اوّل تسالونیکیان 1:4 - Gilaki New Testament

⁴ اَی جأنٚ دیلٚ برأرأن و اَی خودا جأنٚ دیلأن، دأنیم کی خودا شٚمٚره اینتخأب بوکوده،

کتاب مقدس به زبان گیلکی - گویش شرقی

⁴ چونکه أی برأرؤن، کی خدای عزیزین، أمه دؤنیم کی خدا شمره دؤجئه.

کتاب مقدس به زبان گیلکی - گویش رشت و غرب گیلان

⁴ چون اَی براران کی خُدا عزیزید، امان دَنیم کی خُدا شمرأ انتخاب بُکوده،

اوّل تسالونیکیان 1:4 Iomraidhean Croise

رومیأن 1:7

اَ دسخطَ همه‌یٚ اوشأنی‌ رِه نیویسٚم کی رومٚ دورون خودا اوشأنَ دوس دأره و دؤخأده بوبوستده کی اونی موقدس قوم بٚبٚد. جٚه پئر خودا و اَمی خوداوند عیسا مسیح، شِمِره فیض و آرأمٚش خأیم.

رومیأن 9:25

اوشأنی کی یوهودی نییٚده وأسی، هوشعٚ نوبوّتٚ دورون خودا فٚرمأیه: «اوشأنَ کی بوگفته بوم "می قوم نییٚد،" گم: "هسأ شومأن می قوم ایسید". و اوشأنَ کی می محبوب نییٚده، "می محبوب" نأم نٚهٚم.»

افسسیان 1:4

خودا حتّا پیشتر جٚه دونیأ خلقت جٚه رأی اَمی دوچوکستن مسیحٚ اَمرأ، اَمٚرَه اینتخأب و محبت بوکوده کی اونی فیکر میأن موقدس و بی‌عأیب بیبیم.

کولسیان 3:12

اَسه کی خودا شٚمٚره دؤجین بوکوده تأ ایتأ موقدسٚ قوم بیبید کی اونٚ محبتٚ میأن ایسأ، پس شفقت و دیلسوجی، مهرٚوأنی، فروتنی، مولأیٚمت و صبر و تحمولٚ لیوأسَ شیمی جأن دوکونید

اوّل تسالونیکیان 1:3

و اَمی پئر و خودا ورجأ، شیمی کردکأرأنَ کی ایمأن وأسی بوجود اَیِه و او زحمتأنییٚم کی او محبتٚ وأسی ایسه و شیمی صبر و تحمولَ کی خوداوند عیسایٚ مسیحٚ اومید دأشتٚن وأسی ایلهام بیگیفتٚده، خأطر اَوریم.

دوم تسالونیکیان 2:13

اَی برأرأن و خودا جأنٚ دیلأن، اَمأن وأستی همیشٚک خودایَ شیمی وأسی شوکر بوکونیم، چونکی خودا جٚه هو اوّل شٚمٚره اینتخأب بوکوده کی نیجأت بٚبخشه و خو پأکٚ روحٚ قودرتٚ اَمرأ و شیمی ایمأنٚ وأسی شٚمٚره رأس‌رأسِی پأکَ کونٚه.

۱پطرس 1:2

اَمی پئر خودا جٚه قبل شٚمٚره اینتخأب بوکوده بو و اونی روح شٚمٚره پأکٚ کوده. نتیجه اَن بوبوسته کی شومأن اونی جَا ایطأعت بوکودید و عیسا مسیح خون اَمرأ پأکٚ بوستید. خودا فیض و آرأمٚشٚ پوری شیمی رو بمأنه!

دوم پطرس 1:10

اَنٚ وأسی، اَی جأنٚ دیلٚ برأرأن، حقٚ سعی بٚزنید تأ ثأبیت بوکونید کی رأس‌رأسِی خودا اینتخأب و دعوت بوبوسته‌یأن ایسید؛ چونکی اگه اَطو بوکونید هیوخت جیلیسکأ نوخورید و خودا جَا دورٚ نیبید