اوّل تیموتائوس 1:20 - Gilaki New Testament

²⁰ هیمینائوس و ایسکندر، دونه جٚه اَ آدمأن ایسٚد. اَشأنَ شیطان چنگٚ دورون سرأ دأم کی اَدب بٚبٚد و بأموجد کی دِه خودایَ کوفر نٚگد.

کتاب مقدس به زبان گیلکی - گویش شرقی

²⁰ هیمنائوس و اسکندر هی جرگه أجی ایسن؛ که اوشؤنه شیطؤنه بسپاردم تا یاد بگیرن کی کفر نوگؤن.

کتاب مقدس به زبان گیلکی - گویش رشت و غرب گیلان

²⁰ هیمِنائوس و اسکندر هه دسته جا ایسید، کی اوشانَ شیطانِ دس واسپاردم تا یاد بیگیرید کی کُفر نیگید.

اوّل تیموتائوس 1:20 Iomraidhean Croise

متّی 18:17

ولی اگه ایوأردِه شیمی گبأنَ نشتأوٚست، بأزون موضو‌یَ کیلیسا رِه بوگو؛ و اگه کیلیسا تٚرَه حق فأدَه و او برأر بأزم قوبیل نوکوده، بأزون کیلیسا وأستی اونی اَمرأ ایتأ غریبه یا فأسیدٚ بأج‌فأگیرٚ مأنستَن رفتأر بوکونٚه.

اعمالٚ رسولأن 13:45

ولی وختی یوهود پیله‌ کسأن بیدِده کی مردوم روسولأنٚ پیغأمٚ جَا ایستقبأل کونٚده، جٚه حیسأدت اوشأنی جَا بد گفتیدی و هرچی پولس گفتی، اونَ ضد گفتیدی.

اعمالٚ رسولأن 19:33

اَ میأن چنتأ یوهودی، ایسکندرَ بیأفتده و اونَ پیش تأوٚدأده، اونی جَا بٚخأستده کی اَ مأجیرأیَ نقل بوکونه. ایسکندر خو دٚسٚ تکأن دٚئنٚ اَمرأ مردومٚ جَا بٚخأسته کی سأکیتَ بد و حقٚ سعی بٚزِه ایچی بٚگه.

اوّل قرنتیان 11:32

ولی حتّا اگه خوداوند اَمٚرَه محکوم و تِنبیه بوکونه، اَنٚ رِه ایسه کی دونبألتر دونیأ البأقی آدمأنٚ اَمرأ موحأکمه و دأوری نیبیم.

دوم قرنتیان 10:6

اَمأن آمأده بأشٚ دورون ایسأییم کی هر وخت شیمی ایطأعت کأمیلَ بوسته، هرتأ سٚرکشی‌یَ البأقیأنٚ میأن موجأزأت بوکونیم!

دوم قرنتیان 13:10

اَ مطلبأنٚ اَ اومیدٚ اَمرأ نیویسٚم کی وختی بأمؤم شیمی ورجأ، ایحتیأج نٚبه کی شٚمٚره شمأتٚت و تِنبیه بوکونم. چونکی خأیم جٚه او ایقتدأر کی خوداوند مٚرَه فأدأ، شیمی قوّت و بٚنأ کودنٚ رِه ایستفأده بوکونم، نه اَنکی شٚمٚره خرأبَ کونم.

دوم تسالونیکیان 3:15

امّا اونَ نوأستی ایتأ دوشمنٚ مأنستَن فأندٚرید، بلکی ایتأ برأری مأنستَن کی نصیحت بوستنَ ایحتیأج دأره، اونَ وأخبدأرَ کونید.

اوّل تیموتائوس 5:15

چون هطو کی معلومٚه بعضی‌ جٚه ویوه‌یأن، کیلیسا جَا رو وأگردأنِده، شیطانٚ دونبألسر رأ دکفتٚده.

دوم تیموتائوس 2:14

اَ حِئقتأنَ تی کیلیسا مردومَ یأد بأوٚر، خوداوندَ ایسمٚ اَمرأ اَشأنَ حوکم بوکون کی اَلکی موضویأنٚ وأسی جَر و بحث نوکونٚد، چونکی اَ بحثأن فأیده نأرِه هیچ، ضررم دأره.

دوم تیموتائوس 2:17

اَ بحثأنٚ میأن، گبأنی بوگو بشتأو بِه کی هچین نأخوشی مأنستَن آدمٚ جأن دکفه. هیمینائوس و فلیطوس هوشأنی ایسید کی بچٚکَستٚد اَ جور بحثأنٚ رِه.

دوم تیموتائوس 3:2

چونکی مردومأن اَطو بوبوستده: خودخأه، پولدوس، هر کی فقد خؤرَه قوبیل دأره، مغرور، بد دٚهٚن، خو پئر و مأرٚ جَا فرمأن نٚبٚره و شوکرگوزأری نوکونه، هیچی‌یَ موقدس نأنِه.

عبرأنیأن 12:5

عَینٚ خیالٚه او تِشویق گبأنَ کی شٚمٚره بوگفته بوبوسته‌یَ جٚه‌ خأطرَ دأییدی، هچین پئر خو پٚسرَ بٚگه. فٚرمأیه: «پٚسر جأن، تی دیمَ او شمأتٚتٚ جَا کی خوداوند جَا اَیِه وأنگردأن، و هر زمأت کی تٚرَه شمأتٚت بوکونه، دیلسردَ نوأبوستن.

موکأشفه 13:1

پس اژدها فأرٚسِه دریأ کنأر و اویَه رأفأ بینیشته. بأزین ایتأ وحشَ بیدِم کی دریأ جَا اَمؤندوبو بوجؤر. اَ جأنور هفتأ سٚر دأشتی و ده‌تأ شأخ. اونی هرتأ شأخ سٚر ایتأ تأج نٚهأ بو و اونی هرتأ سٚرٚ رو ایتأ کوفر آلودٚ نأم بینیویشته بوبوسته بو.

موکأشفه 3:19

من اوشأنی‌یَ کی دوس دأرم، اَدب و تِنبیه کونم. تٚرَم تِنبیه کونم کی لأبألیگری جَا دٚس اوسأنی، خودا رِه غیرت بٚدأری.