دوم قرنتیان 1:11 - Gilaki New Testament

¹¹ ولی شومأنم وأستی اَمٚرَه شیمی دوعأیأنٚ اَمرأ کومک بوکونید. او وخت کی بیدینید او دوعأیأن وأسی کی اَمی سلأمتی رِه کونیدی، خودا اَطو پورشوکو جوأب دِهه، او وخت خودایَ ویشتر شوکر کونیدی.

کتاب مقدس به زبان گیلکی - گویش شرقی

¹¹ شمرأم خا امره شیمه دوعا أمره یاری بدین، تا خیلیئن امه خاطیری شکر بکونن، او برکت واسی کی در جواب دعای خیلئن، امره هدا بوبو

کتاب مقدس به زبان گیلکی - گویش رشت و غرب گیلان

¹¹ شُمانَم بایستی اَمرا شیمی دُعا اَمرا یاری بدید، تا خَیلی ئان اَمی خاطری شُکر بُکونید، اُ برکتِ واسی کی در جواب دُعایِ خَیلی ئان، اَمرا فدَه بُبوسته.

دوم قرنتیان 1:11 Iomraidhean Croise

اعمالٚ رسولأن 12:5

ولی تومأمٚ اَ زمأتٚ میأنی کی پطرس زندأن میأن ایسأبو، کیلیسا خٚیلی حقٚ سعی اَمرأ اونی وأسی دوعأ کودیدی.

دوم قرنتیان 4:15

پس تومأمٚ اَ زحمتأنٚ کی تحمول کونیمی همه شٚمٚره بٚصرف ایسه. و هر چی اَمی عیده آدمأن کی اَمی خیدمت و تلاش اَمرأ، مسیحَ ایمأن اَوٚریدی، ویشتر بٚبه؛ آدمأنٚ ویشترییٚم خودایَ اونٚ لوطف و مهرٚوأنی وأسی، شوکر کونیدی و خوداوند جلالٚ ویشتٚری یأفه.

دوم قرنتیان 9:14

اَشأن خودا تومأمٚ نوبوستٚنی و عجیبٚ فیضٚ وأسی کی شیمی میأن نیشأن بٚدأ بوبوسته، جولفٚ محبت و شوق و ذوقٚ اَمرأ شِمِره دوعأ کونٚده.

فیلیپیان 1:19

چونکی رأس‌رأسِی دأنٚم کی شیمی دوعأیأن و عیسا مسیح قودوسٚ روحٚ تأییدأنٚ اَمرأ، تومأمٚ اَ کأرأن می آزأدی‌یَ بأعیث بِه.

کولسیان 4:3

اَمٚرَه‌یٚم دوعأ بوکونید کی خودا فرأوأنٚ فورصتأن چأکونٚه و بتأنیم مسیح رأزَ وأگویا بوکونیم. رأس‌رأسِی، هنٚ وأسی ایسه کی اَیَه زندأنٚ دورون ایسأم.

اوّل تسالونیکیان 5:25

جأنٚ دیلٚ برأرأن، اَمِرِه دوعأ بوکونید.

دوم تسالونیکیان 3:1

اَی برأرأن، آخرپٚسی شیمی جَا خأهیش کونم کی اَمِرِه دوعأ بوکونید. اوّل دوعأ بوکونید کی خودا پیغأم، بودونٚ مأنع همٚتأ جأجیگأیأنٚ میأن کی وأگویا بِه، سریع پٚخشَ بٚه و مردوم اونی وأسی نیجأت بیأفٚد، هوطو کی بأعیثٚ شیمی نیجأتم بوبوسته.

فیلیمون 1:22

اَنٚم بٚگم، ایتأ اوتاقٚم مِرِه آمأدَه کون، چون اومید دأرم کی خودا شیمی دوعأیَ قوبیل بوکونه، ایجأزه بٚده کی زود بأیٚم شیمی ورجأ.

عبرأنیأن 13:18

اَمِرِه دوعأ بوکونید، چونکی اَمی ویجدأن پأکه و هیوخت نخأییم ایتأ ایشتیوأ اَمی جَا بیرون بأیٚه.