اوّل تیموتائوس 5:5 - Gilaki New Testament

⁵ زنأکی، رأس‌رأسِی ویوه ایسه کی وأقعن اَ دونیأ دورون هیکسَ نأرِه و اونٚ چوم و اومید خودا رو نٚهأ و روج و شب دوعأ دورون خودا جَا یاور خأیه.

کتاب مقدس به زبان گیلکی - گویش شرقی

⁵ او کس کی راس راسه بیوه و بیکسه، خدا امید دبسته و شؤ و روز دعا مئن و خدا یأجی کمک گیتن مئن مشغوله.

کتاب مقدس به زبان گیلکی - گویش رشت و غرب گیلان

⁵ اونکی راس راسی بیوه ایسه و بی کسِ، خُدایَ اُمید دَوَسته و شبنده روج دعا درون و کمک گیفتن خُدا جا، مشغول ایسـه.

اوّل تیموتائوس 5:5 Iomraidhean Croise

لوقا 18:1

ایتأ روج عیسا خو شأگردأنٚ رِه ایتأ مٚثٚل بأوٚرده کی نیشأن بٚده وأستی همیشٚک دوعأ بوکونٚد و تأ خوشأنی دوعأ جوأبَ فأنگیفتٚد جٚه دوعأ کودن دٚس اونسأنٚد.

لوقا 18:7

اگه اَ آدمی کی اینصأف نأرِه رأضی بوبوسته کی مردومٚ دأد فأرٚسِه، آیا خودا خو اینتخأب بوبوسته‌یأنٚ دأد کی شبندروج اونی ورجأ دوعأ و ایلتیمأس کونٚده نٚرٚسه؟

لوقا 2:37

و هشتأد و چأر سأل دأشتی کی ویوه بو. آنّا هیوخت معبدَ ترکٚ نوکودی، بلکی شبندروج، دوعأ و روزه اَمرأ خودایَ عیبأدت کودی.

اعمالٚ رسولأن 26:7

تومأمٚ ایسرأییلٚ دوأزده‎تأ قبیله شبندروج حقٚ سعی زئندرد کی هه اومیدَ فأرٚسٚد کی من دأرم، هه اومیدی کی، اَی پأدیشأ، یوهودیأن اونٚ وأسی مٚرَه محکوم کونٚده.

اعمالٚ رسولأن 6:1

ایمأندأرأنٚ جِمئیت زیأدَ بوستنٚ اَمرأ، اَشأنٚ میأن گله شیکأیت بیرون بأمؤ. اوشأنی کی یونأنی زوأن بود، گله بوکودٚد کی اَشأنٚ ویوه زنأکأنٚ میأن و عِبری زٚوأنأنٚ ویوه زنأکأنٚ میأن، فرق نٚهٚده و اَشأنَ، اوشأنٚ اَندر خوردنی فأندٚد.

اعمالٚ رسولأن 9:39

هطو کی پطرس بأمؤ، اونَ ببردٚد دورکاسٚ جنأزه سٚر کی او تلأرخأنه میأن نٚهأ بو. اویَه ویوه زنأکأن جمَ بوسته بود، گریه اَمرأ او رختأنی‌یَ کی او زمأت دورکاس زٚنده بو و اَشأنٚ رِه بودوخته بویَ، اونَ نیشأن دٚئیدی.

اعمالٚ رسولأن 9:41

پطرس اونی دٚسَ بیگیفته و اونَ ویریزأنه و ایمأندأرأن و ویوه زنأکأنٚ دؤخأده و اونَ زٚنده اَشأنٚ بیسپأرده.

رومیأن 1:12

جغرز اَن، منم شیمی کومکَ ایحتیأج دأرم کی شیمی ایمأنٚ جَا قوّت فأگیرٚم. اَطویی، هرتأ جٚه اَمأن کس‌کسٚ ایمأنٚ قوّت دٚئنَ بأعیث بیمی.

رومیأن 1:5

مسیحٚ وأسی فیض فأگیفتیم و روسول بوبوستیم کی همٚتأ قومأنی کی یوهودی نییٚده رِه وأگویا بوکونیم کی اون چی پیله لوطفی اَشأنَ بوکوده، کی اَشأنٚم اونَ ایمأن بأوٚرد، اونی جَا ایطأعت بوکونٚد و اونی ایسمَ جلال بٚدٚد

اوّل قرنتیان 7:32

من خأیم کی شومأن همه چی دورون جٚه ایضطرأب و دیلوأپسی سیوأ بیبید. ایتأ مردأی کی عروسی نوکوده، تأنه تومأمٚ خو وختَ خوداوندٚ خیدمتٚ رِه بٚنه و اونی تومأمٚ فیکر اَن بٚبه کی اونَ خوشألَ کونه.

اوّل قرنتیان 7:34

رأس‌رأسِی اونی عشق و علأقه، خودا و اونی زنأکٚ میأن سأم به. هطویم ایتأ زنأی کی دِه مرد نأرِه و یا هنو عروسی نوکوده، تأنه خوداوندٚ کأرأنٚ فیکر بٚبه و اَنکی چوطو جیسم و روح میأن موقدس بمأنه. ولی ایتأ زنأی کی مرد دأره وأستی خأنه کأرأنَ فیکر بٚبه و بیدینه اونَ مردأی چی خأیه.

افسسیان 6:18

هر شرأیطٚ میأن انوأع و اَقسأمٚ دوعأیأن و خأسته‌یأنٚ اَمرأ در روح‌القدس دوعأ بوکونید! و همیشٚک، آمأده بیبید و دوعأ کودنَ همٚتأ موقدسأنٚ رِه مودأم ایدأمه بدید.

فیلیپیان 4:6

هیچی رِه دیلوأپس نیبید. اونی عوض، هر جور بوبوسته، دوعأ و ایلتمأس و شوکرگوزأری اَمرأ، شیمی خأسته‌یأنَ ببرید خودا حوضور.

اوّل تیموتائوس 2:1

جٚه اَ خأطر، پیشتر جٚه هرچی سفأرش کونم کی کلّ مردومأنٚ وأسی خأسته‌یأن، دوعأیأن، شفأعتأن، قدردأنیأن انجأم بٚبه،

اوّل تیموتائوس 5:16

ایوأردِه تیکرأر کونم کی هرتأ ویوه زنأکٚ قوم و خویش وأستی اونٚ خٚرجٚ فأدٚه و اَ بأرَ کیلیسا کؤل نٚنٚد کی کیلیسا بتأنٚه ویوه زنأکأنی‌یَ بٚدأرٚه کی رأس‌رأسِی هیکسَ نأرٚده.

اوّل تیموتائوس 5:3

ویوه زنأکأنَ بٚدأر و مورأقبت بوکون، البت اگه هیکسَ نأرٚده کی اوشأنٚ جَا مورأقبت بوکونٚه.

دوم تیموتائوس 1:3

وختی مودأم، شبندروج می دوعأیأنٚ میأن تٚرَه یأد اَوٚرم، خودایَ شوکر کونم، خودایی کی تیمیزٚ ویجدأنٚ اَمرأ، می پئرأنٚ مأنستَن خیدمت کونم.

۱پطرس 3:5

اَجور کردکأرأن، قدیمأن او موقدسٚ زنأکأنٚ میأنی بیدِه بوستی، اَشأن خودایَ ایمأن دأشتٚد و خوشأنٚ مردکأنٚ جَا ایطأعت کودٚد.