دوم قرنتیان 12:16 - Gilaki New Testament

¹⁶ ای عیده جٚه شومأن تصدِق کونیدی کی شیمی سٚربأر نوبوم. ولی ایتأ عیده دِه ایمکأن دأره گومأن بوکوند کی حیله‌گر بوم و بعضی رأ روشأنٚ اَمرأ شیمی جَا بهره ببردم!

کتاب مقدس به زبان گیلکی - گویش شرقی

¹⁶ ولی با ای کی قبول دانین مو باری شیمئه کول سر ننام لابود گونین حیله‌گرم و حیله اجی شمره بدست باردم‌.

کتاب مقدس به زبان گیلکی - گویش رشت و غرب گیلان

¹⁶ ولی با اَنکی قُبیل دَریدی من باری شیمی کول سر نُبوم لابد گیدی حُقِ بازم و حیله مَرا شمرأ بدَس باوردم.

دوم قرنتیان 12:16 Iomraidhean Croise

دوم قرنتیان 1:12

اونچی کی اَمی گولأزٚ بأعیث بِه، اَن ایسه کی تومأمٚ اَمی صدأقتٚ اَمرأ تأنیمی بیگیم کی اَمی کردکأرٚ میأن مردومٚ اَمرأ و بوخصوص شیمی اَمرأ، همیشٚک صأف و صأدٚق بیم، و اَمی چومٚ اومید فقد خوداوندٚ کومکَ رو نٚهأ بو، نه اَمی قوّتٚ سٚر.

دوم قرنتیان 12:13

فقد ایتأ کأر البأقی کیلیسایأن دورون انجأم بٚدأم، ولی شِمِره نوکودم، اَن ایسه کی شیمی سٚربأر نوبوستم و شیمی جَا مألی کومک نخأستم، خأهیش کونم می اَ تقصیرَ بٚبٚخشید!

دوم قرنتیان 4:2

اَمأن حقٚ سعی نٚزنیم کی جوفت و کلکٚ اَمرأ مردومَ بأوریم مسیح ور. اَمأن نخأییم کی هیکسٚ گول بٚزنیم. هیوخت حقٚ سعی نٚزنیم کی اینفرَ وأدأریم کی او درسأنَ کی ضدٚ موقدسٚ کیتأب ایسه، ایمأن بأوٚره. اَمأن هیوخت اَجور شرم‌دأرٚ رأ روشأنَ دونچیکیم، بلکی خودا شأهید ایسه کی جغرز حِئقت و دوروستی ایچی‌یَ دِه‌ وأگویا نوکونیمی، و حقٚ سعی زنیمی کی جٚه اَ رأ، خورومٚ اَثر مردومٚ رو بٚنیم.

دوم قرنتیان 6:8

چی اَمٚرَه ایحترأم بٚنٚد و چی ایحترأم نٚنٚد، چی اَمی وٚصفَ بٚگد و چی ایرأد بیگیرٚد، همیشٚک خوداوندٚ رِه وفادأر مأنیمی. مردوم اَمٚرَه دورُغگو دأنٚده، هسأ اَنکی جغرز حِئقت گب نزنیمی.

دوم قرنتیان 7:2

خأهیش کونم ایوأردِه شیمی دیلَ اَمِرِه وأکونید. چونکی هیتأ جٚه شٚمٚره بد نوکودیم؛ هیکسَ ویلأن و سیلأن نوکودیم؛ هیکسَ گول نٚزِئیم و جٚه هیکس سوایستفأده نوکودیم.

اوّل تسالونیکیان 2:3

پس فأندرستأندرید کی اینجیلٚ پیغأمَ سأدگی و نیّتٚ پأکٚ اَمرأ شٚمٚره فأرٚسأنِییم نه ایتأ نأجورٚ فیکر و پٚلیدٚ هدفأنٚ اَمرأ.

اوّل تسالونیکیان 2:5

خودتأن وأخب ایسید کی اَمأن هیوخت حقٚ سعی نٚزِئیم کی چرب زوأنی اَمرأ، شیمی فیکرَ اَمی ور فأکٚشأنیم؛ جٚه اَمی ایرتیبأط شیمی اَمرأیٚم مألی نفع بردنٚ وأسی ایستفأده نوکودیم، خودا خودش شأهید ایسه.

۱پطرس 2:3

شومأن کی خوداوندٚ مهرٚوأنی و محبتَ خودتأنٚ زٚندیگی میأن بیچشئید، ایتأ قوندأقه زأکٚ مأنستَن، موشتأقٚ ایتأ خألصٚ شیرٚ روحأنی بیبید تأ اونی خوردنٚ اَمرأ او نیجأت میأنی کی بیأفتیدی، روشد بوکونید.