دوم قرنتیان 10:8 - Gilaki New Testament

⁸ ولی من اَ قودرت و ایختیأرَ شیمی کومکٚ رِه بٚکأر دٚوٚستم، نه شیمی اَذِت آزأرٚ رِه. بلکی گومأن بوکونید کی ویشتر جٚه می ایختیأرأنٚ حد گولأز کودأندرم؛ ولی اَطو نییٚه.

کتاب مقدس به زبان گیلکی - گویش شرقی

⁸ چونکه حتی اگر اننی ویشتر می ایقتداره ایفتخار بوکونم شرمنده نبنم. او ایقتدار کی خداوند، شیمئه بنا گودن ئبه مأ هدا نه شیمئه نابودی به.

کتاب مقدس به زبان گیلکی - گویش رشت و غرب گیلان

⁸ چونکی حتی اَگه ایپیچه ویشتر به اَمی اقتدار افتخار بُکونم شرمنده نخوام بوستن. اُ اقتدار کی خُداوند، شیمی بنا کودن ره مَره فدَه نه شیمی نابودی ره.

دوم قرنتیان 10:8 Iomraidhean Croise

دوم قرنتیان 1:24

هنٚم بٚگم کی می منظور اَن نییٚه کی شیمی سٚر پیله‌تری بوکونیم و بیگیم کی چوطو شیمی ایمأنَ انجأم بدأیید. اَمی نیّت اَن ایسه کی کس‌کسٚ اَمرأ همدیل و همجأن کأر بوکونیم کی جٚه خوشألی پور بیبید، چونکی شیمی ایمأنٚ وأسی ایسه کی قأیم ایسأیید.

دوم قرنتیان 10:4

او اَسلحه کی اَمأن جنگستنٚ رِه بٚکأر بریم، دونیأیی اَسلحه نییٚه، بلکی قلعه‌یأنٚ جٚه بین بردنٚ وأسی ایتأ ایلاهی قودرت دأره!

دوم قرنتیان 10:9

اَنَ نیویسٚم کی گومأن نوکونید کی وختی می دسخطأنٚ دورون شٚمٚره شمأتٚت کونم، می نیّت فقد شیمی ترسأنئن ایسه و وٚست.

دوم قرنتیان 12:19

بلکی فیکر کونیدی کی تومأمٚ اَ گبأن اونی رِه ایسه کی ایوأردِه شیمی لوطفَ بٚدٚس بأوٚرٚم. ولی اصلن اَطو نییٚه! خودا شأهید ایسه کی اَمی منظور جٚه اَ گبأن، کومک شٚمٚره ایسه اَی جأن و دیلٚ ریفِقأن، چونکی خأییم شومأن بٚنأ بیبید و روحأنی عألمٚ دورون قوّت فأگیرید.

دوم قرنتیان 12:6

اگه چی حتّا اگه میل بٚدأرم کی گولأز بوکونم، ایتأ کأر کی جٚه عقلٚ رو نٚبه نییٚه، چونکی حِئقتَ وأگویا کونم، ولی جٚه اَ کأر دوری کونم، کی هیکس دروأره‌یٚ من هیچی ویشتر گومأن نوکونه، جغرز اونچی کی در من دینه یا می جَا ایشتأوه.

دوم قرنتیان 13:10

اَ مطلبأنٚ اَ اومیدٚ اَمرأ نیویسٚم کی وختی بأمؤم شیمی ورجأ، ایحتیأج نٚبه کی شٚمٚره شمأتٚت و تِنبیه بوکونم. چونکی خأیم جٚه او ایقتدأر کی خوداوند مٚرَه فأدأ، شیمی قوّت و بٚنأ کودنٚ رِه ایستفأده بوکونم، نه اَنکی شٚمٚره خرأبَ کونم.

دوم قرنتیان 13:8

چونکی نتأنیم ایتأ کأر کی دوروستی ضد بٚبه انجأم بٚدیم، بلکی وأستی همیشٚک دوروستی رِه بئیسیم.

دوم قرنتیان 7:14

پیشتر جٚه اَنکی بأیٚه شیمی ورجأ، شیمی وٚصفٚ اونی رِه بوکوده بوم و اونَ بوگفته بوم کی چندر شٚمٚره گولأز کونم. شومأنم مٚرَه شیمی کردکأرٚ اَمرأ سٚربولندَ کودید. هوطو کی همیشٚک شٚمٚره رأست بوگفتیم، او وٚصفٚم کی جٚه شومأن تیتوسٚ ورجأ بوکوده بیم، رأست بو.

دوم قرنتیان 7:4

شٚمٚره تومأم و کمأل ایطمینأن دأرم و شیمی وجود رِه گولأز کونم. سیوأیٚ جٚه تومأمٚ می رنجأن و سختیأن، شومأن می تِشویقٚ بأعیث بوبوستید و مٚرَه خوشألَ کودید.

غلاطیأن 1:1

اَ نأمه جٚه پولسٚ روسول ور ایسه. من ایتأ اینسأنی گورو یا موقأم جَا اینتخأب نوبوستم کی روسول ببم، بلکی توسط عیسایٚ مسیح و خودایٚ پئر بو کی اونَ جٚه مورده‌یأن ویریزأنه.

دوم تیموتائوس 1:12

هنٚ وأسی ایسه کی اَ زندأنٚ میأن اَذِت آزأر بوستأندرم، امّا عأیب نأنٚم کی ایتأ موجریمٚ مأنستَن زندأن دورون ایسأم، چونکی دأنٚم کی‌یَ ایمأن بأوٚردٚم و ایعتمأد بوکودم، و دأنٚم کی اون تأنِه می امأنٚتَ صد در صد تأ خو وأگردٚستنٚ روج حیفظ بوکونه.