دوم قرنتیان 10:16 - Gilaki New Testament

¹⁶ اونی پٚسی تأنیمی اینجیلٚ پیغأمَ او شهرأنَ کی جٚه شومأن دورتر ایسٚدم فأرٚسأنیم، او شهرأنَ کی تأ هسأ هیکس اَ پیغأمَ اویَه فأنرٚسأنِه، اَطویی بعضیأنٚ مأنستَن البأقیأنٚ کأرٚ دورون دنکفیم و البأقیأنٚ کأرَ گولأز نوکونیمی.

کتاب مقدس به زبان گیلکی - گویش شرقی

¹⁶ تا بوتونیم انجیله او ولایتون مئن کی شمراجی دوره موعظه بوکونیم. چونکی نخانیم او کار ئبه کی پیشتر یک نفر ده، خوشه سامؤنسر مئن بوده ایفتخار بوکونیم.

کتاب مقدس به زبان گیلکی - گویش رشت و غرب گیلان

¹⁶ تا بتانیم انجیلَ اُ ولایتان درون کی شیمی جا دورِ، موعظه بُکونیم. چونکی نخوائیم اُ کاری کی پیشتر اینفر دیگر، خو سامانسر درون بُکوده ره افتخار بُکونیم.

دوم قرنتیان 10:16 Iomraidhean Croise

اعمالٚ رسولأن 19:21

تومأمٚ اَ ایتفأقأنٚ پٚسی، پولس جٚه خودا روحٚ ور هیدأیت بوبوسته کی پیشتر جٚه اَنکی بشه اورشلیم، جٚه مقدونیه و اَخائیه رأ دٚوأره. اون گفتی: «اونٚ پٚسی وأستی رومٚم بٚشٚم!»

رومیأن 15:20

ولی تومأم وخت می آروزو اَن بو کی همٚتأ جأجیگأیٚم بٚشٚم، خودا کلامَ او جیگأیأنٚ دورون کی مسیح نأم هیوخت بشتأوسته نوبوسته، بشأرت بدم. ولی هیوخت نخأستم کی اینجیلٚ خورومٚ خٚوٚرَ او جیگأیأنٚ دورون کی اینفر پیشتر اویَه ایتأ عیدّه‌یَ مسیح ور هیدأیت بوکوده، و ایتأ کیلیسا چأکوده بوبوسته موعیظه بوکونم.

دوم قرنتیان 11:7

ینی گونأ بوکودم کی اینجیلٚ پیغأمَ بودونٚ اَنکی هیذره پول فأگیرٚم، شٚمٚره وأگویا بوکودم و مٚرَه پٚستَ کودم کی شومأن گولأز بوکونید؟