٚ اونی خأنوأر خوداوندَ ایمأن بأوٚردٚد. خٚیلیأنم دِه قرنتس میأن کی پولسٚ پیغأمَ بشتأوستده‌ ایمأن بأوٚردٚد و تعمید بیگیفتٚد.

دوم قرنتیان 12:15

منم تومأمٚ می میلٚ اَمرأ حأضیر ایسٚم کی هر چی دأرم و حتّا مٚرَه شیمی فٚدأ بوکونم کی جٚه نظرٚ روحأنی تقویت بیبید؛ گرچی هرچی ویشتر شٚمٚره محبت کونم، شیمی محبت مٚرَه کمترَ بِه!

دوم قرنتیان 2:4

رأس‌رأسِی او دسخطَ نیویشتن مِرِه خٚیلی سخت بو، چونکی خٚیلی غم و غورصه دأشتیم. حِئقتَ بٚخأیید، نیویشتنٚ وخت گریه کودیم. نخأستیم او دسخطٚ اَمرأ شٚمٚره غورصه بدم، ولی شٚمٚره وأستی نیشأن بٚدأبیم کی چندر شٚمٚره دوس دأرم و شٚمٚره دیل دٚوٚستم.

غلاطیأن 3:1

اَی غلاطیأن کی شیمی عقلَ جٚه دٚس بٚدأییدی، کویتأ جأدوگر شٚمٚره اَطو سحر و جأدو بوکوده؟ مگه اَن شومأن نیبید وختی عیسا مسیح مٚردنَ صلیبٚ جؤر شٚمٚره وأگویا بوکودم، ایجور ذوقٚ اَمرأ اونی ور بأمؤییدی کی عَینٚ خیأله هو وخت اونَ شیمی چومٚ اَمرأ صلیبٚ جؤر بیدِییدی؟

غلاطیأن 4:12

جأن دیل برأرأن و خأخورأن، شیمی جَا خأهیش کونم می مأنستَن بیبید کی شریعت جَا دٚس بٚکٚشئم، چٚره کی منم شیمی مأنستَن بوبوستم. شومأن جٚه قدیم او وختأنی کی اوّلی وأر مسیح پیغأمَ شٚمٚره بوگفتم، هیذره مٚرَه بدی نوکودیدی، امّا هسأ اَ کأرَ کودأندرید.

افسسیان 6:19

می وأسییٚم دوعأ بوکونید تأ هر وخت کی می دٚهٚنَ گب زِئن وأسی وأزَ کونم، رأس‌رأسِی کلمه‌یأن مٚرَه بٚبخشه بٚبه کی بٚتأنم بودونٚ ترس اینجیلَ رمز و رأزٚ مردومَ نیشأن بدم،

افسسیان 6:8

جٚه‌ خأطر نٚبٚرید کی چی غولأم بیبید چی آزأد، هرتأ خوروم کأرٚ وأسی کی انجأم دیهیدی، خوداوند جَا پأدأش فأگیریدی.

فیلیپیان 1:8

فقد خودا دأنه کی جٚه شومأن چی محبت و جولف شوقی عیسا مسیح می دورون بٚنأ.

فیلیپیان 4:15

شومأن فیلیپی آدمأن خُب دأنیدی کی وختی اوّلی وأر اینجیلٚ پیغأمَ شِمِرِه وأگویا بوکودم، و بأزین مقدونیه جَا بأمؤم، فقد شومأ مٚرَه مألی کومک بوکودیدی. هیتأ کیلیسا دِه اَ کأرٚ دورون پیش دنکفته.

موکأشفه 22:12

عیسای مسیح فٚرمأیه: «چوم بٚرأ بیبید، پور دِه بأقی نییٚه کی من اَیٚم و هرکی رِه اونی کردکأرٚ موطأبٚق می اَمرأ ایتأ جأیزه‌ اَوٚرم.