اوّل تیموتائوس 1:7 - Gilaki New Testament

⁷ دوس دأرٚده شریعتٚ معلم بٚبٚد، اَسه نأنٚده کی چی وأسی گب زِئندٚرٚده و چی‌یَ ایطمینأنٚ اَمرأ وأگو کونٚده.

کتاب مقدس به زبان گیلکی - گویش شرقی

⁷ خأنن شریعت معلیمؤن ببون، بی ای کی بودؤنن چی گوته‌درن یا چی جی ایطؤ مطمئن گب زئدرن.

کتاب مقدس به زبان گیلکی - گویش رشت و غرب گیلان

⁷ خوائیدی شریعتِ آموجگاران بیبید، بی اَنکی بدانید چی گُفتن دَرید یا چی جا اَطوئی اِطمینان امرا گب زنیدی.

اوّل تیموتائوس 1:7 Iomraidhean Croise

متّی 15:14

پس، اوشأنی اَمرأ کأر نوأدأشتنید. اَشأن کورأنی ایسٚد کی البأقی کورأنَ عصأکٚش بوبوستده، و اگه ایتأ دکفه چأه دورون، اویتأیٚم خو دونبأل فأکشه.»

متّی 21:27

آخرپٚسی بوگفتد: «اَمأن نأنیم!» عیسا بٚفرمأسته: «پس اَنٚ وأسی منم شٚمٚره نگم کی کو ایقتدأرٚ اَمرأ اَ کأرأنَ کونم.

لوقا 2:46

آخرپٚسی، سه روج وأموج وأموج پٚسی، اونَ معبٚدٚ صحنٚ دورون بیأفتٚد کی دینٚ عألیمأنٚ میأن نیشته بو و اوشأنی گبأنَ ایشتأوستی و اوشأنی جَا وأورس وُورس کودی.

اعمالٚ رسولأن 15:1

هو وخت میأن کی پولس و برنابا انطأکیه میأن ایسأبود، ایتأ عیده جٚه یوهودیه بأمؤده و مسیحیأنَ ایشتیوأ آمؤختأندوبود و گفتیدی: «اگه اینفر موسا رسم جَا وفأ نوکونه و ختنه نٚبه، ایمکأن نأرِه بتأنه نیجأت بیأفه.»

رومیأن 1:22

خوشأنَ دأنأ و عأقیل دأنستیدی، ولی همٚتأن نأدأن و بی‌عقل بوبوستٚد.

غلاطیأن 3:2

فقد اَنَ خأیم بدأنم: آیا شومأن روح‌القدسَ جٚه شریعتٚ حوکمأنٚ ایجرأ کودن بٚدٚس بأوٚردیدی یا اینجیلَ ایمأن اَوٚردٚن و اونی رأیَ ایشتأوٚستٚنٚ اَمرأ؟

غلاطیأن 3:5

ایوأردِه خأیم بدأنم کی خودا چٚره روح‌القدسَ شٚمٚره بٚخشه و شیمی میأن موجیزه‌یأن کونه؟ آیا شریعت کأرأنٚ انجأم دٚئنٚ وأسی یا جٚه او پیغأم کی بشتأوستیدی و ایمأن بأوٚردید؟

غلاطیأن 4:21

اَی می جأنٚ دیلٚ زأکأن، شومأن کی فیکر کونیدی شریعتٚ حوکمأنٚ انجأم دٚئنٚ اَمرأ شأ نیجأت یأفتن، چٚره نخأییدی بفأمید شریعت و مذهبٚ رأس‌رأسِی مأنی چیسه؟

اوّل تیموتائوس 6:4

اَجور آدم گولأزٚ جَا پورَ بِه و درک و فأمٚ جَا خألِه بِه و دوس دأره کلماتٚ مأنی رِه نأخوشی اَمرأ جنگٚ‌ دعوأ و درگیری بٚدأره، چیزی کی بأعیث بِه حسودی، بوگو موگو، بی‌حورمتی گبأن، شیطانی بدگومأنیأن

دوم تیموتائوس 3:7

اَجور زنأکأن اوشأنَ کی تأزه آموجه‌یأنٚ اَوٚرٚده، دونبأل کونٚده، امّا هیوخت حِئقتٚ شنأختَ نیأفٚده.

یعقوب 3:1

می جأنٚ دیلٚ برأرأن و خأخورأن، اوشأنٚ تعداد نفرأن کی خأیده معلم بٚبٚد، خٚیلی نٚبه، چون دأنید، اَمٚرَه کی آمؤختٚندریم، دأوری کودنٚ رِه، خٚیلی ویشتر سخت گیرده.

دوم پطرس 2:12

اَ دورُغگو معلمأن او جأنورأنَ مأنٚده کی هیذره عقل و شعور نأرٚده و خوشأنی جیسمٚ خأسته‌یأنٚ جَا ایطأعت کونٚده، کی خلق بوبوستٚد کی بٚدأم دکفد و هلأکَ بد. اَشأن هر چی‌یَ کی نفأمٚد رخشنَ گیرده، غأفیل جٚه اَنکی ایروج هو جأنورأنٚ مأنستَن هلأکَ بٚده.