اوّل تیموتائوس 3:4 - Gilaki New Testament

⁴ وأستی بتأنه خو اهل و عیالٚ کأرأنٚ رفع و روجو بوکونه و خو زأکأنٚ بٚپّأیٚه کی اونٚ جَا حیسأب ببرد و ایطأعت بوکوند، خودشَ و دیگرأنَ ایحترأم بٚنٚد،

کتاب مقدس به زبان گیلکی - گویش شرقی

⁴ او خأ خوشه خؤنوادهَ بأقأیده بگردؤنه و خوشه زاکؤنه یک جور تربیت بوکونه که اون أجی تمؤم احترؤم همرأ ایطاعت بوکونن.

کتاب مقدس به زبان گیلکی - گویش رشت و غرب گیلان

⁴ اون، بایستی خو خانواده یَ بِخُبی بگردانه، و خو زاکانَ جوری تربیت بُکونه کی اونِ جا تمانِ احترامِ امرا اطاعت بُکونید،

اوّل تیموتائوس 3:4 Iomraidhean Croise

اعمالٚ رسولأن 10:2

اون و اونی خأنه آدمأن جٚه گونأ دؤر بود و خودایَ عیبأدت کودید. کُرنیلیوس همیشٚک دٚس و دیلوأزی اَمرأ یوهودٚ فِقِرأنَ یاور دٚئی، خودا حوضور دوعأ کودی.

افسسیان 5:24

پس شومأن اَی زنأکأن وأستی هرتأ کأر رِه تومأمٚ علأقه اَمرأ شیمی شوهرٚ جَا ایطأعت بوکونید، دوروست هوطو کی کیلیسا مسیح جَا ایطأعت کونِه.

فیلیپیان 4:8

و اَسه، می جأن و دیلٚ ریفِقأن، آخرسٚر ایچی شٚمٚره گم: شیمی فیکرَ اوچی سٚر جمَ کونید کی دوروست و قأبیلٚ ایحترأمه، اوچی سٚر کی دوروست و تیمیز، اوچی سٚر کی دوس دأشتنیه و شأ ستأیٚش کودن. کأرأنی‌یَ فیکر بوکونید کی خٚیلی خوروم بٚبه و بشأ تمجید کودن.

اوّل تیموتائوس 3:12

شمأس وأستی ایتأ زن بٚدأره و اونٚ جَا بأوفأ بٚبه، خو اهل و عیالٚ رِه خوروم مردأی بٚبه.

تیتوس 1:6

پیله کسٚ زٚندیگی وأستی بی‌عأیب بٚبه، اون وأستی خو ایتأدأنه زنأکٚ رِه ایتأ بأوفأ مردأی بٚبه و اونی زأکأنم ایمأن بٚدأرٚد و هیکس نتأنَه اَشأنَ ایتأ محلّه گرد و یاغی مأنستَن فأندٚره.

تیتوس 2:2

پیرٚمردأکأنَ بأموج کی سنگین و جأ دکفته و پرهیزکأر بٚبٚد، دوروست ایمأن بٚدأرٚد و همه کأرَ جٚه سٚرٚ محبت و صبر دأشتٚن انجأم بٚدٚد.

تیتوس 2:7

خودٚتٚم وأستی هرتأ خورومٚ کأر انجأم دٚئنٚ اَمرأ، اَشأنٚ رِه نومونه بیبی؛ تی آمؤختٚنٚ دورون صأف و صأدیق و جدی بوبو.