اوّل تیموتائوس 1:18 - Gilaki New Testament

¹⁸ هسأ می پٚسر، تیموتائوس، هو نوبوّت پیغأمأنٚ وأسی کی ویشتر اونٚ جَا تٚرَه وأخٚوٚرٚ کودم، تٚرَه سفأرش کونم کی اوشأنَ بٚخأطر اَوٚردٚنٚ اَمرأ، خوداوندٚ خورومٚ جنگ میأن خُب بٚجنگی.

کتاب مقدس به زبان گیلکی - گویش شرقی

¹⁸ می زأک، تیموتائوس، ای حکمه عَین او نبوّتؤنی کی پیشتر تی باره بوبؤبو، تأ سپارنم تا بواسیطه اوشؤن او خؤرم جنگه أنجؤم بدی

کتاب مقدس به زبان گیلکی - گویش رشت و غرب گیلان

¹⁸ می زای، تیموتائوس، اَ حکمَ عین اُ نبوّتانی کی پیشتر تی باره بُبوسته بو، تِره واسپارم تا بواسطه اوشان اُ خُبِ جنگَ انجام بِدی،

اوّل تیموتائوس 1:18 Iomraidhean Croise

اعمالٚ رسولأن 16:1

اَطویی بو کی، پولس و سیلاس بوشؤده دِربه شهر و بأزون لِستره میأن. لِستره شهرٚ میأن ایتأ جوأنٚ شأگرد اَمرأ آشینأ بوبوستٚد کی اونی نأم تیموتائوس بو. اونی مأر جٚه یوهودٚ نتأج و مسیحی بو، ولی اونی پئر یونأنی بو.

اوّل قرنتیان 4:17

هنٚ وأسی تیموتائوسَ اوسه کونم کی اَ کأرٚ دورون شٚمٚره کومک بوکونه. اون جٚه اوشأنی ایسه کی می گبأنٚ اَمرأ مسیح عیسایَ ایمأن بأوٚرده و مِرِه ایتأ زأکٚ مأنستَن عزیز و اَمین ایسه. اون او آموجه‌یأنَ کی همٚتأ جیگأ کیلیسایأن دورون فأدٚم شیمی خأطر اَوٚره.

اوّل قرنتیان 9:7

کویتأ سروأز ایسه کی وختٚ سروأزی خیدمت، خو خرجَ بیرون بأوٚره؟ یا کویتأ بأغبأن ایسه کی ایتأ دأرَ بکأره ولی اونَ ولأنٚد کی جٚه اونٚ مأصول بوخوره؟ یا کویتأ چوپأن ایسه کی ایتأ گلّه‌یَ بٚپأیه ولی حق ندأشته‌ بی کی جٚه اونٚ شیر وأخوره؟

فیلیپیان 2:22

ولی شومأن تیموتائوسَ شنأسیدی؛ اون ایتأ زأکٚ مأنستَن مٚرَه کومک کونِه کی اینجیلٚ پیغأمَ وأگویا بوکونم.

اوّل تیموتائوس 1:2

اَ نأمه‌یَ می رأس‌رأسِی زأی ایمأن دورون، تیموتائوسٚ رِه نیویسٚم. جٚه اَمی پئر خودا و اَمی خوداوند عیسا مسیح تِرِه فیض و بخشش و آرأمٚش خأیم.

اوّل تیموتائوس 1:5

می منظور اَ حوکمٚ جَا اَنه کی ایمأندأرأن همٚتأن محبتٚ جَا پورَ بد، هو محبت کی جٚه ایتأ خوروم دیل و دوروستٚ فیکر و رأس‌رأسِی ایمأن ویریزه.

اوّل تیموتائوس 4:14

هو زمأت کی کیلیسا پیله کسأن تی سٚرٚ رو دٚس بٚنأده، خودا، پیغأمأن و نوبوّتأنٚ جَا، تٚرَه مخصوصٚ عطایأنٚ فأدأ، اَ عطایأنٚ جَا بِیترینَ شیکل ایستفأده بوکون.

اوّل تیموتائوس 4:4

هر چی کی خودا بٚوجود بأوٚرده، خُبه و وأستی شأدی اَمرأ اوشأنٚ جَا ایستفأده بوکونیم. البت وأستی اوشأنٚ وأسی خودایَ شوکر کودن

اوّل تیموتائوس 6:20

اَی تیموتائوس، اونچی کی خودا تٚرَه امأنٚت بیسپأرده، بٚدأر. تٚرَه بیخودٚ گبأنٚ اَمرأ درگیر نوأکودن، بوخصوص اوشأن کی عیلم و دأنشٚ جَا دٚم زنٚده.

دوم تیموتائوس 1:2

اَ نأمه‌یَ می جأنٚ دیلٚ زأی تیموتائوسٚ رِه نیویسٚم. جٚه خودای پئر و اَمی خودا عیسایٚ مسیح، تِرِه فیض و بخشش و آرأمٚش خأیم.

دوم تیموتائوس 4:7

خورومٚ جنگٚ دورون خُب بٚجٚنگستم و اَ موسأبقه‌یَ تومأنَ کودم و می خیدمتَ وفأدأری اَمرأ انجأم بٚدأم.

تیتوس 1:4

اَ نأمه‌یَ تیتوسٚ رِه می رأس‌رأسِی زأی اَمی هم ایمأنی دورون نیویسٚم: اَمی پئر خودا و اونی کی اَمٚرَه نیجأت بٚدأ، مسیح عیسا جَا تِرِه فیض و آرأمٚش خأیم.

فیلیمون 1:10

تی جَا تمنا کونم می زأی اُنیسیموسٚ اَمرأ کی او زمأت کی زندأنٚ دورون ایسأبوم، اونٚ رِه پئر ایمأنی بوبوستم، مهرٚوأن بیبی.