اوّل تسالونیکیان 4:4 - Gilaki New Testament

⁴ هرتأ جٚه شومأن وأستی بأموجه کی خو بدنٚ رو حأکیم بٚبه و خو زٚندیگی‌یَ پأکی و ایحترأمٚ اَمرأ بوگذرأنه.

کتاب مقدس به زبان گیلکی - گویش شرقی

⁴ تا هرته أز شمه بودؤنه کی چوطؤ خوشه تنه مقدس بؤن و احترؤم مئن بدأره‌،

کتاب مقدس به زبان گیلکی - گویش رشت و غرب گیلان

⁴ تا هرتا جه شُمان بِدانه کی چُطو خو تَنَ، مقدّس بودَن و احترام درون بِدَره،

اوّل تسالونیکیان 4:4 Iomraidhean Croise

اعمالٚ رسولأن 9:15

ولی خوداوند بٚفرمأسته: «بوشو اونچی کی گفتأندرم انجأم بٚدٚن، چونکی اونَ می دٚسٚ کأرٚ رِه اینتخأب بوکودم کی می پیغأمَ قومأن و پأدیشأیأن و هطویم ایسرأییلٚ آدمأنَ فأرٚسأنه.

رومیأن 1:24

هنٚ وأسی، خودایٚم اَشأنَ وِلَ کوده کی هرچی خأیٚد بوکونٚد و گونأ شهوتأن آتش دورون بوسوجٚد و خوشأنی جأن اَمرأ گونأیأنی بوکونٚد کی شرم‌ اَوٚره.

رومیأن 12:1

پس اَی جأنٚ و دیلٚ برأرأن و خأخورأن، خودا اَ لوطف و رحمتٚ جولو، ایلتمأس کونم کی شیمی جأنَ خودایَ تقدیم بوکونید. بٚدأ شیمی جأن، موقدس و زٚنده قوربأنی بٚبه، اوجور قوربأنی کی خودایَ خوش اَیِه. خودا پرستٚشٚ رأ روش رأس‌رأسِی هنه.

رومیأن 6:19

اَ مسئله‌یأنَ اَجور صأف و سأده، اربأب و رعیتٚ مثألأن اَمرأ گم کی اونَ بِیتر بفأمید، می منظور اَنه کی هوطو کی پیشتر همه‌ جور گونأ غولأم بیدی، اَسأیٚم او کأرأنی خیدمت رِه حأضیر بیبید کی موقدس و دوروستٚده.

اوّل قرنتیان 6:15

مگه نأنیدی کی شیمی جأنأن، رأس‌رأسِی مسیح جأنٚ عُصم و اعضأ ایسه؟ پس، مگه دوروست ایسه کی شیمی جأنَ کی اَ پیله مأنی‌یَ دأره، فأگیرٚم و ایتأ بدکأرٚ زنأک جأنٚ اَمرأ پینیک بٚزٚنم؟ هیوخت!

اوّل قرنتیان 7:2

ولی اَنٚ وأسی کی جینسی فسق و فوجورأن اَمی دؤرٚور نٚهأ، بِیتر ایسه هرتأ مردأی خؤرَه ایتأ زن بیگیره و هرتأ زنأی، خؤرَه ایتأ مردأی اینتخأب بوکونه.

اوّل قرنتیان 7:9

ولی اگه نٚتأنٚده خوشأنٚ نفسٚ سٚر بأش بٚبٚد، عروسی بوکوند بِیتر ایسه، چونکی عروسی کودن، جٚه شهوتٚ آتش میأن سوختن بِیتر ایسه.

دوم قرنتیان 4:7

ولی اَ گیرأنٚ گنجَ گیلی ظرفأنٚ دورون دأریمی، ینی اَمی اینسأنی و سوستٚ جأنٚ میأن، کی همه بدأنٚد کی اَ بأوٚر نوکودنی و پیله قودرت جٚه خودا ور ایسه، نه جٚه اَمأن.

فیلیپیان 4:8

و اَسه، می جأن و دیلٚ ریفِقأن، آخرسٚر ایچی شٚمٚره گم: شیمی فیکرَ اوچی سٚر جمَ کونید کی دوروست و قأبیلٚ ایحترأمه، اوچی سٚر کی دوروست و تیمیز، اوچی سٚر کی دوس دأشتنیه و شأ ستأیٚش کودن. کأرأنی‌یَ فیکر بوکونید کی خٚیلی خوروم بٚبه و بشأ تمجید کودن.

عبرأنیأن 13:4

شیمی ایزدوأج و قول و قرأرٚ سٚر وفأ بوکونید، و شیمی زنٚ‌ مردی‌یَ کثیفٚ بوستنٚ جَا دؤر بٚدأرید، چونکی خودا خرأبٚ آدمأن و زٚنأکأرأنَ موجأزأت کونِه.

۱پطرس 3:7

و شومأن اَی مردکأن، شیمی زنأکأنٚ اَمرأ بأ ایحترأم بیبید و اَشأنٚ مولأحظه‌یَ بوکونید، چونکی اَشأن شیمی جَا ظریفترده. شٚمٚره جٚه خأطرٚ نشه کی اَشأن شیمی روحأنی زٚندیگی و ایلاهی برکتأنٚ اَمرأ شیریک ایسٚد. اونی وأسی اگه اَشأنٚ اَمرأ دوروست رفتأر نوکونید شیمی دوعأیأن جوأب بٚدأ نیبه.