دوم قرنتیان 1:14 - Gilaki New Testament

¹⁴ هوطو کی ایپچه اَمٚرَه بٚشنأختیدی، ایتأ روج اَمٚرَه تومأم و کمأل بٚشنأسید و اَمٚرَه گولأز بوکونید. او وخت اَمأنٚم او روج کی اَمی خوداوند عیسا، وأگرده شٚمٚره گولأز کونیمی.

کتاب مقدس به زبان گیلکی - گویش شرقی

¹⁴ هوتو که شمه امره کم و بیش بشناختین ، تا امه خداوند عیسی روز میئن شمه اَمره فخر بکونین ، اوجور که امه شیمه واسه فخر کونیم.

کتاب مقدس به زبان گیلکی - گویش رشت و غرب گیلان

¹⁴ هُطوکی شُمان اَمرا کم و بیش بشناختیدی، تا اَمی خُداوند عیسی روج درون شُمان اَمرا فخر بُکونید، اوجورکی امان شیمی واسی فخر کونیم.

دوم قرنتیان 1:14 Iomraidhean Croise

رومیأن 11:25

جأن و دیلٚ برأرأن، خأیم کی شومأن ایتأ ایلاهی رأزٚ جَا وأخٚوٚر بیبید، کی غرورَ دوچأر نیبید. دوروسته کی ایتأ عیده جٚه ایسرأییلٚ قوم هه زمأتٚ دورون اینجیلٚ ضد کأر کودأندٚرٚده؛ ولی اَ کأر فقد تأ وختی ایدأمه دأره کی او عیده جٚه شومأن کی یوهودی نیئیدی و خودا جٚه اوّل خو فیکرٚ دورون دأشتی، مسیحَ ایمأن بأوٚرید.

اوّل قرنتیان 1:8

خودایٚم شیمی ایمأنَ تأ او روج کی عیسا مسیح وأگرده قأیم دأره، کی او روجٚ میأن هرتأ گونأ و خطأ جَا پأک و آزأد بٚحیسأب بأیید.

اوّل قرنتیان 11:18

اوّل اَنکی ایشتأوٚم هر وخت کس‌کسٚ اَمرأ کیلیسا وأسی جمَ بیدی، شیمی میأن سیوأیی‌یأن و جودأیی‌یأن نٚهأ، و ایپچه اَ گبأنَ بأوٚر کونم.

اوّل قرنتیان 15:31

او گولأزَ کی شیمی روحأنی روشدٚ رِه در اَمی خوداوند عیسا مسیح دأرم سٚر قسم خورم کی من هر روج مٚردن اَمرأ روبرو بٚم.

دوم قرنتیان 2:5

بدأنید اونی کی تومأمٚ اَ غورصه‌یأنَ بأعیث بوبوسته و می دسخطٚ دورون جٚه اون بینیویشتم، فقد مٚرَه نرجأنِه، بلکی ویشترٚ شومأن یا دٚسٚ کم غورصه خوردنَ ای عیده جٚه شٚمٚره بأعیث بوبوسته. ولی نخأیٚم ویشتر جٚه اَن اونی سٚر ایرأدگیر ببم.

دوم قرنتیان 5:12

فیکر نوکونید کی ایوأردِه اَلکی گولأزَ شورو بوکودیم! اَطو نییٚه، بلکی خأییمی ایتأ دلیل بٚدأرید کی بتأنید اَمٚرَه گولأز بوکونید و او عیده جٚه دورُغی معلمأنٚ جوأبَ بدید کی نشوٚ نمأیَ گولأز کونٚده نه اونچی‌یَ کی دیل دورون نٚهأ.

دوم قرنتیان 9:2

چونکی دأنٚم کی شومأن خودتأن چی شوق و ذوقی کومک رسأنئنٚ رِه دأریدی. من گولأزٚ اَمرأ، او ایمأندأرأن کی مقدونیه شین ایسٚدَ بوگفتم کی شومأن اَخائیه شهرأنٚ دورون جٚه پأرسأل کومکٚ رِه حأضیر بید. رأس‌رأسِی، شیمی هه شوق و ذوق بو کی خٚیلی جٚه اَشأنَ تِشویق بوکوده کی کومک بوکونٚد.

فیلیپیان 1:10

کی بتأنید بِیترین کأرأنَ تشخیص بدید، و مسیح روجٚ رِه، پأک و بی‌عأیب بیبید.

فیلیپیان 1:26

و او وخت کی دووأره بأیٚم شیمی ورجأ، شومأن مسیح عیسایَ گولأز کودن رِه، ویشتر صفت نیشأن دأریدی، اوچی رِه کی می اَمرأ انجأم دِهه.

فیلیپیان 1:6

ایطمینأن دأرم خودا کی اَ خورومٚ کأرَ شیمی دورون شورو بوکوده، شٚمٚره کومک کونه کی اونی فیض دورون روشد بوکونید، کی عیسا مسیح وأگردٚستنٚ وخت اونی کأر شیمی دورون کأمیلَ بوسته بٚبه.

فیلیپیان 2:16

خودا حیأت بخشٚ کلامَ قأیم بٚدأرید کی وختی مسیح وأگردٚه، من جٚه خوشألی و گولأز پور ببم، چونکی می زحمتأنٚ جوأبَ کی شٚمٚره بٚکٚشئم، دینم.

فیلیپیان 4:1

اَی می جأنٚ دیلٚ برأرأن، شٚمٚره خٚیلی دوس دأرم و ایشتیأق اَمرأ شیمی دٚئنٚ رِه چوم بٚرأیٚم، چونکی شومأن می خوشألی و می زحمتأنٚ پأدأشیدی. اَی می جأنٚ دیلأن، خوداوندَ وفأ بوکونید.

اوّل تسالونیکیان 3:13

کی اَطویی اَمی پئر خودا، شیمی دیلَ پأک و بی‌گونأ و قوی چأکونٚه تأ او روج کی اَمی خوداوند، عیسایٚ مسیح خو موقدسأنٚ اَمرأ وأگردِه خودا ورجأ، بی‌عأیب و موقدس بئیسید.

اوّل تسالونیکیان 5:23

دوعأ کونم کی خودای آرأمٚش خودش، شٚمٚره پأکْ موقدس چأکونه. بٚبه کی شیمی روح و جأن و بٚدٚن تأ اَمی خوداوند عیسایٚ مسیح وأگردٚستنٚ روجٚ بی‌عأیب و قأیم بمأنه.