۱پطرس 5:9 - Gilaki New Testament

⁹ پس اونی فوتورکستنٚ وخت خودایَ تکیه بوکونید و قأیم بئیسید؛ بدأنید کی اَ زحمتأن فقد شیمی سٚروخت نأیِه، بلکی تومأمٚ اَ دونیأ میأن مسیحیأن اَجور موصیبٚتأنٚ اَمرأ روبرو بٚده.

کیتاب مقدّس به گیلکی (رشتی)

⁹ پس شیمی ایمأنٚ دورون قایم بیبید و اونٚ جُلُو بِیسید، چره کی دأنیدی شیمی برأرأنم دونیا همه جا اَ رنجأنٚ دورون دکفتیدی.

کتاب مقدس به زبان گیلکی - گویش شرقی

⁹ پس ایمؤن مئن قایم ببین و اون پیش بیسین، چون دؤنین کی شیمئه برأرؤن دونیای مئن هی عذابؤن همأ دیمأدیمن.

کتاب مقدس به زبان گیلکی - گویش رشت و غرب گیلان

⁹ اونِ جُلُو بأسید و شیمی ایمانِ درون پایدار بیبید، چون دَنیدی کی شیمی براران، دُنیا درون هه عذاب ئانِ امرا روبه‌رو بُبوستید.

۱پطرس 5:9 Iomraidhean Croise

لوقا 22:32

امّا من تِرِه دوعأ بوکودم کی تی ایمأن جٚه بین نشه. پس وختی توبه بوکودی و می ورجأ وأگردٚستی تی برأرأنٚ ایمأنَ بٚنأ بوکون!»

یوحنا 16:33

اَ چیزأنَ بوگفتم کی شیمی خأطر جم بٚبه. اَ دونیأ میأن خٚیلی موشکلأن و مرأرتأنٚ دینیدی؛ ولی شیمی دیل قورص بٚبه، چونکی من اَ دونیأیَ پیروزٚ بوستم.»

اعمالٚ رسولأن 14:22

و اویَه ایمأندأرأنَ تِشویق کودیدی و قوّت دٚئید کی خوشأنٚ ایمأنَ قأیم بٚدأرٚد و گفتیدی: «خودا ملکوتٚ بودورون شؤئؤن رِه، وأستی خٚیلی سختیأن جَا دٚوأریم.»

اوّل قرنتیان 10:13

او وسوسه‌یأن و ایمتحأنأن کی شیمی ور اَیٚده، جٚه او وسوسه‌یأن و ایمتحأنأن کی البأقی آدمأن اونی دوچأر بٚده فرقی نأرِه. و خودا اَمین ایسه؛ اون ولأنه ویشتر جٚه اونچی کی تأنیدی ایمتحأن بیبید. ایمتحأنٚ وخت اون شٚمٚره جیویشتنٚ رأیٚم نیشأن دِهه کی اونَ طأقتم بٚدأرید.

افسسیان 4:27

شیطانَ رأ فأندید.

افسسیان 6:16

تومأمٚ اَشأنی سٚر، "ایمأنٚ سپرم" اوسأنید کی اونی کومک اَمرأ بتأنید او شیطانٚ آتشی تیرأنَ خأموشَ کونید.

کولسیان 2:5

چون هطوکی می جأن شیمی جَا دورٚ، ولی روحٚ دورون شیمی اَمرأ ایسأم و دیلخوشم جٚه اَنکی دینم کی چنقذر نظم دأریدی و مسیحٚ رِه چندر قأیم ایسید.

اوّل تسالونیکیان 3:3

و ولأنه سختیأنٚ جَا دیلسردَ بید؛ اگه چی دأنیدی کی اَ سختیأن، ایتأ قیسمت جٚه خودا نقشه اَمِرِه ایسه.

اوّل تیموتائوس 6:12

ایمأنٚ خورومٚ جنگٚ دورون بٚخُبی جنگ بوکون و او همیشٚکی زٚندیگی‌یَ بٚدٚس بأوٚر کی خودا تٚرَه اونٚ رِه دؤخأده، هو زمأت کی ایتأ عألمٚ شأهیدأنٚ ورجأ خورومٚ ایعترأف بوکودی.

دوم تیموتائوس 3:12

رأس‌رأسِی، همٚتأن کی خأیده خودا ایرأده موطأبٚق زٚندیگی بوکوند مسیحٚ عیسا دوشمنأنٚ جَا اَذِت آزأر دینٚده.

دوم تیموتائوس 4:7

خورومٚ جنگٚ دورون خُب بٚجٚنگستم و اَ موسأبقه‌یَ تومأنَ کودم و می خیدمتَ وفأدأری اَمرأ انجأم بٚدأم.

عبرأنیأن 11:33

ایمأنٚ وأسی بو کی اوشأن، کیشورأنَ شکست بٚدأده، عیدألت و اینصأفٚ اَمرأ سلطنت بوکودٚد، و اونچی کی وعده بٚدأ بوبوسته بو، بٚدٚس بأوٚردٚد. اوشأن شیرأنٚ دٚهٚنَ دٚوٚستٚد،

عبرأنیأن 12:8

ولی اگه خودا هیوخت شٚمٚره اَدب و تِنبیه نوکونه، معلوم بِه کی هیذره اونی زأی نیئیدی، چونکی هر تأ پئر خو زأکَ تِنبیه کونِه.

یعقوب 4:7

بأزون، شٚمٚره فروتنی اَمرأ خودایٚ بیسپأرید و شیطان جولو بئیسید تأ شیمی جَا فرأر بوکونه.

۱پطرس 1:6

پس هسأ رأس‌رأسِی شأد بیبید چونکی اَجور ارثی شِمِره نٚهأ، حتّا اگه لأزیم بٚبه ایپچه سختیأن و زحمتأنٚ تحمول بوکونید.

۱پطرس 2:21

اَ رنج و زحمت، ایتأ قیسمت جٚه شیمی خیدمٚتی ایسه کی خودا شٚمٚره بیسپأرده. مسیح شیمی الگویه کی شیمی وأسی زحمت بٚکٚشه. پس اونی رأیَ ایدأمه بدید.

۱پطرس 3:14

امّا خوشبحألٚ شومأن، حتّا اگه شٚمٚره ظولم و ستم کونیدی، چونکی خوداوند شٚمٚره خوروم چی فأدِه. پس نترسید و دیل نیگرأن نیبید،

۱پطرس 4:13

خوشأل بیبید کی اَطویی مسیح رنج و زحمتٚ میأن شیریکَ بید؛ بأزین شیمی خوشألی اونی پور جلال وأگردٚستنٚ روجٚ میأن کأمیلَ به.

موکأشفه 1:9

من، یوحنا، کی اَ دسخطَ شِمِره نیویسٚم، خوداوندٚ رأ میأن شیمی مأنستَن عذأب کشئندرم. ولی اون اَمٚرَه صبر و تحمول بٚبخشه و اَمٚرَه خو ملکوتٚ میأن سأم فأدأ. من اینجیلٚ پیغأمٚ وأگویا کودن و دروأره‌یٚ عیسا بشأرت دٚئنٚ وأسی، تبعید بوبوستم پطموسٚ جزیره میأن.

موکأشفه 6:11

بأزون هرتأ جٚه اَشأنَ، ایتأ سیفیدٚ رخت فأدأده و بوگفتٚده کی ایپچه‌یم ده ایسترأحت بوکوند کی اَشأنٚ هم دؤره‌یأن کی وأستی اَشأنٚ مأنستَن عیسا مسیحٚ خیدمت کودنٚ وأسی شهید بٚبٚد، اوشأنی جمٚ میأن بٚشٚد.

موکأشفه 7:14

جوأب بٚدأم: «اَنَ، تو دأنی آقأ جأن.» مٚرَه بوگفته: «اَشأن هو آدمأنی ایسٚده کی سختٚ عذأبٚ جَا بیرون بأمؤده. اَشأن خوشأنٚ رختأنَ "بٚرّه" خونٚ اَمرأ بوشؤستٚده و سیفیدَ کودٚد.